Мероприятиегьо гировунде оморебу э гьемме муниципалитетгьой республике.

Э Махачкале и руз вокурде оморебу еровурдие тэхде эри бэхшвегиргьой СВО, гуьлгьо веноре оморебу эки сенгъгьой еровурди Игидгьо, эки Гьеммишелуьгие гIэтош ве диеш. Э школегьо гировунде оморебу «Гофсохигьо э товун вожиблуьи», межлуьслуье вокурдеи Богъчей Игидгьоре, вохурдеигьо э лешгерчигьоревоз, э ветерангьоревоз ве э кифлетгьой эн бэхшвегиргьой СВО.

Эки мигIид ек биребу ве шегьерлуье китобхоне: э инжо э гуьнжо овурде оморебу библио-квиз «Игидгьой Ватан», дерсгьой мердьети, гъосуьтлуье бирмундеигьо ве ватанхогье сэгIэтгьо.

Ухшешие мероприятиегьо гировунде оморебу э шегьергьо ве районгьо: идмонлуье боржберигьо, кинобирмундеигьо, сиротлуье ве книглуье бирмунушигьо, акциегьо, гиргинее шуьолхьонгьо, викторингьо, автопробеггьо, митинггьо ве вохурдеигьо э ветерангьой Афганистаневоз ве э бэхшвегиргьой СВОревоз. Э гIэрейгьой эн онлайн-акциегьо одомигьой регион дофус зерет э социальни сеть «ВКонтакте» сиротгьой игидгьоре э кутэхьэ андуьрмишигьой игидьети энугьоре.

Э е жерге муниципалитетгьо эки Руз Игид Ватан гьемчуьн вечире оморебу гуманитарни кумеки эри фуьрсоре э СВО.

Гереки э ер овурде, Руз эн Игидгьой Ватан – и еовурдение рузи, гьер сал гировунде оморенигьо э Уруссиет 9-муьн декабрь. МигIид тогIин сохде омори э 2007-муьн сал ве гIуьзет сохде омори э Игидгьой Союз Совети, э Игидгьой эн Уруссиетлуье Федерацие, гьемчуьн э лешгерчигьо кире гьисди орден эн Святого Георгия ве орденгьой ГIуьзетлуьи.