Гъэйгъукешире ве тигъэтиревоз ведабурра бири оморегоргьоре зуте э Догъисту белгородии гIэилгьо э бинелуье мескен данани «Офтолуье гъирогъ». Инжо э гуьнжо овурди тербиедоре кор ве жерге кор э товун де жире зиёди данани. Жовоне гъуногъгьо дануьсдени гьерчуь бисдо сохде, спорт, рафде э экскурсие, шинох бире э торих ве культури омборемиллетлуье республике.
ГIэилгьоре сер кешири Сернуьш Хэлгъи Гуьрдлеме Заур Аскендеров, мэгIлуьм сохде мэгIлуьмети-аналитике жиге кор Аппарате Хэлгъи Гуьрдлеме РД. Э рэхьсохдеи вице-спикере Камиле Давдиеве, сернуьш Избербаш Магомеде Исакове, министре данани ве гIилми Яхьи Бучаеве, рэхьберисохгьо комитетгьо парламент ве депутатгьо Аскендеров шинох бири чуьтам зигьисде жовоне гъуногъгьо, мерэгълуъ бире, чуьтам э гуьнжо овурди кор тербиедоре угьоре.
Э вэхд фегьмсохи андуьрмиши дори сервор Республикании бинелуье мескен данани «Офтолуье гъирогъ» Наиде Амадзиеве ве рэхьбер десде гIэилгьо Белгородии область Людмиле Тарасове.
Эзуновлейге Заур Аскендеров вохурди э гIэилгьоревоз. Вохурдеи гировунди э вокурде мейдон ве сер гуьрди э гимнгьо Уруссиет ве Догъисту.
«Дорундуьли шоруьм шолум гуфдире ишму э гуногъсевене догъистонии хори. Иму имбуруз оморейм эри чуьки денишире чуьтам ишму зигьисдени, э чуь михьтожлуьи. Тигъэти э беди кес, хьэрекети кумекии доре ве мейле гуьрде эри угьо, ки э у михьтожлуьи,- гье у миллетлуье догъистони хосиет»,- шолуьми гоф сохди спикер парламенте. «Гьисбош хуьшдере чуь хуне, ве бигьил зигьисдегоргьо иму бу эри ишму гъовумлуье одомигьо», — руйбиреи сервор парламенте.
Рэхьбер МинсоводигIилми Яхья Бучаев гIуьзет сохди, чуьки мибу сохде гьемме, эри чуь белгородии гIэилгьо гьисбош хуьшдере э Догъисту хуб. Гьемиге гъуногъгьоре шолуми дори сернуьш Избербаш Магомед Исаков ве сервор Догъистони вежегьисдение ансабле «Лезгинка» Джамбулат Магомедов.
Э эхир гировунде кор бирмунди концерт э бэхшвегири Догъистони Академически верзуьшлуье вежегьисдение ансамбле «Лезгинка» ве жэгIмиети возирегор республике Гульханум Гаджиевой.
Рэхьбер десде гIэилгьо Белгородии областе Людмиле Тарасове согъбоши гуфдири э Догъистонигьо э товун герме фирегьдуьллуье гъобули, тигъэти ве гъэйгъукеши.
Эри белгородии гIэилгьо возирегор ансамбле «Лезгинка» гировунди усдо-класс – хуте сохди гIэилгьоре миллетлуье вежегьисдеи. Заур Аскендеров согъбоши гуфдири Джамбулате Магомедове э товун рэхьмлуье, э жигей эну, чуьки ансамбль гьеммише хьозуьрлуьи бэхшире шори ве хубе хьол.
Спикер парламенте овурди э хуьшдеревоз аниматоре, комигьоки бирмунди э гIэилгьо шоре вози ве ширине бэхшгьо.
«Ме боворинуьм, чуьки бэгъдовой омореи э гъуногъсевен хори Догъисту эри гIэилгьо иму республике мибу жирелуье жиге, эже угьоре гене ве е бо войге мибу вогошде. Омореи белгородии гIэилгьо э республике Сервор Догъисту Сергей Меликов гуьрди э жейле фегьмгери, дори буйругъноме э товун эри чуьки не поюнде хундеире жирей корисохи, гировунде омори культури-жэгIмитегьерие ве спорт, экскурсие, ве имуре гьисди чуь винире. Гьемме гье у кумекии доре ишмуре эри гьисбош хуьшдере инжо чуь хуне»,- гуфдири Заур Аскеров.
