Владимир Якушев ве Сергей Меликов гировунденуьт гуьрдлеме э товун ниссохи эзуновлейге бире гъозиегьой эн сайловгьоре.

Э зир рэхьберьети эн Секретарь Генсовет  эн «Еклуье Уруссиет», эн суьфдеи жигегир эн сернуьш Совфед РФ ве эн сервор Догъисту фегьм сохде оморени гирошденигьо овхьолет, гъобул сохде оморенигьо чорегьо ве песдеине коргьо.

Э пушой гуьрдлеме В.Якушев рафди э зарали зере оморигьо объектгьо. Э пуьруьшсохи С.Меликов суьфде андуьрмиш сохди гирошдигьо гуьрдлемере комиреки гировунди В.В.Путин.

«Чуьтам ишму дануьсденит, Догъисту расири э келе эзуновлейге бире гъозиегьой эн келе сайловгьо. Президент дори очугъэ гъуллугъигьо эри кумеки дореи э зараливегуьрдегоргьо ве овхьолете хуьшдени ю назари сохдени. Имбуруз э гуьнжо овурде миев комиссие эри нисд сохдеи эзуновлейге бире гъозиегьой эн келе ворушгьоре э Догъисту», — гуфди у.

Сервор республике э ер овурди, ки 8-муьн апрель э Ставропольски улке миест гировунде оморе окружной эхире хьисобе-программни форум эн «Еклуье Уруссиет» — «Гьисди бараси!». Э гъэрорномей эн сернуьш партие эн Д.Медведев гуьре мероприятие гировунде не оморебу.

«Иш гьемчуьн тигъэти эз тараф эн рэхьберьгьой партие», — гуфди С.Меликов.

Гьемчуьн у гуфди э товун желдлуье корсохгьой эн партие э кумеки дореи э зарали зере оморигьо одомигьо: нушудорегоргьой эн «Еклуье Уруссиет» эз суьфдеи рузевоз бэхш вегуьрденуьт э и тараф.

«Кор гировунде миев те гьемме э кор венгесде нев. Нушудорегоргьой партие э гьемме коргьо кумеки мисохуьт», — гуфди сервор регион.