Э Махачкале гирошди артлуье коллегие эн Агенствой информацие ве дофуси эн Республикей Догъисту эри 2025-муьн сал. Сер суьфде рэхьбер эн Идорей инфармационни политике ве эн пресс-гъллугъи Рашид Акавов гуфди, ки Агенствой информациере ве дофуси эн Республикей Догъистуре гьисди минкингьо эри пушоте тэгIбир сохде ве э гуьнжо овурдеи коре.
«У барасилуь веровундени э пушо норе оморигьо везифегьоре, не денишире э четине вэхдгьо. Гье гьечуь Агенство гировунди гурунде тозе дегишигьой СМИре э товун комики бири омбаре хэелгьо ве пуьрсуьшгьо, кор сохдени э сер зевер сохдеи мегьине муьзд жофоире эн мэгIрифетлуье корсохгьоре.
Гъувот доренуьм э кор венгесдеи тозе проектгьоре, э у хьисоб ве журнале «Zащитник» эри гъувотдореи бэхшвегиргьой СВОре ве кифлетгьой энугьре. Оммо гереки кор сохде э сер э пушобердеи молгьой дофусире, э у хьисоб э кор венгесденки электронни овгъотгьоре»,- гуфди Рашид Акавов.
Чуьтам дегиш бири медие эн Догъисту э 2025-муьн сал: бинелуье артгьой дегишигьо
Э артлуье доклад э коллегие рэхьбер ведомство Арсен Юсупов ихдилот сохди э товун гировунде оморигьо келе дегишигьо э медиаотрасль эн Догъисту.
Э 2025-муьн сал Агенство информации ве дофуси РД бегьем сохди келе дегишигьоре эн хькуьметлуье СМИре, сер гуьрде оморигьо э ГБУ «Этномедиахолдинг «Дагъисту».
Э гуьнжо овурде омори тозе идоре – ГАУ РД «Дагмедиа» — хаб эн дофусзереигьо э зугьун урусси.
Бинелуье информационннни овгъот эн рспублике – РИА «Догъисту» гуьрд бири э АНО «Институт эн тозе медиа». Чуьтам гуфдири рэхьбер эн Дагинформ, имогьой АНО «Институт эн тозе медиа» миверовунуь коргьой эн овгъотгьой жэгIмиетегьерие информациере, оммо гьемчуьн мибу меркез эн информационни фегьмсохигьо ве назари, гьемчуьн меркез эн информационни кори сохдеи э гъэршуй терроризм ве экстремизм. Э 2025-муьн сал э риз АНО гьемчуьн ведешенде оморебу суьфдеи анимационни фильмгьо э товун игидгьой СВО – эн Айдемир Исмаилов ве Магомед Магомедов.
Бинелуье телеканал эн республике РГВК «Догъисту» гирошди эз нубтлуье бэхш эн технически хубте сохдеи, вегуьрди тозе сохде оморигьо ве гьеймогьине телестудиере ве э кор венгесди проектгьоре, эз комигьоки хьэз омори томошесохдегоргьоре.
«Дуьл лешгерчи» — торих лешгерчигьо эз суьфдеи руй;
«ГIэилгьой Игидгьо» — ербиеригьой гIэилгьо э товун пуч биригьо бебегьо-бэхшвегиргьой СВО.
Дофусзеренигьо отрасль имогьой гуьрд сохде омори э тозе идоре «Даггосиздат» — идоре гуьрд сохди книглуье идорегьоре ве э сер хуьшде вегуьрди коргьой нуьвуьсдеире ве овурде расундеире э гьеммей республике ве эз республике эуло.
Э сереботи дуьбэхшие дегишигьо ве хубте сохдеи структурей отрасле кем бири гъэдер эн хьуькуьметлуье идорегьо э суьфдеи бэхш – эз 27 те 15, ве песде – эз 15 те 5 холдинггьо.
Плангьой Агенство эн информацие ве дофуси РД эри 2025-муьн сал
Э гофгьой эн рэхьбер Агенство эн Арсен Юсупов гуьре, вихде омори чор бинелуье тарафгьой параменд сохдеи отрасле:
Бегьем сохде омори дегишигьо – структурни тозе дегишигьо те эхир бегьем сохде миев те эхир э суьфдеи чоримуьн бэхш, хубте сохде миев коргьо – эки минжи сал.
Гъувот дореи миллетлуье зугьунгьоре – э гIэрей тозе хьуькуьметлуье программе гировунде миев мероприятиегьо, гуьвот доре миев жовоне нуьвуьсдегоргьоре ве журналистгьоре, кор сохденуьтгьо э зугьунгьой эн хэлгъгьой Догъистуревоз.
Бинелуье везифе: зевер сохдеи гъэдер ве гъоими серномере.
Хубте сохдеи инфраструктурере – сергуьрде тозеден сохде газетни-журнальни комплексе эри хубте сохдеи овхьолет эн жофой корсохгьоре.
Рэгъэмлуье трансформацие – параменд сохдеи тозе медиагъэдергьоре, кор сохде гьееки э миллетлуье мессенджеревоз «Макс», э кор венгесде чат-ботгьоре, мобильни приложениегьоре, желдлуь бэхш вегуьрдеи э социальни сетьгьо.
Э пушо – системни кор эри гъоимлуьи ве бараси.
