Э кор гIэрейхэлгъие экономически гуьрдлеме э Санкт-Петербург (ПМЭФ) гъобул сохде одомигьо республике эн иму э зир рэхьберисохи премьер-министре Абдулмуслиме Абдулмуслимова.
Э гъэд одомигьо дарафди суьфдеи жигегир сернуьш Хьуькуьм Руслан Алиев, рэхьбергьо республикански Минэкономпараменди, Минтрансе, Минсафари, Идоре э корисохи ве пуледореи. Гьемчуьн э гуьрдлеме гъобул сохде бэхшвегиргьо нушудорегоргьо бизнес-жэмигIэт республике, Фурухдение-промышлени палатгьо РД, «Бине Уруссиет» ве еккейгегьо.
Бинелуье гъосут ПМЭФ э 2024-муьн сал гирошде э оголзереиревоз «Бине многополярности – э гуьнжо овурде тозе бинелуье мескен веремореи».
Э суьфдеи руз ПМЭФ э кор Бирмундегуьрдлеме Абдулмуслим Абдулмуслимов сер кешире догъистуние бирмунде, э гуьнжо овурде комики э гирошденигьо сал э гуьнжо овурде э жейлее тигъэти э дуь бинелуье гъосут: гъэлхэнди экологи ве вишере ве кумеки доре кифлетлуье гъиметлуьи. Гъуногъгьо бирмундеи мидану дануьсде э товун тебиетие сенгъ ёровурди Догъистуре – еклуье э Уруссиет нишоне субтропически реликтови лианови више, винире нишоне бедел нушудие ошгоре миллетлуье культуре республике.
Э еккейге бедел бирмундеи жиге доре кори сохдеи дуь э екиревоз арт-объекте, комики ишуьгъ доре эз товуши жиге кифлет ве кифлетлуье дин э зиндегуни догъистонигьо, гьемчуьн жиге эри зиреклуье суьгьбет игъролбесдеи ве гъул кеширеи разименди.
Э коргьо гуьрдлеме Абдулмуслим Абдулмуслимов э канал «Уруссиет-24» ихдилот сохде э товун везифегьо коргьо догъистуние одомигьо э ПМЭФ. Э гофгьо энурево, везифе нори (э вэхд ведиремореи гозите и корисохи уже гирошди) гъул кеширеи разименди э Московски хьуькуьмлуье институтево гIэрейхэлгъие гъэножогъи МИД РФ, ООО «Гики Хаус» э бедел хэберлуье технологие, ПАО «Сбербанк», Хьуькуьмево Ленинградски области, Федеральни идоре дерьёгьлуье ве нуькереи транспорте РФ. Гьемчуьн гузет сохде зиреклуье вохурдеигьо.
Э меслэхьэт эн хуьшде Сернуьш Хьуькуьм РФ жейлее тигъэти э веровундеие э республике 5 «пушолуье» проектгьо гъиметлуьи эки 548 млрд монет, пушоки дире дануьсдеи э гуьнжо оморе зиёдте 21 гьозор корисохие жигегьо. Гуфдири Абдулмуслим Абдулмуслимов э товун муьхькем сохдеи богълеме Догъистуре э эз де вилеетиге оморегорево, э ёр овурде, чуьки э апрель и сале э республике омори одомигьо 9 исламски хьуькуьм ве ближневосточни вилеет. Эзуш бэгъэй, республике гьисди еки эз бэхшвегиргьо Федеральни проекте МТК «Софун-Дорум», тозе курортни проекте «5 дерьёгь ве дерьёгьче Байкал».
Э гъэд гуьрдлеме Абдулмуслим Абдулмуслимов ве сервор компании «Юнигрин Энерджи» Игорь Шахрай пуьруьш сохде пуьрсуьшгьо веровундеи проекте э вокурдеи э Ногайски районе чуьшмелуье электростанци гъувотлуьи 60 МВт (э кор венгесде везифе норе э 2025-муьн сал. ЖэгIмие доруние гъэдер пуледореи вокурдение гуьнжуьнде 5,3 млрд монет, мибу э гуьнжо овурде те 20 гьеммишеине корисохие жигегьо.
Дешендеи тозе объектгьо офтоие генерации мибу кумеки доре гъоимгъувотлуье социально-экономически параменди республике, зевербиреи хубе ве имидие электродореи эри одомигьо.
«Имуре гьисди жиге э Догъисту, эже гьемчуьн пушоки дире дануьсдеи вокурдеи электростанции. Эри иму гье у лап вожиблуье келе кори. Четинигьо э энергетике э Догъисту зиёд сохде мунде зобуни, гье у эн иму «нечогъие» жиге. Рэхьбергьо республике кумеки доре и проекте»,- риз кешире Абдулмуслимов.
Иму эз дес вероморе пушобердеи Догъистуре э гьемме коргьо Петербургски гIэрейхэлгъие экономически гуьрдлеме, регион гьисди еки эз бинелуье коргьо социальни-экономически параменди э СКФО»,- гуфдире сервор Кавказ РФ Андрей Юмшанов.
Гирошди вохурдеи Абдулмуслима Абдулмуслимова э жигегир премьер-министрево Азербайджански Республике ве Уруссиетие Федераци. Бири риз кешире, чуьки зиёдгъувотлуьи серворгьо дуь вилеет гIэрейхьуькуьмлуье гъэножогъие рафде расире риз гъэдерлуьи омборе вэхде гьемкоркии.
Э ёр овурде, чуьки э 2023-муьн сал бири гъул кешире Везифе корисохи э параменди бинелуье рэхь гьемкоркии э гIэрей Догъисту ве Азербайджанове те 2025-муьн сал, комики уже желди веровунде.
Жирелуье жугъобдорлуье нушудорегор Республике Казахстан э Уруссиет Даурен Абаев согъбоши гуфдиреи рэхьбер республике э песой гермие гъобули ве э пушо норе э гъэд муьхькем сохдеи дуьлое гьемкоркие э гIэрей Казахстане ве Догъисту э куьнде вэхд э гуьнжо овурде бизнес-кор э Догъисту ве шинох сохде э гьемме минкини регионе. Лойгиргьо рафде расире серсуьфдеинее игърол бесде э товун веровундеи жергей проектгьо э жире-бе-жирее коргьо промышленни, э у гъэдер агропромышленни жиге. «Иму кор сохде э сер пушобери пуледореи, рэхь сохде гьеммей рэхь эз сергири те эхир веровундеи инвестпроектгьоре. Иму мерэгълуьи э ижире хьовири»,- гуфдире нушудорегор Казахстане.
Пуьрсуьшгьо гьемкоркие Догъисту ве Курски области э Петербургски гIэрейхэлгъие экономически гуьрдлеме пуьруьш сохде Сернуьш Хьуькуьм РД Абдулмуслим Абдулмуслимов ве жигегир сервор Курски областе Сергей Стародубцев, лой хьозуьр овурде расунде э Республике Догъисту шекер, гIорд ве битмишие руьгъэн.
Догъисту э нубот хуьшде, э гофгьо Абдулмуслимове, эзуш бэгъэй овурде расунде дигьбонимолгьо, гьемчуьн хьозуьр гьобул сохде курски гIэилгьоре э гьеминоние форигъэти э республикански идоре.
Э гъэд Петербургски гIэрейхэлгъие экономически гуьрдлеме гъул кешире разименди э товун гьемкоркие Ленинградски областе ве Республике Догъисту, э гъэд комики пушоки дире дануьсде дегиши синогъи э коргьо кумеки дореи чуькле ве миглее корисохи, э пуьрсуьшгьо экологи ве еккейгьо коргьо.
Сернуьш Хьуькуьм Республике Догъисту Абдулмуслим Адулмуслимов гьул кешире разименди э товун гьемкоркие э бедел э гуьнжо овурде еклуье системе корисохдеи э муьхькемлуье коммунальни мундеи э Сернуьш Дорум-МэгIэровие банке филиале ПАО «Сбербанк Уруссиет» Анатолием Песенниковым.
Кори сохдеи дуь э екиревоз пушоки дире дануьсде зиёд фирегьсохи куьнд биреи эки пуледореи э гъэд федеральни проекте «Еклуье системе корисохдеи э муьхькемлуье коммунальни мундеиревоз».
Э гъэд вохурдеи э коргьо Петербургски гIэрейхэлгъие экономически гуьрдлеме 6-муьн июнь Сернуьш Хьуькуьм Республике Догъисту Абдулмуслим Абдулмуслимов ве рэхьбер ФГАОУ ВО «Московски хьуькуьмлуье институт гIэрейхэлгъие гъэножогъи (университете) МИД РФ» Анатолий Торкунове гуьл кешире Разименди э товун параменди омборелойе гьемкоркие, э кор венгесде дуь эекиревоз войге э коргьо турлуье соводие программе, дегиши синогъи э кор венгесде тозе тербиедорелуье технологи, дореи кумеки соводие ве гIилмие-гешдеи гIилми идоре республике, гьемчуьн гировунде гешдеи гIилми э везифе вокурде очугъ сохде пуледореи минкини республике.
Зиёд фирегьсохи гьемкоркие Республике Догъисту ве ПАО «Камаз» пуьруьш сохде э коргьо ПМЭФ Сернуьш Хьуькуьм РД Абдулмуслим Абдулмуслимов ве жигегир генеральни рэхьбере ПАО «Камаз» Андрей Чурсин. Э гъэд гье у программе э гирошденигьо сал везифе норе восдоре 61 ек жэгIмлуье транспорте эз угьо: 17 ек автобусгьо келе минкини ве 44 ек миглее минкини, э у гъэдер кор венгесде газе э жигей моторни руьгъэн.
Сернуьш Хьуькуьм Республике Догъисту Абдулмуслим Абдулмуслимов ве рэхьбер ООО «Гики Хаус» Вячеслав Уточкин э гъэд Петербургски гIэрейхэлгъие экономически гуьрдлеме-2024 гьул кешире разименди э товун гьемкоркие э гIэрей Хьуькуьмевоз регионе ве компание э коргьо хэберлуье технологи, чуьки зутеине хэёл сохдеи э гуьнжо овурде э Догъисту жейлее шегьер-гуьрдноме эри параменди корхоне хэберлуье технологи э регионе, фуьрсоре э зевербиреи хьовубожеренемэгIрифет ве экономически минкини республике.
IТ-шегьер э Догъисту мибу гьеймогьоине тозе бинелуье мескен, э комики гуьнжуьнде пушолуье технологи, соводие идорегьо, хубе хунегьо ве параменди инфраструктуре.
Гуьнжуьндегор тозе хурек вегуьрде минкини зигьисде э хубе жигегьо э кифлетгьо эн хуьшдеревоз, веровунде проектгьо эн хуьшдере э коргьо IТ.
Э коргьо Петербургски гIэрейхэлгъие экономически гуьрдлеме Сернуьш Хьуькуьм Догъисту Абдулмуслим Абдулмуслимов гировунди вохурдеи э вице-сервор э омборе вэхде проектгьо «Э Екбиреи» Рустамево Хайбуллове ве сервор э омборе вэхде хьовиревоз ВК Дмитрием Уваровым. Э куьнде вэхд нушудорегоргьо «Э екбиреи» оморе расире э Догъисту эри вохурдеи э гуьнжолуье рэхьбергьоревоз – Минцифре Догъисту. Идоре хэберлуье ве дофуси РД ве еккейгьо, комики уже дори гъуллугъи фегьм сохдеи имиди биёвгъо гьемкоркие э компаниревоз.
