Сервор эн шегьер Догъистоние Огни Замир Гаджимурадов гировунди гьероринее гуьрдлеме э рэхьбергьой эн структурни подразделениегьоревоз ве э гъуллугъигьой шегьеревоз. Э гуьрдлеме бэхш вегуьрди сернуьш эн гуьрдлемей шегьер Эседуллах Гасанов.

Сер гуьрденки вохурдеире, Замир Гаджимурадов омбаракбу сохди гьемме курабирегоргьоре э гирошдигьо мигIидевоз Ураза-Байрам, хосди шолуми, рэхьми ве хушхьоли.

Веровундегор гъэрхундигьой эн рэхьбер аппарате Максим Султанов ихдилот сохди э товун гирошдигьо рузгьой форигъэти: дежурит сохде оморебу э график гуьре, гъонунепузмишигьо э хьисоб веноре не оморебу. Сервор Максим Султанове дори гъуллугъ вегуьрде э назари веровундеи протокольни гъуллугъгьоре э тогIин сохде оморигьо вэгIэдо.

Э товун кор эн назари сохденигьо тарафгьо ихдилот сохди жигегир эн сервор Азим Абдулагаев. Замир Гаджимурадов гуфди ки гереки зиед сохде кор комиссиере э товун эз бине векендеи гъонунсуьзе вокурдеигьоре э мескен шегьер, ве гуфди, ки эки эни пуьрсуьш гереки желдлуье гъэножогъи.

Физули Гаджимагомедов ихдилот сохди э товун кор эн административни комиссие, комики гьер орине гировундени фегьмсохие коргьоре.

Э товун кор эн системей хугнелуье-коммунальни хозяйство ихдилот сохди сервор эн МБУ «УЖКХ ве Б» Халид Аскендеров. У ихдилот сохди, ки э рузгьой форигъэти кор гировунде оморембу гьеммишеинере хуно, хокору (ТКО) ведеберде оморени гьер руз, хэребее овхьолет небу.

Э эхир гуьрдлеме сервор шегьер эри гьемме курабирегоргьо хосди хубе кор э пушо деригьо орине.