Министр э коргьой жэгIметие гъэлхэнди, жирелуье гъозигьо ве нисдсохи песдеине эз хуьшде нэхэберекие хэтокоригьо Уруссиете Александр Куренков гировунди корие омореи э Республике Догъисту. Везифе омореи гьисди э фегьм сохдеи овхьолете гъэдергьоре э гъэршуй сухдеие секонеисуьзи ве хьозуьрлугъи региональни гъуллугъсохигьо эки жугььоб дореи э тебиете бигIэдотие хэребеигьо.
Э вэхд омореи эн хуьшде министр фегьм сохди хундение-тренировочни бине 56-муьн сухдеие-хилоссохдение беделе, комики э десдин дебиреи э махачкалински микрорайоне Караман-6. Инжо гьисди хундение гъэлече, комики овурде расунде омори э скалодромовоз ве дегмишигьоревоз, комики э гуьнжо овурде омори эри хьозуьрлугъи корсохгьой МЧС. И ёгъинлуье бине желди э кор венгесде оморе эри зевер биреи гъинорменди корсохгьоре э гIэтоше куьшдеи ве э гуьнжо овурдеи боржберире эсер сухдеи спорте. Сервор идорере пуьруьш сохди э корсохдегоргьоревоз жергей гирошденигьо четинигьоре ве гуфдири хошвегири риз гъэдерлуиревоз cенигIэткорлуье хьозуьрлугъи корсохгьоре.
Эзуш бэгъэй, министр фегьм сохди хьозуьрлугъире Догъистуние сухдеие-хилоссохдеие десдере, комики бире эки 60 сенигIэткоргьо ве гьисди 40 текигьо жейлее технике. Десде доре секонеисуьзи гьемме жигегьоре республикански шогьнишоне. Э вэхдгирошди суьфдеи нимсали 2025-муьн сале гьемкоркигьо десдере бегьем сохди эки 80 ведарафдеи э жигегьо нэгъифеи, барасилуь хилос сохде зиндегуни одомигьоре. Э сер барасигьо фегьмсохи бири ведеберде бинелуье рэхьгьо песдеине параменди десдеигьоре.
Песде министр гьекки э рэхьберисохигьоревоз Республике сер кешири Бинере рэхьберие э гурунде гъозигьоревоз ве гъуллугъсохигьо зурие тегьер сохде оморе оголзереире «112». Гье у идорегьо э десдин дебиреи гьекки, чуькии кумекии доре барасилуье кори сохдеи дуь э екиревоз ве зурие жугьобе э хьэсуьл оморе гъозигьо. Э корисохи вохурдеи Александр Куренков хуьшдени ю омборекбу сохди ве бэхшири омборте желдие корсохгьоре, комикигьо нушу дори игиди ве ссенигIэткори э сер веровундеи гъуллугъсохие гъэрхундигьоре.
Жирелуье тигъэти бири доре шинохи э операторгьоревоз гъуллугъсохире «112», дешенде маломобильни одомигьор, комикигьо кор сохде э гъуллугъсохи хилосбиреи.Э хотур чуьки очугъэтегьерие жирей корисохи диспетчерски гъуллугъсохи гьисди минкини жугьобе доре э гьер битIэгIрифие гъозиегьо ве кем сохде песдеине жирелуье гъозигьоре.
Эхирие вохурдеи гирошди э бэхшвегириревоз серворе Догъисту Сергее Меликове ве жигегире сернуьше хьуькуьме РД Рамазане Джафарове. Лойгьо пуьруьш сохди гуьрдномегьо корисохигьоре эсер хьозуьрлугъи регионе эки биренигьо тебиетие дегишигьо ве гъобул сохди гъэрорноме гъувоте зиёд сохде гъэлхендире вишеие сухдеигьоре, доре минкини восдоре гене авиетехнике ве беспилотни аппараторгьоре эри фегьмсохдеи овхьолет иловлеире.
Э бирмундеи эн хуьшде Александр Куренков жейле бирмунди четинигьоре, комики бесде оморе э географически овхьолевоз Догъистуре ве вес нисдие гIовие овгъотгьоре, риз кешире гереклуьи зиёд гъувотдии фегьмсохире э сер гъозигьо э э кор венгесдеиревоз гьеймогьоине технологигьоревоз. У гьуьндуьри гъиметдии гъувоте зиёд сохдеи рэхьбергьоре республике эсер дореи жзгIметие секонеисуьзи ве гуфдире боворини э барасилуье дуьэекиревоз корисохигьо.
Гьечи, омореи Александре Куренкове бири вожиблуье е гъэдер вэгIэдо муьхькеме сохдеи гьемкоркии Министерстве Жирелуье Гъозигьо ве идорегьо хьуькуьме Республике Догъисту э дореи гьуьндуьре риз гъэдерлуьире хьозуьрлугъире эк гъэлхенди могьлугъе ве зуте мэгIлуьм сохдеи терсдигьоре.
