Хьуькуьм РД дори 200 млн монет э ведешендеи хундение книггьо «Догъисту эн ме.Улке, э комики ме зигьисденум». Герекие буйругъноме э товун пуледореи ведешендеи хундение книгьоре ве корисохие дефдергьоре э гъэд веровундеи проекте «Догъисту эн ме. Улке, э комики ме зигьисденум» гъул кешири Сернуьш Хьуькуьме РД Абдулмуслим Абдулмуслимов.

Э гъэд гъул кеширеие буйругъноме Министерстве соводи ве гIилме республике э овурде расундеи пулгьоре доре омори 198,5 млн монет.

Э ёр овурденим, э 2023-2024-муьн хунденигьо сал э Догъисту э войгей Серворе РД Сергее Меликове бири барасилуь э кор венгесде жирелуье проект эри суьфдеклассникгьо дуьимуьнклассникгьо – «Догъисту эн ме. Улке, э комики ме зигьисденум». Гьечи, э песой гирошдигьо хундение сал тербиедорегоргьо ве хундегоргьо гирошди хундеи э гъэд и программе э везиферевоз хуте бире э культуре ве торих улке эн хуьшдере, несигIэтдореи э эки хьуьрметлуьи ве дошдеи дингьо ве гIэдотгьо эн хуьшдере.

Бирмунденим, чуьки тозе вокурде оморе школгьо гьемчуьн мивегину жейлее хундение книггьо ве корисохие дефдергьо эри хундегоргьо, серноме комикигьо бири тозе сохдеи ве зиёдте фирегь сохдеи э барасигьо фегьмсохи проекте. Ижире хундение комплектгьо нисди ухшеши э вилеет.