Э Догъисту доре омори сер гуьрдеи се дуьруьжде проектгьоре тозе сохдеие энергетикере э догъие жейлее чапарлуье мескене.

Э межлуьслуье корисохигьо э Докузпарински, Ахтынски ве Рутульски районгьо гъобул сохди бэхшвегири жигегир министре энергетике ве гъиметгьое РД Марат Шихалиев.

Самурски МГЭС-14 (Докузпарински район)

Дешенде омори э кор суьфдеи станцие эз жергей чуьклее ГЭС э хьэвуьз нуькере Самур.

Гъувотлуьи – 1 МВт, вокурде омори э песой 6 мегье эсер технологие «ЭкоГэс» (платинесуьз). Турбине К-1 – суьфдеи жэгIмитегьерие ковшови гидротурбине уруссиетие корхонере, хьозуьр сохде омори э Догъисту.

СЭС «Ахцах» (Ахтынски район)

Э гьуьндуьри омборте 1000 метргьо сер гуьрди коре суьфдеи э Догъисту догъие офтолуье электростанцие э бегьем кура сохдеие энергире. Гъувотлуьи – 1 МВт, системе кура сохдеи – 2,1 МВт·ч, вокурде омори э песой 6 мегье. Станцие кор сохдени руз кура сохдени энергире, шев дорени э вэхд дуьруьжде шеле венореигьо. Нум тержуьмесохи оморе эз зугьун лезгии чуьтам «тозе дигь» – тозе сохдеи догъие энергетикере.

МГЭС «Орёл» (Рутульски район)

Сер гуьрде омори вокурдеи чуькле ГЭСе гъувотлуьиревоз 5, 05 МВт. Гье у суьфдеи э Догъисту проект эсер игъролгьо дореи гъувотлуьигьо тозе сохдеие чешмегьо энергие (ДПМ ВИЭ). Э бине станцие э диневоз энергетикгьоре дешенди сэгIэте – чуьтам гьеммишеине коре. Дешендеи уре везифе норе омори э 2027-муьн сал. Пуледорегор – АО «СамурЭнерджи», вокурдегор – ООО «ГИДРОЗНЕРДЖИ – КАВКАЗ».