Сернуьш Хьуькуьме Республике Догъисту Абдулмуслим Абдулмуслимов гировунди корисохие вохурдеи э рэхьберевоз Идорере эсер предпринимательстве ве пуле дешендеи РД Хаджимураде Исрапилове.
Хаджимурад Исрапилов ихдилот сохди, чуьки э 2025-муьн сал Идоре бирмундеи тигъэте э веровундеи гъэдере хьуькуьмкумекии одомигьоре предпринимательски ве пуледореие корисохире, рэхьсохдеи пуледореие проектгьоре, хубте биреи гIэдотие-ихдиёрие бинере.
Э песой 10 мегь 2025-муьн сале бинелуье бирмунушигьо параменди чуьклеи ве миглее бизнесе регионе бирмунденут хубе зиёдсохире: э 6,4% енебуге омборте э 3,8 гьозор зевер бири гъэдер одомигьо МСП. Гьемме бирмунде омори 64, 1гьозор одомигьо МСП (гъонунлуье одомигьо ве ИП). Э 12,3% зевер бири гъэдер хуьшдекорсохгьо, гьемме бирмунде омори омборте 337,7 гьозор одоми. Э 3,4 гьозор одоми зевер бири гъэдер корсохгьо МСП, дешенде ИП.
Эсер бинелуье бирмунушигьо «Доруние гъэдер пуле дешендеи э бинелуье девлет эсер гьемме идорегьо», комики ихдилот сохде пуледешендеие желдилуьи э регионе, параменди э песой песини се сал бирмундени гъоимгъувотлуье зевер биреи.
Жейле бэшгъэ пуьруьш сохде омори пуьрсуьшгьо дореи хьуькуьмлуье кумекии дореи. Э пуллуье кумекии МСП э и сал пушоки дире дануьсде 44,25 млн монет, вихде омори 33 эрзо, жергей бизнесменгьо уже вегуьрди овгъотгьо.
Э зир гьисдигьо Идорегьоре доре омори нуботлуье хьуькуьм кумекии. Гьечи, э гъэд пуллуье кумекии «Даглизингфонд» бесде омори 54 игъролгьо чуькле гъэрде э жэгIмие гъэдер 176,1 млн монет (фурухдеи, эз е ло э де лойге бердеигьо, жэгIмие хурекхури, корхоне, сафари, хозяйствой дигьбони, хуьшдени ю корсохдегоргьо).
«Даглизингфондевоз» бесде омори 38 лизингови игъролбесдигьо гъиметлуьиревоз девлете 248,8 млн монет, эз комикигьо 72% оморени э мол ведешендение ве технологически оборудовани.
Э везиферевоз корикумекии дореи гъэрхундире Зомин дореие бине республике дори гъэдэгъэи 13 одомигьоре МСП э гъэдер 93,9 млн монет, чуь гьишди чуькле ве миглее бизнесе э хуьшде вогосунде э 2025-муьн сал гене 2,3 млрд монет. Гье у бирмунуши омборте э 3 гиле зевер сохдеи гъэдуьре 2024-муьн сале ве вегуьрди дуьимуьн жиге э СКФО.
Э хотур чуьки кумекии ГАУ РД «Учебно-производственни комбинат» данани вегуьрди ве зевер сохди усдоетире 172 одоми, дешенде 11 одоми эз кифлетгьой бэхшвегиргьо СВО.
Э вохурдеи пуьруьш сохде омори пуледешендеие корисохи э Республике Догъисту. Нуботноме пуледешендеие проектгьоре 72 проекте э жире-бе-жирее беделгьой экономике э жэгIмие гъэдеревоз везифе норе пуледешендеигьоревоз омборте 494 млрд монет, веровундеигьо комикигьоре гьишде э гуьнжо овурдет омборте 25 гьозор тозе корисохие жигегьо. Гьемме э 1 ноябрь 2025-муьн сал э проектгьо дешенде омори 82,2 млрд монет, э гуьнжо овурди эки 3 гьозор корисохие жигегьо.
Еки эз бинелуье везифегьо идорегьой хьуьукуьме республике гьисди э хуьшде вогосундеи пулгьоре, хубте биреи пуледореие иловлере, э гуьнжо овурдеи хубе овхьолете эри бизнесе. Э гье у везифегьо э республике веровунде оморе жергей корисохигьо ве гъэдергьо хьуькуьмлуье кумекии пуледореие корисохире, комики фуьрсоре омори э кумекии пуледешендеие корисохире. Еки эз мэгIлуьмлуье гъэдергьо кумекии гьисди дореи хорие муьлкгьоре э киро дореи гировундесуьз алвергьоре сер гуьрдегоргьой дуьруьжде пуледешендеие проектгьоре.
Барасилуье гьэдеревоз кумекии эри пуледешендегоргьо гьисди дореи овхьоле вожиблуьи пуледореие проекте, комикигьоре пушоки дире дануьсдеи налогови ихдиёри эсер налоге э девлет идорегьо э бедел хилоси эз муьзд-пулире дореи э региональни бюджете э е гъэдер вэхд 7 сал.
Э 2025-муьн сал везифе норе омори бегьем сохдеи веровундеи жергей дуьруьжде пуледешендеие проектгьоре, эсер комикигьо сер гуьрдегоргьоревоз проектгьоре веровунде оморе ёгъине гъэрхундигьо э пурлуье доруние гъэдер ве объектгьо э кор венгесде омори. Э гъэд эн угьо – тозе сохдеи ве зиёд фирегьсохи корхонегьоре эри молеведешендеи шишее гъобгьоре ООО «Догъисту Стеклотаре», вокурдеи Дербендски шоробчилугъие компание э шегьер Дербенд, тозеден вокурдеи роботизированни шире-моллуье сэхьиблугъи э 400 хуреклуье говгьо ООО «Алияк», гуьнжолуьи бинере эсер молеведешендеи ве дегиши дунере ООО «Нива», сафарие – жунсогъи венгесдеие комплекс «Золотые пески», э гуьнжо овурдегор ООО «Сейвер М» ве екейгегьо.
