Э Догъисту эри бегьер эн 2026-муьн сал э поизи тум кошде омори э 80 гьозор га хори. Корлуье гуьрдлемере э товун пуьрсуьш э вэхд гуьре гировундеи зимии коргьоре э Догъисту э 2026-муьн сал гировунди веровундегор гъэрхундигьой вице-премьере Нариман Абдулмуталибов.
У мэгIлуьм сохди, эри гировунде э вэхд гуьре зимии дигьлуье хозяйственни коргьоре министерство эн дигьлуье хозяйство РД э гуьнжо овурди республикански штаб. Гуфдире оморебу, ки эри бегьер эн 2026-муьн сал э поизи тум кошде омори э 80,1 гьозор га енебуге 82,2%. Э даннигьо эн 5-муьн май гуьре, овхьолет эн э поизи тум кошдеи ижиреи: хубгьо – 49,1 гьозор га, эз хуб зофруте – 24 гьозор га, зобуни – 4,9 гьозор га, э 2,2 гьозор га э поизи тум кошде оморигьо пуч бири. Э план гуьре денишире оморени ки кошде миев э васал кошде оморени тэхуьл.
Пушокие фикир сохде оморени э 2026-муьн сал э 353,5 гьозор га кошде миев э поизи кошде оморени тум, э и хьисоб э васал кошде оморенигьо тэхуьл – 225 гьозор га, э поизи кошде оморенигьо тэхуьл эри бегьер эн гирошденигьо сал – 80,1 гьозор га. ве омбаресалине савзе гиевгьо эн гирошдигьо салгьо – 48,7 гьозор га.
Э имбурузине руз кутон зере омори 149 гьозор га ве гьемме кошде омори 77,7 гьозор га, э и хьисоб э васал кошде оморенигьо суьмбуьллуье тэхуьлгьо – 15,7 гьозор га, суьмергъэндил 2,4 гьозор га, дуне – 0,04 гьозор га, омбаресалине савзе гиевгьо – 22,5 гьозор га, есалине савзе гиевгьо – 17,8 гьозор га, хьэвуьжгьо – 8,2 гьозор га, ералмиси – 6,3 гьозор га ве диеш. Суьфдеи жигегир эн министр дигьлуье хозяйство ве хуреки РД Шарип Шарипов гуфди ки гереки гъэлхэнд сохде дигьлуье хозяственни жэхитгьоре. Э Догъисту бежид бирени хэребеигьой тебиет эзу товун гереки гъэлхэнд сохде дигьлуье хозяйстворе. Гьечи, биренки гъэлхэндлуье гъозие компание дигьлуьехозяйственни молведешендегоргьоре дорени пул гъимет эн гъэлхэнд сохде оморигьо бегьере эн дигьлуье хозяйстворе. «Вегуьрденки субсидиегьоре эри зарали зере оморигьо тэхуьлгьо ве эри фурухдеи тэхуьлгьоре не биренки игъролноме эри гъэлхэнд сохдеи тум кошдеире э кор венгесде оморени кем сохде оморигьо коэффициент «0,5», э товун ижире субсидиегьо чуьн вогордундеи е бэхш хэржигьоре эри гъувотдореи хубе тумверовундеире ве эри восдоре тумгьоре, ведешенде оморигьо э гIэрей эн Федеральни гIилмие-технически программе э РД дигьлуье хозяйственни гъэлхэнд сохдеи тумкошдеигьоре егъинлуьни», — гуфди Шарип Шарипов.
