Э Махачкале, э Миллетлуье китобхоне нум Расула Гамзатова, э зир рэхьбери жигегир Сернуьш Хьуькуьмет РД Ризване Газимагомедове гировунде омори семинар-гуьрдлеме э гъосуьт «Параменди экспортни корисохи э е гъэдер мескен Республике Догъисту».

Э гуьнжоовурдегор и жерге кор бирмунуши бу Министерство экономике ве мескени параменди РД.

Бэхшвегир семинар бируьт нушодорегоргьо федеральни хьуькуьм, региональни органгьо хьуькуьм, серворлуье молведешендение ве агромолведешендение корхонегьо республике, банковски сектор ве жэгlметигьо идорегьо.

Э пушойгофи хуьшде Ризван Газимагомедов ризкешири буьлуьнде гъэдуьр экспортни повестке эри экономикеи зевер биреи регионгьоре ве эри экономикеи параменди вилеете жэгlмлуь. Чуьтам бири нушу доре, э гье и гъосутгьо э федеральни риз гъэдерлуьи э кор венгесде омори ве веровунде оморе миллетлуье проект «Гlэрейхэлгъие кооперацие ве экспорт». Э рамке гье и миллетлуье проект э Догъисту, чуьтам э екиге регионгьо, гъобул сохди ве корисохде се регионигьо проектгьо, коминигьо бегьем те эхир разилуьи федеральнигьоре.

Фирегьлуь э товун гировунде кор э гье и рэхькори ве параменди бурунееэкономикеи дуь э екиревоз шинохи республике ихдилот сохди жигегир министре экономике ве мескени параменди Догъистуре Шамиль Аммаев.

Э доклад хуьшде у мэгlлуьм сохди, чуьки бурунееалвери оборот республике э 2025-муьн сал вегуьрди 56 вилеет. Географие вожиблуье корсохгьо гьисди хьуькуьмгьо СНГ, Азие ве Ближний Восток, (Азербайджан, Казахстан, Иран, Беларусь, Грузия, Армения, Китай, Турция, Египет ве екигегьо).

Э и товун экспортни портфель республике э гуьнжо овурде чуьтам динлуье эри Догъисту молгьо агропрома (жэгl, суьмбуьллуье, мол ичкуи ве ичкуисуьзе мол), гьечуь ве молведешендеи (шише, мол эз дор, пешм ве екигегьо). Жирелуье тигъэти э параменди экспорт доре оморени фирегьсохи жигегьой алвари. Э жирей барасилуье меселен Шамиль Аммаев э суьгьбет игъролбесдеи э Султанатом Оман э товун гуьнжуьндеи дуь эекиревоз молведешендеигьо гъувотлуьигьо ве гуьнжуьнде фуьрсореигьоре догъистуние молгьоре.