Сернуьш Хьуькуьме Догъисту Абдулмуслим Абдулмуслимов руй бири эки зигьисдегоргьо республике э сереботи гировундеиревоз Гьеммеуруссиетие орине секонеисуьзи рэхьие жуьмуьсдеи э вэхд эз 15 те 21-муьн сентябрь.

Хьуьрметлуье догъистунигьо ве гъуногъгьой республике эн иму!

Рэхьие гъозие э регион гьемчуьн талаб сохде лап вожиблуье тигъэти.

Э песой хьэшд мегь гирошденигьо сале э рэхьгьо гирошдеи 943 хэребеигьо. Э и нэгъифеи телеф бири 200 одомигьо, шуькесди венгесди омборте 1300 бэхшвегиргьо жуьмуьсдеире э у гъэдер 170 гIэилгьо ве, эки гъимиши, 18 гIэилгьоре нисе бири хилос сохде.

Гье у гъэдергьо бирмунде: бинелуье терсдии ведиреморе неки эз овхьолет рэхьгьо енебуге риз гъэдерлуьи инфраструктуре,гьевел гьемме эз одомие войне– негреи гуьнжолуьиревоз ве гъэйгъусуьзиревоз э гирошдение гъэдер.

Э республике гирошде Гьеммеуруссиетие орине секонеисуьзи рэхьие жуьмуьсдеигьо.

Бинелуье везифе эну – э хуьшде вогосунде тигъэтире эки четинигьо гIэилие шуькесди венгесдеире э рэхьгьо ве тербие дореи культуре секонесуьзе хуьшдере бирмундеи эз зуинее гIуьмуьрлугъи.

Войге сохденум руй бире эки гьемме: бошит гуьрдлуье, хуьшдере дорит ве екейгегьоре. Э песой мошине гердундеи вожиблуьи э ёр овурде, чуьки эз гьер гъэрорноме эн ишму гьисди одомие зиндегунигьо. Гереки э кор венгесде гъэише секонеисуьзире, гереки винире, эри чуь гIэилгьо биё бу э жейлее гуьрде поисдеие жиге. Энжегь гьееки иму миданим сохде рэхьгьой Догъистуре секонесуьзи!,– гуфдири Сернуьш Хьуькуьме Абдулмуслим Абдулмуслимов э руйбиреи эн хуьшде.