Э межлуьслуье корисохигьо гъобул сохди бэхшвегири Сервор Дербендски районе Эльман Аллахвердиев, Сервор шегьере Дагестанские Огни Замир Гаджимурадов, Сервор Магарамкентски районе Нариман Эфендиев, серворгьо дигьбоние ве шегьерие жигегьо, рэхьбергьо идорегьо соводи ве культыре, нушудорегоргьо жэгIметие идорегьо ве зигьисдегоргьо районе.

Корисохи сер гуьрди эз гьово зереи хьуькуьмлуье гимнгьоре Уруссиетие Федераци ве Республике Догъисту.

Э шолуми гуфдиреиревоз эки кучмиш бирегоргьо руй бири Сервор муниципалитете Эльман Альман Аллахвердиев. У э ёр овурди, чуьки 2026-муьн сал мэгIлуьм сохди Салевоз еклуьги хэлгъгьой Уруссиете, э республикански риз гъэдерлуьи эну вокурди Сервор Догъисту Сергей Меликов.

Корисохи зиёд сохдеи очугъэ консертни программере, комики бири гьэгъигъэтлуье мигIидевоз омборемиллетлуье культуре. Э сегьне сес сохди хэлгъие мэгIнигьо э веровундеи э миллетлуье зугьунгьо, бири нушу доре очугълуье миллетлуье вежегь-вежегьгьо, комики дори мигIидлуье хьол ве бирмунденигьо гIоширире ве жире-бе- жирее тегьер культургьоре, комики гьеммейеки э зир гIэлемевоз еклуьги.