Сергей Меликов гировунди динлуье гуьрдлеме э товней вожиблуье эри параменди Догъисту пуьрсуьшгьо.
Э рэхьбери сервор регион пуьруьш сохде омори: артгьо еклуье руз сесдореи; дарафдеи налоговигьо ве нисеналоговигьо гъэзенж э гуьрд сохде бюджет республике э 9 мегь; хэбер очугъи доре депутатгьой Хэлгъи Гуьрдлеме РД, рэхьбергьо органгьо хьуькуьм ве серворгьо муниципалитетгьо; нисдсохи бире гъозиегьо эз зиёдгъэдерие воруш, гирошдигьо 19-21-муьн сентябрь; гъуьчсохи соводие идорегьоре ве екиге пуьрсуьшгьо.
Артгьо еклуье руз сесдореи
Суьфдеи жигегир рэхьбере Хьуькуьме Серворе ве Правительстве РД Али Ибрагимов гуфдири э товун артгьо келе вихдегоре кампание.
У вегуьрди 6 шегьери округгьоре, э у хьисоб Махачкале, Буйнакск, Догъистуни Огни, Каспийск, Кизляр ве Южно-Сухокумск, гьемиге 38 муниципальни районгьоре.
Эз артгьо э гуьнжо овурди органгьо нушудорегоргьой хьуькуьм э 6 шегьери округгьо ве 581 мескенгьой республике. Оморегоргьо э сесдореи гуьнжуьнди 74,51%.
Э гъэд тозе вихде оморе депутатгьо 125 бэхшвегиргьо СВО. Сергей Меликов согъбоши гуфдири эз товней сохде кор э гьемкоркигьо Избирком республике, э гьемкоркигьо Министерство доруние кор, э партийни рэхьбергьо ве серворгьой муниципалитет.
Омореи налогови ве нисеналоговигьо гъэзенжгьо э гуьрд сохде бюджет
Гъэзенж гуьрд сохде бюджет Догъисту зевер бири э 25,7% э тенсохи ухшешие вэхд гирошдигьо сал, гуфдири суьфдеи жигегир Сернуьш Хьуькуьм РД Руслан Алиев.
Гъэдер вечиреи эз налогови ве нисеналогови гъэзенжгьо гуьнжуьнди 55,9 млрд. монет.
Веровундеи республикани бюджет гьемиге бирмунди хубе бараси. Гъэзенж рафде расири 41,4 млрд монет.
Э нисеналогови гъэзенж веровундеи планови бирмунуши гуьнжуьнди 126,9% ве гуьнжуьнди 1 млрд 937 млн монет.
Сергей Меликов талаб сохди эз серворгьо муниципалитетгьо зиёдгъувотлуь сохде кор э веровундеи планови бирмунушигьоре эри бараси жэгlмлуье гъосутгьой республике.
Чуьтам рэхьбергьо органгьой хьуькуьм, серворгьо муниципалитетгьо ве депутатгьо кор сохде дуь э екиревоз э могьлугъэвоз эз СМИ ве соцтургьо?
Бирмунуши желдлуь э сентябрь нушу дори рэхьбер Рэхьбери хэбери политике ве пресс-гъуллугъи Сервор РД Рашид Акавов.
ТОП-З серворгьо муниципалитетгьо: веровундегор гъонун сервор Махачкале Джамбулат Салавов, сервор Табасарански район Магомед Курбанов, мэр Каспийске Борис Гонцов.
ТОП-З рэхьбергьой органгьо хьуькуьм: гьелелуьге веровундегор кор министре э миллети политике Темирлан Абуталимов, рэхьбер Агенстве э зиреклуье корисохи ве инвестициегьо Хаджимурад Исрапилов, министр физкультуре ве спорт Сажид Сажидов.
ТОП-З депутат Хэлгъи Гуьрдлеме: Елена Павлюченко, Камил Давдиев, Юрий Левицкий.
Бэшгъэ гlуьзет сохде омори кор Шамиля Омарова, Османа Булатова, ве Заура Расулова, комигьоки гуфдиренуьт э товней желдлуье гъозиегьо ве бэхшвегири сохденуьт э пуьруьшсохи мэгlэнолуье гъосуьтгьо.
Нисдсохи бире гъозиегьо эз зиёдгъэдерие воруш ве корисохи эри недегьишдеи ижире ЧС э биёвгьо вэхд
Э докладевоз э гье и пуьрсуьшгьо бирмунуши бири серворгьо жугьобдорлуьегьо региональни хьуькуьмгьо.
МЧС
Министр эн коргьо ватандаше гъэлхэнди ве ЧС РД Нариман Казимагамедов э ёр овурди, чуьки зуинее зобуне гьовой рузгор овурди эки пузмиш сохдеи энергорасундеи э жерге могьлугълуье жигегьо, ве хэреби транспортни инфраструктуре. Зиёдгъэдерие воруш эз 19-муьн те 21-муьн сентябрь бири сеч сохде оморе э Махачкале, Дербенд, Избербаш, ве Каякентски район.
Э сереботи зиёдгъэдерие воруш батмиш бири подстанцие «Приморская», эз товней комини мунди товушсуьз омборте 34 гьозор зигьисдегоргьой Ленински район Махачкале.
Хьуькуьм Махачкале гировундени кор э гъиметдии бедхэржи ве дореи пули кумекии ветовусдегоре ватандашгьоре.
Минэнерго
Гьелелуьге веровундегор кор министре энергетике ве тарифгьо республике Динислам Иманмурзаев мэгlлуьм сохди, чуьки э хэребеи-тозеден вокурдеи жерге коргьо бэхшвегири сохдет 50 десде жэгlмие гъэдеревоз 150 одоми, 50 тек жирелуье технике.
Электрорасундеи э републике бири бегьем тозеден э хуьшде дировунде шев 21-муьн сентябрь.
Минстрой
Эз хэбер министр вокурдеи, архитектуре ве ЖКХ РД Бахтияра Уллаева, не денишире э у чуьки сайлови канализациегьо нисди э баланс «Водоканал», филиал эн угьо шеви-рузи кумеки сохди э шегьергьо.
Э Махачкале, Каспийск, Избербаш ве Дербенд бири фирегь лов сохде оморе 52 десде, коминигьо темиз сохдет эз гlов гьомборгьой зигьисдение хунегьо, социальни идорегьо ве э мескенгьо гlэили бохчегьо.
Эри зигьисдегоргьо Ленински ве Советски районгьо Махачкале, мундигьо гlовсуьз эз сереботи поюндеи гlовигировундеи темиз сохдение дуьруьжде вокурдеи, бири э кор венгесде овурдеи гьенжирение гlов.
Э гуьрдлеме бири пуьруьшсохи ве екиге пуьрсуьшгьо. Бэшгъэ сервор регион дори жерге гъуллугъ э органгьо хьуькуьм. У гъуллугъ дори э гуьнжо овурде э регион эри кор вокурдеигьо студенти десдегьо.
Сервор регион гъуллугъ дори хьуькуьмлуье блоке э корисохи фикир э хуьшде вогосундеи студентгьоре эки кор э Догъисту.
