Э 2025-муьн сал э веровундеи хьуькуьмлуье программе параменди догъие жигегьой Догъистуре пушоки дире дануьсдеи 75 миллионгьо монет. Э товун эну эрзо нуьвуьсде министр экономике ве жиге параменди республике Гаджи Султанов э корисохи дузе эфире э ЦУР Догъисту.
«Имбуруз иму веровунденим хьуькуьмлуье программере э хьофд корисохигьо. Эз угьо сесе фуьрсоре омори э кумекии дореи сэхьиблугъигьо эн хуьшдере, чуьки лап вожиби эри дуринее догъие могьлугълуье жигегьо»,-мэг1луьм сохди Султанов.
Зигьисдегоргьо мидану вегуьрде субсидигьо э восдореи технике те 500 гьозор монет ве дошде веровундеи г1энггьоре те 1 млн монет.
Хубе доруние гъэдергьо кумекии – те 10 млн монет э е вегуьрдегор пушоки дире дануьсдеи э кумекии дореи параменди промышленни корхонегьо, дегиши ве дошдеи хоригъуллугъсохие молгьоре.
Э гофгьой министре, гье у гьишде э гуьнжо овурде тозе корисохие жигегьоре ве хубте сохдеи экономически параменди догъие районгьоре. Гьемчуьн, программе пушоки дире дануьсдеи кумекии дореи параменди сафарире э хьисоб субсидие. Э восдореи технике эри алвер сохдеи ве жэг1метие хурекхуригьо те 2,5 млн монет.
