28 Догъистунигьо бирмунде омори бэхшгьоревоз Хьуькуьме эки Руз гъэлхендчи Ватане. Межлуьслуье межлуьс дореи бэхшгьоре э пушой еки эз бинелуье хьуькуьмлуье мигIидгьо вилеете – Рузе гъэлхэндчи Ватане – гировунди имбуруз Сернуьш Хьуькуьме Догъисту Абдулмуслим Абдулмуслимов.

Э песой жирелуье жофоие барасигьо ве рэхьменомуслуье коре хьуькуьмлуье бэхшгьоревоз бирмунде омори 28 догъистунигьо, комикигьо деберди бэхшвегири э параменди республике.Гье у рэхьбергьо корхонегьо, нушу дорегоргьо гIлме, идорегьо, культуре, тренергьо ве тербиедорегоргьо, хьуькуьмлуье гъуллугъсохигьо.

Абдулмуслим Абдулмуслимов эз нум Серворе Догъисту Сергее Меликове омборекбу сохди оморегоргьоре э мигIидевоз, согъбоши гуфдиреи э песой рэхьменомуслуье жофо э хушхьоли республике. Премьер-министр риз кешири, чуьки мигIид бирмунде неки ватанхогьи ве мердьети угьоре, ки гъэлхэнд поисде Ватан эн имуре, оммо хьуьрметлуьи эки гьемме, ки гъуллугъ сохде э хушхьоли хэлгъ эн имуре ве вилеет эн имуре.

Хьуьрметлуье гьемватанигьо, имбуруз зиёдгуьзелие рузи, эзу товун ки иму гьеекиним. Мере воисде омборекбу сохде ишмуре чуьтам гьэгъигъэтие ватанхогьо Догъисту эн имуре ве Уруссиет эн имуре. Ме согъбоши гуфдиренум гьеркире эз ишму. Ишму гьерки э жиге эн хуьшде э гуьнжо овурденит биригьо гIуьзете Догъисту эн имуре. Жирелуье согъбошии гуфдиреи келетегьо эн имуре – гье у Василий Иванович, Мустафа Исаевич, Дубай Магомедович. Ишму сохденит омборе рэхьмедуьле коргьо. Марад Тимохин – астара эн имуни, комики э гуьнжо овурде сес эн хуьшдеревоз э дениширегоргьо дивэгI жун ватанхогьи ве муьгьбет эки Ватан. Эри иму гье у Руз Гъирмизине Лешгер ве довгIоие-дерьёгьие флоте, гье у мигIиде ме хосденум-Руз гъэлхэндчи Ватане. Бараси мибу э песой иму. Иму гьеекиним, унегуьре иму бибесгъунлуь»,- гуфдири Сернуьш Хьуькуьме РД эки бэхшвегиргьо межлуьсе.