Сервор Догъисту Сергей Меликов гировунди гуьрдлеме Рэхьберисохие пуьруьш сохи эсер дошдеи гъонунгьоре э регионе.
Рэхьбер республике сер гуьрди эз пуьруьшсохи бигIэдотие гъозиере, комики гирошдеи э Новый Хушете 16-муьн февраль.
«Гьемме одомигьо, комикигьо бирмунди ведабурраи иловлере э районе бигIэдотие гъозие ве жейле угьо хилос сохдегоргьо, комикигьо кор сохди э гъэд э гье у жейлее чапарлуье мескен ведабурраи иловлере, кор сохди э дузовнее секонеи эри зиндегуни. Э вэхдгирошди шеве угьо кор сохди чуьтам сапёргьо, комикигьо нисе дануьсде, эже дешенде омори партленмиш бирение чире, чуьтам и туп гIэжелире пэхьни сохди.Угьо нисе дануьсди, кейки, э комини дэгъдэгъэ, э комини жиге мидану бире ловсохи»,- гуфдири Сергей Меликов, согъбоши гуфдиреи хилос сохдегоргьоре э песой гьинорменде корисохигьо эсер песшендеи белкине эзуновлейге бире гъозиере сухдеи э газедореие жигегьо.
У э ёр овурди, э гъэд бужу сохдеие гъонунсуьзлуье коре норе, чуьки э е гъэдер мескен беделе дошди 50 цистернгьо э руьшуьме газевоз, оммо лицензие компани доре омори энжегъ э 8 цисстернгьо. Цистернгьо дошде омори эз гъонун не ведарафдеи талаби секонеисуьзире, гъэреулие ве э гъэршуй сухдеие гъэдергьоре, нисди нореие санитарно-гъэлхендие жейлее чапарлуье мескене. Э песой е ченд орине те биригьо овхьоле сухдеире э зеверсер биригьо дори бегьем нуьвуьсдеи э песшендеи 21 кемсуьгире, оммо гьичиш эз угьо нисд сохде не бири.
«Мере пуьрсуьши эки гьемме гьисдигьо э и дуьруьжде утогь. Чендгъэдер гье у мидану зиёд сохде ве кейки гьемме бегьем сохде мибу? Телеф бири жовоне геде. Э хотур чуьниге у телеф бири? У чуь, Ватане гъэлхэнди сохди? Э дуьшменгьоревоз борж, э гъонунепузмишсохгьоревоз? НэгI, гье у бири э сереботи гъонунепузмишие мерэгъгьо одомигьо»,- руй бири Сергей Меликов эки кура бирегоргьо.
Сервор регионе риз кешири, чуьки пуьрсуьш э товун гъобул сохдеи гъэдергьоре э гъэд жергей гъонунгьоре э гъэножогъи бизнесменгьо ве одомигьо, комикигьо кор сохде э веровундеиревоз руьшуьме газе ве екейгегьо сухундение молгьо чендгъэдерие гуфдире омлри, оммо гъозие дегиш нисе бире.
Омборте гьомборгьо гьисди э ижире овхьолет. Ве екиш нисе терсире жугьобдорлуьире ве эзуновлейге бире гъозиегьоре.
Жугьобдорлуьире э песой зиндегуни ве жунсогъи одомигьоре берденим иму э ишмуревоз»,- гуфдири рэхьбер республике.
Э гъэдэгъэиревоз Сергее Меликове гирошдени фегьмсохи екейгегьо гъомборгьо, гьемчуьн э десдин дебиреигьо экуьнди зигьисдение районгьо. Сервор регионе талаб сохди гуфдире э товун барасигьо ве нуме гирде гъонунепузмишсохдегоргьоре. Рэхьбергьоре муниципальни соводигьоре гъэдэгъэ зери гировунде ижире фегьмсохигьоре э рэхьберисохие э угьоревоз жигегьоре.
Гьееки э уревоз Сергей Меликов согъбоши гуфдиреи зигьисдегоргьой дигьбоне Новый Хушет э песой динжи ве варасиреи, э комикигьоревоз угьо гъобул сохди эки герекие гъэдергьо эсер гирошдеи э де мескениге.
Э зиёд сохдеи гуьрдлемере пуьруьш сохде омори екейгегьо пуьрсуьшгьо, комики е гъэдер расиреигьо э гуьнжо овурдеи гъонуне дошдеи э республике.
