Сернуьш Хьуькуьм Догъисту Абдулмуслим Абдулмуслимов гировунди корлуье вохурдеи э министр экономикеревоз ве эн мескенлуье параменди эн республике Гаджи Султановевоз. Гьемчуьн э вохурдеи бэхш вегуьрдебу суьфдеи жигегир эн Сернуьш Хьуькуьм Руслан Алиев.
Гаджи Султанов ихдилот сохди э товун овхьолет коргьо э назари сохденигьо сферегьой корисохи эн Министерствой экономически параменди эри 10 мегьгьо эн 2025-муьн сал, э гIэрей веровундеи гъуллугъигьой эн Сервор РД эн Сергей Меликове ве эн Хьуькуьм регионе.
Фегьм сохде омори бинелуье социальни-экономически бирмунушигьо, риз мегьине муьзд жофои эн могьлуьгъ, миенее пуллуье гъэзенжгьо, риз инфляцие, гьемчуьн бирмунушигьой фегьм сохдеи э кор венгесдеи хьуькуьметлуье программегьоре ве проектгьоре.
Гуфдире оморбу, ки э пушотеине даннигьо гуьре эри 9 мегьгьо эн 2025-муьн сал гъэдер зевер биреи эн бинелуье социальни-экономически бирмунушигьой параменди гуьнжуьнде омори: ведешендеи дигьлуье хозяйственни молгьоре – 101,8%, гъэдер коргьо, веровунде оморигьо э «Вокурдеи», — 102,2%, э кор венгесдеи хунегьре – 42,8%, алвер – 101,1%, гъэдер эн пуллуье гъуллугъсохигьо э могьлуьгъ – 102,4%. Бирмунуши ведешендеи молгьоре ве гъуллугъигьоре эн экономически корисохи гуьнжуьнде омори 101,6%.
Э гъиметдии эри 2025-муьн сал гуьре дошде миев хубе дегишигьо э товун бинелуье бирмунушигьо, э и хьисоб э товун валови региональни мол (103,1%).
Министерство хьозуьр сохди пушотеине ве дануьсде оморигьо фегьмсохигьо эн социальни-экономически параменд сохдеи Республикей Догъистуре эри 2026-муьн сал ве эри планови вэхд те 2028-муьн сал. Э хьисоб хьуькуьметлуье программегьо, комигьореки э кор венгесдени Министерство экономически параменди эн Республикей Догъисту дери региональни программе «Социальни-экономически параменд сохдеи догълуье мескенгьой эн Республикей Догъистуре». Эри угьоре э кор венгесдеи доре миев экуьнди 75 млн.монетгьо. Э гIэрей боржберие вихдеи диремори 91 руйбиреигьо. Субсидиегьо доре миев сэхьибкоргьо кор сохденуьт э догълуье жиге, эри восдоре алверие оборудованиере: оборудование эри ведешенде молгьой хурекире ве дуьшовгьоре: э гуьнжо овурдеи енебу хубте сохдеи корхонегьоре эри ведешенде промышленни молгьоре: эри параменди гIэнгдошдеире: эри восдоре чуькле дигьлуье хозяйственни техникере. Гировундеи артгьо ве бегьем сохдеи разимендигьоре э бесгъунбергьой вихдеиревоз гировунде миев имисал э эхир ноябрь.
Эри суьфдеи нимесали эн 2025-муьн сал Догъисту э сферей внешнеэкономически корисохи кор мисоху э 52 вилеетгьоревоз. ГIэдотлуь очорлуье алверие хьовиргьо мундени Азербайджан, Казахстан, Иран, Беларусь, Грузие, Армение, Китай, Египет ве Турцие.
Хубе дегишигьо моле э де вилеетиге бердеи фегьм сохде оморени э алвер сохдеи э Азербайджаневоз, э Беларусевоз, Киргизиеревоз, Турциеревоз, Китаевоз ве э Казахстаневоз. Э агропромышленни комплекс эз гьемме омбар э де вилеетиге берде оморени тозеден э кор венгесде оморигьо тэхуьл, ичкусуьзе ве ичкулуье дуьшовгьо, жэгI ве молгьой жэгI. Э промышленни сектор веди бирени фурухдеи молгьой шишеире, пешме, дор, облицовочни плитке, молгьо эз гьову ве электрически аппаратуре.
Желдлуь э кор венгесде оморени республикански инвестиционни программе. Имисал э кор венгесде омори 7 объектгьо, э и хьисоб 6 школегьо эри 1240 хунденигьо жигегьо э Карабудахкентски, Хасавюртовски ве Каякентски районгьо ве 1 объект базургенди э Махачкале. Эзуш бэгъэй, 1-муьн сентябрь эн 2025-муьн сал вокурде омори 10 гьевел бегьем сохде оморигьо объектгьой соводи, э и хьисоб 8 школегьо э Махачкале, э Каспийск, э Кизлярски, Ногайски, Хасавьюртовски ве Карабудахкентски районгьо ве 2 богъчегьой гIэили э Хасавьюртовски ве Левашински районгьо.
Э фикир эн Сервор Догъисту эн Сергей Меликов гуьре э кор венгесде оморени 6 вожиблуье проектгьо, гъимет комигьоки 584,2 млрд. монетгьои, хэел сохде оморени ки э гуьнжо овурде миев эз 20 гьозор корлуье жигегьо омбарте: «Параменди Каспийски гуьрдноме»; «Параменди мейво-хьэвуьжлуье гуьрдномере э Догъисту»; «Шегьер эн чекмчигьо»; «Параменди транспотни-логистически гуьрдномере»; «Вокурдеи Новолакски кулоклуье электростанциере э РД».
Эри 9 мегьгьо эн 2025-муьн сал эри э кор венгесдеи «вожиблуье» проектгьоре доре омори 29,3 млрд.монетгьо ве э гуьнжо овурде омори 886 корлуье жигегьо. Эз вэхд сергуьрдеи э кор венгесде проектгьоре э гуьнжо овурде омори 3202 корлуье жигегьо.
