Лешгерие комиссар шегьергьо Дербенде, Дагестанские Огни ве Дербендски районе Фарид Мусаев жугьоб дори э вэхд ю герек гьисдигьо пуьрсуьшгьо, э товун гуьнжолуьи гирошдеи гъуллугъсохире, тозеигьо ве зомин дореи эри оголзерегоргьо.

Вэхд гъуллугъсохи ве географие рэхьгьо:

Фарид Мусаев риз кешири, чуьки вэхд гъуллугъсохи мунди гьеммишеине ве гуьнжуьнде 12 мегь. Вожиблуье дэгъдэгъэ эри оголзерегоргьо эз Догъисту гьисди, чуьки гьеммей угьо мибу фуьрсоре э лешгерие беделгьо э е гъэдер мескен Уруссиете ве нисе гъобул сохде бэхшвегири э жейлее лешгерие операци. Гье у зомин дореи, чуьки гъуллугъсохи эн угьо мигирору э гъэд вилеет.

Хундеи ве параменди:

Омборе гъэдер оголзерегоргьо мивегину минкини дорун дарафде э дананигьо ве божеренигьо. Зиёдте 30 % оголзерегоргьо мигирору дананидореире э хундение беделгьо, эже угьо шинох бире гьеймогьоине техникеревоз ве мивегинут герекие лешгерие-хьисобсохие сенигIэте. Зиёд мисоху ве синогъи э гуьнжо овурдеи гIилмие ве спортивни лешгер, чуь вокурде дергьоре эри мэгIрифетие жовонгьо, комикигьо хэрекети сохде де коригеш сохдеи эз бинелуье кор бэгъэй лешгерие гъуллугъсохире э парамендиревоз гIилмие енебуге спортивни барасигьо.

Бэхш сохдеи ве е гъэдер вэхд:

Бэхш сохдеи оголзерегоргьор эки жигегьо гъуллугъсохи сер гуьрди эз 15 – октябрь. Гье у мэгIэнолуь бире, чуьки жирей корисохи фуьрсореи оголзерегоргьоре мибу э гуьнжо овурде везифелуь ве э норе е гъэдер вэхде.

Гъэдерлуьи ве кори сохдеи дуь э екиревоз э оголзереие жиге:

Еки эз бинелуье овгъотгьо коре э гъэд оголзереие кампани мибу хьуькуьмлуье хэберлуье системе «Еклуье нуботноме лешгерие хьисобсохире». Гье у гьишде сохде асантие ве диеш зуте сохде омборе жирей корисохигьоре. МэгIлуьметномегьо э товун оголзереи мибу фуьрсоре э хуьшдение кабинетгьо одомигьо э портале «Госуслуги». Гье у тозе коргьо огол зере сохде жирей корисохире вегуьрдеи хэбергьоре омборте асанти, гьемчуьн гьишде э гуьнжо овурде вэгIэдоре пес шендеи рафдеисуьз э оголзереие жиге. Фарид Мусаев э ёр овурди, чуьки когъозие оглзереи дошдени гъувот эн хуьшдере.

Жугьобдоррлуьи ве эзуновлейге бире гъозие:

Лешгерие комиссар бирмундеи тигъэте э жугьобдорлуьи оголзерегоргьоре. Э песой неомореи войнесуьз э вэхдгирошди 20 руз эки оголзерегор мибу э кор венгесде вэхдлуье гъэдерлуье терг. Гье у риз кешире вожиблуьи э вэхд ю жугьоб доре э оглзереигьо ве дошдеи норе гъонунгьоре.

Тозеигьо э е гъэдер вэхд корисохигьо гъэрорномегьо оголзереие комиссии:

Гене еки вожиблуье тозеи бири е гъэдер вэхд корисохигьо гъэрорноме оглзереие комиссие – имогьой у гьэгъигъэтиш э вэхдгирошди сале. Гье у мэгIэнолуь бире, чуьки одоми, комики э жире- бе-жирее войнеревоз нисе бири оголзере э гирошденигьо кампание, белки фуьрсоре э гъуллугъсохи э нуботлуье вогогьрушисуьз гирошде гьеммей коргьоре. Гьисдигьо дегиши фуьрсоре оморе э хубте биреи корисохире ве те биреи нисд сохдеи зиёдие коргьоре.