Э Махачкале ве э гьеммей Догъисту э келе фирегьиревоз бирмунди Руз Хьуькуьмлуье бейдогъе Уруссиети Федерацие.
Шегьерие хьуькуьм ве шогьнишоние Рэхьбери культуре э гуьнжо овурди омборте бисди жире-бе-жирее корисохигьо, дешенде флешмобгьо, консертни программегьо, шогьирие хундеигьо, торихие хундеигьо, дананидореие корисохигьо э библиотекегьо, ватанхогьие возиреигьо.
Зигьисдегоргьо ве гъуногъгьо шогьнишоне дануьсди гъобул сохде бэхшвегири енебуге бире дениширегоревоз флешмобе «Триколор вилеет эн ме», консерте «Уруссиети триколор – чигьрет гIуьзете», ватанхогьие возиреигьо «Бейдогъ Уруссиете – чигьрет Ватани», акцие «Э сер Уруссиет сикеи дуллу бире бейдогъ гъисмете»ве екейгегьо гъозиегьо. Э библиотекегьо ве бинегьо культуре Махачкале бири овхьолет иловлеи мигIиде.
Арти межлуьсе бири корисохигьо, комики гирошди э бохчей э нум С.Стальски. МигIид кура сохди омборе зигьисдегоргьой шегьере ве гъуногъгьой шогьнишоне, воисдегоргьоре гьееки бирмунде еки эз вожиблуье хьуькуьмлуье чигьрете вилеете. Корисохире вокурди бердегор Лейле Максумове, шолуми гуфдиреи э гьеммей э жиге бирегоргьоре ве ихдилот сохди э товун торихе ве гъэдуьре уруссиети триколор.
«Сипи, кову, гъирмизи – гье у ранггьо гуьрд сохде омборемиллетлуье хэлгъ буьзуьрге вилеет эн имуре, нушудоре шолуми, боворини ве гъувоте Уруссиете»,- риз кешири у. МигIидлуье программе бири очугълуье ве жире-бе-жирее. Хундегоргьо шогьнишоние школгьо мэгIрифете хьозуьр сохди музыкеие бирмундеигьо эри гьеммей томошесохдегоргьо. Шогьирие бирмундеигьо бири еки эз очугъеэ дэгъдэгъэгьо рузе. Э гье у руз сес сохди десденгьо мэгIлуьмлуье шогьиргьо Догъисту ве Уруссиет, ижире чуьтам Сулейман Стальский, Расул Гамзатов, Фазу Алиеве ве екейгегьо.
Бинелуье шегьерие гIэилие библиотеке тозе эрхэгьо гировунди дананидореие хэберлуье программе «Триколор гъовумлуье вилеет». Эри серкеширегоргьо бири э гуьнжо овурде гъосуьтие книгие бирмундеигьо, эже гьерки дануьсде шинохде мерэгълуье бире гъозиегьо э товун бейдогъ ве хунде севгиле дестонгьо э товун Ватане. Бегьем сохди корисохире межлуьслуье дореиревоз мигIидлуье бейдогъгьоре ве бафтагьоре э триколоревоз.
Э зир музике э сади уруссиетие бейдогъгьо зеверо варафди э асмун э сер бохче, э гуьнжо овурде фурмуш нисе бирение шекуьле еклуьгире ве ватанхогьире.Э Дербендие музее-заповеднике гьемчуьн бирмунди Руз Хьуькуьмлуье бейдогъе Уруссиети Федерацие. Корисохи бири э е гъэдер мескен буьзуьрге гъэлече «Нарын-Кала» ве кура сохди омборе бэхшвегиргьоре.
Э гъэд келе акцие э зир нум «Бош беделевоз келе триколоре!» омборте садигьо одомигьо, дешенде корсохгьой музее, нушудорегоргьой жовонгьо идорегьо ве серкеширегоргьо, э гуьнжо овурди э дениширеи жиге гъэлечере зуьнде чигьрете уруссиети бейдогъ.
Гье у бири очугълуье бирмундеи еклуьгире ве ватанхогьире.
Э вэхд межлуьслуье межлуьс бэхширеи сервор Дербендие музее-заповеднике, Велиюлли Фаталиев, омборекбу сохди кучмиш бирегоргьоре э мигIидевоз. Э сегьне Хански гъэлече у бирмунди верзуьшигьо гьемкоркигьоре ве дори паспортгьо одомире РФ жовоне корсохгьоре «Жуьмуьсдеи суьфдеигьоре», чуьки бири вожиблуье гъозие эри жовонгьо.
Ватанхогьие бирмундеире вокурди вежегъисдение десде «Дербенд». Э программе гьемчуьн гъобул сохди бэхшвегири жовоне мэгIрифетгьо эз Республикански гIэилие цирклуье школе (шегьер Дегестанские Огни), несигIэтвегирдегоргьо музыкеие школе «Мозоллуье гIэильети», ДДЮТ, гьемчуьн мэгIлуьмлуье догъистуние хундегоргьо: Наиле Шихмурадове э духдеревоз Наидеревоз, веровундегоргьо Хьуькуьмлуье десде вежегьисдеи Догъисту «Каспий» Алекпер Шахмурадов ве Дашдыбек Исмаилов.
Э бирмундеи дуьруьжде у тогъ э келе экран веди сохди гьэгъигъэтие фильме, комики гIуьзет сохде омори торихе уруссиетие бейдогъе.
МигIид бири кондуьллуье ве э ёр гуьрдеие, гуьрд сохдеие торихе, культуре ве гьеймогьоине э еки эз куьгьнее шегьергьо Уруссиете.
Межлуьсгьо э номус Рузе Бейдогъе бири э екейгегьо могьлугълуье жигегьо ве районгьо республике.
Гьечи, э Южно-Сухокумск э тозеден вокурдеи дубьруьжде утогъ И.Шамиля бири фирегь лов сохде келе уруссиети бейдогъе, бэгъдовой чуьки бири келе велопробег.
Э Сергокалински районе гирошди жовонгьое флешмобгьо, э районни школе бири межлуьс гьово гуьрдеи хьуькуьмлуье бейдогъе, комики бири э хундеиревоз ватанхогьие десдонгьоре хундегоргьоревоз ве тербиедорегоргьоревоз.
Э Бабаюртовски райони корсохгьо жуьмуьсдеи «Суьфдеигьо»э гуьнжо овурди акцие «Ранггьо Ватан эн мере», э гъэд комики лов сохди хэберлуье книгьо ве чуькле бейдогъгьо, гьемчуьн дори паспортгьоре жовоне одомигьоре.
Э Карабудахкентски районе э бине динлуье культуре бири э гуьнжо овурде омори гъосуьтлуье бирмундеи, комики гIуьзет сохди торихгьо Уруссиети, э веди сохдеиревоз книггьоре, сиротгьоре ве гъэдимие чигьо.
Э Дахадаевски райони мигIид гирошди э автопробегевоз, э комики гъобул сохди бэхшвегири омборте дуь дегьигьо автомобилегьо.
Э Гумбетовски райони зигьисдегоргьо кура бири эки сенгъ ёровурди телеф бирегоргьо лешгеригьо Келе довгIой Ватани, эри хьуьрметлуьи хьуькуьмлуье чигьрете.
Э Ботлихски райони бири жире-бе-жирее акцие ве флешмобгьо, эки сенгъ ёровурди Лешгерие-барасибиреи бири фирегь лов сохдеи келе триколор.
Э Хивски районе мигIидлуье корисохигьо гирошди э миглее школе, эже бири гировунде межлуьслуье межлуьс гьово гуьрдеи хьуькуьмлуье бейдогъе.
Руз бейдогъе Уруссиетие Федерацие бири рузевоз еклуьги ве ватанхогьи эри зигьисдегоргьо Догъисту.
МигIидлуье корисохигьо, комикигьо гирошди э жире-бе-жирее жигегьо республике, риз кешири муьгьбет ве хьуьрметлуьи эки хьуькуьмлуье чигьретгьо, гьемчуьн хьэрекети эки муьхькем сохдеи еклуьги ве гуьлишолуьи Уруссиете.
