14-муьн марта сервор Догъисту Сергей Меликов гировунди гуьрдлеме э вокурдеи ве дуьруьжде гьуьчсохи жэгIмисоводлуье идоре э регион.
Гъусот рафде э товун дешендеи э кор школгьо ве бохчей гIэилире, комики вокурде оморе э гъэдер миллетлуье проектгьо «Соводи» ве «Хэлгъимогьлугъи». Пуьруьш сохде идоре дуьруьжде гьуьчсохире жэгIмисоводлуье идорогьо.
Э ёр овурде, э песой рафде расире барасигьо э веровундеи ве миллетлуье проектгьо э 2023-муьн сал федеральни бине Догъисту бирмунде э гъэд регионгьо-суьфдеи э гъэдер вокурдеие объектгьо – бире доре 37 школе ве 10 бохчей гIэилигьо.
Гье у гьисди бараси хубе коргьо ве э хогьишидорегор, ве э кордорегоргьо, ве э федеральни бине, комики рафде эки иму э пушорэхьи»,- нушу доре Сергей Меликов. У э ёр овурде э товун герекие тозеден нувуьсдеи гьемме идоргьо, комики гьисди руьхсет эри дешенде э кор. Гье у пуьрсуьшгьо, риз кешире сервор регион, биё бу гъэрорноме э куьнде вэхд, эри чуь бохчей гIэилигьо бире вокурде, чуьтам гуфдире, те 1-муьн июнь, школгьо-эки 1-муьн сентябрь гирошденигьо сал.
Э и рузгьо бири межлуьслуье вокурдеи 4 бохчей гIэили: э шегьэр Избербаш ве Дербенд, э кентгьо Гуниб Гунибского улке ве Миарсо Ботлихского улке.
Э гирошденигьо сал, э гофгьой сервор регионевоз, э пушой республике поисде вожиблуье везифгьо.
Э гъэдер миллетпроектгьо «Соводи» ве «Хэлгъимогьлугъи» зиёд сохдеи вокурдеи 40 объектгьо соводи. Угьоре воисде варасунде те эхир 2024-муьн сал. Э гьемме объетгьо дарафде хьуькуьмлуье разименди, вегуьрде хубе бесде игьрол хьуькуьмлуье гешдеи гIилми ве сер гуьрде вокурде-э жигенореие коргьо. Риз гъэдерлуьи вокурдение хозуьрлугъи дегиш бире.
Э товун коргьо э гьерки объектгьо серворе регионе хэбер дореи жигегир министре вокурдеи ве ЖКХ РД Александр Нестеров, министр соводи ве гIилми республике Яхья Бучаев ве рэхьбер жейлее вокурдеи СКФО мескен «Новороссийское вокурдеие рэхьберисохи» ФГУП «Бинелуье рэхьберисохи жейлее вокурдеи» Ахмед Дибиров.
Э эхир пуьруьсохи рэхьбер эн субъекте гъэдэгъэ зере э профильни министерствогьо э август бегьем сохде вокурдеие-э жигенореи коргьо э объектгьо, дарфденигьо э 2024-муьн сал, э вэхт ю, гьемчуьн доре тозеден нуьвуьсдеи объекторе соводи, комики вегуьрде руьхсет э дебердеи э кор э пушотеине салгьо.
С.Меликов э ёр овурде э товун жугьобдорлуьи гьемме бэхшвегиргьо эн и коргьо э веровундеи вегуьрдеё э хуьшде ёгъине гъэрхунди. Сервор Догъисту бирмунде, чуьки э корсохгьоревоз, комики не дануьсде гъэрор норе норе везифгьоре, разименди мибу пузмиш сохде. Рэхьбер эн республике гьемчуьн сохде гъэйгъу э герекии дузе гъэножогъи э вихдеи хори муьлк эри вокурдеи социальни объектгьо э хьисобсохи верасирение тегъер коммуникацие. Ёгъине игърол эри корсохгьо биё бу гьисди вокурдеие когъоз объекте, гуьнжолуьи веровудеи коргьоре ве гуьнжолуьи пул дореи.
