Гьемме гIуьломие мигIид эн жовонгьо бегем сохде. У вокурде дер эн хуьшдере эри 20 гьозор бэхшвегиргьо эз зиёдте 180 вилеет. Догъисту нушу доре 100 бэхшвегиргьо ве 24 кумекчи, гье у бхшвегири э келе программе ве мерэгълуье вохурдеи.

Бирмундеие дуьруьждие утогъ пур бире очугъэ миллетлуье парталгьорево, барасигьо э лой культуре ве мэгIрифетгьо, хэлгъие мэгIнигьо ве вежегьисдеи. Бирмунде гьуьндуьре барасигьо э гIилм, тозе технологи, жуьр-бе-жуьрелуе проектгьо ве мастер-классгьо.

Студентгьо эз Догъисту нушу доре э жейлее э гуьнжо овурде арт-пространстве «Уруссиет э лап чуькле» нишоне гъэле Нарын-Кала. Э сер эн у кор сохде хундегоргьо ве вомухундегоргьо Колледже вокурдеи ве э гуьнжо овурде, Технически колледже э нум Р.Н.Ашуралиев, Колледже мошиневокурдение ве гъуллуъсохи э нум С.Орджоникидзе, Техникум э гуьнжо овурдение, экономике ве ихдиёри. Бирмунде нишоне гирошде э бэхш сохде доре сувениргьо ве мерэгълуье ихдилотгьо.

Еккейге бэхшвегир эн мигIид-желди Жуьмуьсдеи Суьфдеи Роза Кушиева. У бире бэхшвегир программе Жуьмуьсдеи Суьфдеи «Сер гуьрде биёвгьо гьеммееки» э мескен «Сириус» ве бире э гъэдер 100 хубте ки бире вихде эри гирошде жейлее программе.

12-муьн марта э Догъисту сер гуьрде жиге программе эн мигIид. Бэхшвегиргьо мидану шинох бире э культуре ве дин-гIэдот эн республике. Гье у лап хубе минкини эри жовонгьо Догъисту бирмунде культуре ве гIэдотгьо эн хуьшдере э гIэрейхэлгъие арене.