Жигегир Сернуьш Хьуькуьм Уруссиет Алесандр Новак гировунде гуьрдлеме идорелуье комитете э сер хьозуьрлугъи ве гировундеи Кавказски инвестиционни форум (КИФ-2024). Чуьтам мэгIлуьм сохде сайт федеральни Хьуькуьм, э гьемме гуьрдлеме бире мэгIлуьм сохде э товун гировундеи жигере бердеи корисохире. Гуьрдлеме 2024-муьн сал бири э шогьнишон Чеченски Республике – шегьер Грозни.
«Иму гузет сохде бэхшвегири эз де вилеетиге оморегоре одомигьо ве нушудорегор бизнес-жэмигIэт эз де вилеетиге. Зиёд сохде желдлуье хьозуьрлугъи э корисохи»,- гIуьзет сохде Александр Новак. Э гоф энурево, корисохи суьфдеи бо гирошде чуьтам гуьрдлеме, зиёд сохде гъосуьте дилевор программе – норе везифе сессии, гиргинее шуьлхьон, мастер-классгьо.
Кавказски пулрасуние гуьрдлеме мибу жиге эри суьгьбет игъролбесдеи ве бесде игърол э войгей параменди пулдореие проектгьо ве хьуькуьме-жейлее хьэрмэхье э уруссиетие регионгьо. Бинелуье гъосуьт гуьрдлеме – «Келе Кавказ – эз дерьёгь те дерьёгь». Бинелуье фикир гъозие э пушо норе чуьтам «Региональни параменди ве гIэрейрегиональни кори сохдеи дуь э екиревоз».
«Чеченски Республике гьисди еки эз омборте эхуьшде вогосундение жиге Уруссиетие Федераци, еки эз бинелуье миллетлуье пулдореи э вилеет эн иму.
Гировунде инжо КИФ-2024 гьишде бэхшвегиргьо ве гъуногъгьо гуьрдлеме э кор венгесде гьемме минкини республике, дире омборгьо еккейгьо регионгьо Софуне Кавказе, шинох бире э культурей угьоре. Кавказски пулдорение гуьрдлеме э Грозный ве эну гIэрейхэлгъие нум гьишде бирмунде пулдорение проектгьо, комики параменди бире, ве мерэгълуь бире эз де вилеетиге пулдорегоргьо»,- риз кешире кумекидорегор Серворе Уруссиети, корсох оргкомитете КИФ-2024 Антон Кобяков.
Э КИФ 2024 гъобул сохде бэхшвегиргьо нушудорегор компании сафарие бизнесе, агрокомплексе, транспортно-логистически кампани, банковски коргьо, вокурдение компании эз регионгьо Софун Кавказе, Дорум Федеральни лой, вилеет СНГ, Каспийски ве Сиедерьёгьие хьэвуьз.
Суьфдеи Кавказски пулдорение бирмундеи, комики бири э мае 2023-муьн сал э Минеральни Вод, сер кешире омборте 3 гьозор одоми эз 15 вилеет.
Э гъэдер зиреклуье прграмме бире омборте 30 корисохи. Э мескен бире гъул кешире 50 разименди э омборте 150 млрд монет.
