Пуьрсуьш веровундеи э регион федеральни проекте «Корсохгьо э агропромышленни гуьрдноме» миллетлуье проекте «Технологически кумекии дореи хуреклуье секонеисуьзире» бири пуьруьш сохде э гуьрдлеме э зир рэхьберисохи жигегире Сернуьше Хьуькуьме РД Наримане Абдулмуталибове.

Тозе федеральни проект сер гуьрди э 2025-муьн сал. Чуьтам мэгiлуьм сохди вице-премьер Нариман Абдулмуталибов, везифе ркспублике – зевер сохде эки 2030-муьн сал бегьем сохде гъэдер корсохгьоре корхонегьой агропромышленни гуьрдномере. Жэгiмие доруние гъэдере овгъотгьоре, комикигьоре э пушоки дире дануьсдеи эри регионе э гирошденигьо, гуьнжуьнде 61 млн монет, э у гъэдер овгъотгьо федеральни бюджете – 60,4 млн монет ве овгъотгьо федеральни бюджете – 609,6 гьозор монет.

«Имуре воисте б ми ёгъинире дануьсдеи, комини коре гировунде омори э пушоки дире дануьсдеие э гъэд федиральни проекте се корисохигьо э сер э гуьнжолуьи агротехклассгьоре, хьэвесе венгесде тербиедорегоргьоре э корисохигьо агропромышленни гуьрдлемере, гьемчуьн восдоре хунегьоре эри сенигiэткоргьой АПК. Гьемме и корисохигьо лап вожиблуье, гьемме ихдиёрие гъонунгьо э кор венгесде омори ве тогiин сохде омори. Имуре гереки омборте хуб э угьоревоз тигъэтлуье тегьер кор сохдеи»,- гъэдэгъэ зери Абдулмуталибов.

Гуфдире э товун тозе сохдеи объектгьоре э войгей э хуьшде вогосундеи хубе сенигiэткоргьоре э корхонегьо АПК, жигегир министре хозяйствой дигьбони хуреклуьигьо РД Зураб Кучаев мэгiлуьм сохди, чуьки э гъэд гьисдигьо корисохи э зутеине хэёл сохдеи хьозуьр сохде 2 классе – еки классе э шегьерие соводие идоре «Чапаевски СОШ №2» э Новолакски районе, пуледорегоре комики бири ИП Таибе Магомедове, ве екейге – э МКОУ «Новопоселкови миглее жэгiмиесоводие школе Сулейман Стальски улке, эже пуледорегор ведиремори ООО «Риз».

Догъистуние хоригъуллугъсохие университетевоз бесди сетарафлуье разименди ВУЗе, школе ве сельхозидоре э товун гьемкоркии э везифе дореи гуьнжолуьи агротехнологически классгьо э 26 жэгiмиесоводие идорегьо.

Чуьтам бирмунди проректор-сервор рэхьбери имидие соводи ве гъэдерлуье трансформацие Догъистуние хьуькуьмлуье хоригъуллугъсохие университете э нум М.М.Джамбулатова Ферузе Цахуеве, э сер Новопоселкови школе э имбурузине руз гировунде омори кор э дизайн-проекте э гуьнжо овурдеи соводие иловлере э несиет дореиревоз бренд-буке ве хьозуьр бире эки игърол бесдеи э сер хогьиши оборудованигьо. Эсер Чапаевски школе коре гьемчуьн желдилуьи сохде.

«Те 1-муьн сентябрь 2025-муьн сале тербиедорегоргьо, комикигьо кор сохде э агротехнически классгьо, гереки гирошде зевер сохдеи сенигiэте э сер гiилмие хундеигьо э агротехнически классгьо. Дерсгьо мибу гировунде э Догъистуние ГАУ э хэберлуье программе эз Московски хоригъуллугъсохие академие э нум К.А.Темирязеве ве Институтевоз серноме ве тегьергьоре дананидореире э экор венгесдеиревоз дистанционни соводие технологигьо. Э имбурузине руз гьисди хэбер, чуьки эз республике Догьисту гереки гирошде зевер биреи хьозуьрлугъи 220 тербиедорегоргьо, э у гъэдер 71 ек тербиедорегор 26 агротехнически классгьо проекте «Корсохгьо АПК»э 2025-муьн сале,- мэгiлуьм сохди проректор ДагГАУ.

Э гъэд веровундеи бинелуье проектгьоре э агропромышленни гуьрдноме гьемчуьн э пушо нори э хуьшде вогосундеи сенигiэткоргьоре э песой хьисоб э ихдиёри доре муьзде дореи себебе э хьэвес венгесдеие жире.

Бирмундеие муьзде дореигьо сер гуьрде доре эз 1-муьн сентябрь – угьо мибу овурде те 115 одомигьо, э у гъэдер 71 тербиедорегор е э сер сенигiэткорлуье дерсгьо, э гъэд уже э гуьнжо овурдеие 26 агроклассгьоре ве 44 сенигiэткоре Догъистуние хоригъуллугъсохие университете э нум М.М.Джамбулатове, комикигьо дешенде омори э веровундеи бинелуье проектгьоре.

Проектгьовоз пушоки дире дануьсдеи вокурдеи ве восдореи хунегьоре эри сенигiэткоргьо агровузгьоре, комикигьо дарафди э веровундеи бинелуье проектгьой АПК, везифе нори доре хунегьоре э игъролевоз э киро дореи 8 сенигiэткоргьо Догъистуние хоригъуллугъсохие университете.

«Ижире гъэдер хьуькуьмкумекии зутеине хэёл сохдеи вогордундеи те 90% берде хэржилугъи одомигьоре енебуге хуьшдение корсохдегоргьоре, комики биё бу не вогордундение тегьер доре э хьозуьри сохдеи коммерчески хунегьо шегьере, э е гъэдер мескен комики э десдин дебиреи агровузе, эри песдеине дореи э шегьер э игъролевоз э киро дореи хунегьоре эри зигьисде сенигiэткоре агровузе э бинеден чортарафие разименди, бесдеигьо э гiэрей агровузевоз, сэнигiэткоревоз, шегьеревоз ве эрзо нуьвуьсдегоревоз»,- бирмунди Зураб Куччаев.

Э арти пуьруьшсохигьо Нариман Абдулмуталибов гъэдэгъэ зери Минсельхозпроду РД дуь эекиревоз э ФГБОУ «Догъистуние хьуькуьмлуье хоригъуллугъсохие университет э нум М.М.Джамбулатове» ве серворгьой муниципальни районгьоре, э е гъэдер мескен комикигьо э гуьнжо овурде агротехнологически классгьоре, тигъэтлуье тегьер кор сохдеи пуьрсуьше сэхд муьхькем сохде пуледорегоргьоре э песой гьер э гуьнжо овурдение э гъэд региональни проекте «Корсохгьо агропромышленни гуьрдномере» агротехнологически классевоз. Гьемчуьн дуь эекиревоз э пуледорегоргьоревоз гъдэгъэ зере омори э кор венгесде коре овурде себебе э хьэвес венгесдеи муьзде дореире те тербиедорегоргьо, комикигьо э жиге овурде дананире э сер сенигiэткорие агротехнически дерсе – химие, биологие, физике, математике.

Э сер восдореи хунегьоре эри тербиедорегоргьо Догъистуние хоригъуллугъсохие университете Минсельхозпроде РД дуь эекиревоз э ДагГАУ, Минстроевоз РД, хьуькуьм эн серкориревоз шегьергьоре Махачкале, Каспийск ве екейгегьо мерэгълуье тарафгьоревоз гъэдэгъэ зери зури э кор венгесде  гъэрорномегьоре, э сер гье у гьисди герекии хундеи дануьсдеи синогъире екейгегьо регионгьо вилеете.