1-муьн сентябрь э Догъисту гирошди бэхьсгири вокурдеи тозе соводие объектгьо э бэхшвегирирево Сергей Меликов. Э республике вокурди лов сохди дергьой эн хуьшдере 14 тозе школгьо э 5 140 хундегоре жиге ве 2 бохчей гIэили э 450 жиге. Объектгьо вокурде омори э гъэд миллетлуье проектгьо.

Гье у омборе гъэдер тозе соводие идорегьо э гъэд регионгьой вилеет. Сергей Меликов омборекбу сохди гьеммере э сергириревоз тозе хундение салевоз ве хубе гофгьо гуфдиреи тербиедорегоргьоре.

Жирелуье гофгьо сервор регионе фуьрсори суьфдеклассгьоре – угьо э республике э и сал 48 гьозори:

Чуьтам риз кешири С.Меликов, вожиблуьи, эри гьер гIэил э Догъисту хунде э гьеймогьоине овхьолет иловлеи ве дануьсде бире барасилуьи. Оммо лап вожиблуьи, эри гIэилгьо келе бире гьэгъигъэтлуье одомигьоревоз, хосдегоргьоревоз Ватане эн хуьшдере гьечи, чуьтам ве келетегьо эн угьо.

Сервор регионе согъбоши гуфдиреи тербиедорегоргьоре э песой зиёдгъувотлуьи э дананидореи ве несигIэтдори гIэилгьоре ве сеч сохди, чуьки лап омбор мибу межбур биреи эз жофохосдеи ве гьинор хундегоргьо. «Эз гьеммей жун войге сохденум ишмуре барасигьо, очугъэ нушу дореигьо ве имидлуье хьэрмэхьгьо!»,- войге сохд эри хундегоргьо сервор регионе.

Э тегьер видео-конференц-бесдеи э товун вокурдеи школгьоре гуфдири рэхьбергьо идорегьо хьуькуьм республике, хуьшдени гъобул сохди бэхшвегири э межлуьслуье корисохигьо э жигегьо.

«Дегьигьо школгьо, комикигьо дануьсдеи нореи хубе гьеймогьоине техникере, гуфдире э товун, чуьки республике эн иму параменд бире»,- гlуьзет сохд Абдулмуслим Абдулмуслимов.

Сервор Догъисту согъбоши гуфди э гьеммере э товун песой зиёдгъувотлуьи, комикигьо гъобул сохде омори эри бегьем сохде вокурдеи тозе соводие объекте, хундегоргьоре войге сохде барасилуье хундеигьо.

«Иму хьэрекети венореним э гуьнжо овурде э гьеммей республике тозе, хубе иловле эри тербиедорегоргьо ве эри гIэилгьо эн иму, комикигьо имбуруз нуьшди э школгьо. Фикир сохденум, чуьки гIэилгьоре бири лап мерэгъ вокурде и тозе дергьоре ве денишире, чуьки угьоре гузет сохде унжо»,- гуфдири С.Меликов.

Омборекбу сохди сервор регионе э сергири хундение салевоз ве хундегоргьоре многопрофильни лицее э Карабудахкент. Хундение идоре э 700 жиге жугьоб доре гьеймогьоине талабиьоре. Э кор венгесде омори Зеленоморски школе э нум Кавалере бэхше Гъирмизине астара Рабадане Курбанове э 120 хундение жиге э Карабудахкентски улке. Лап келе эз 14 школгьо, вокурде омори имбуруз э Догъисту э корисохи республикански бэхьсгири, – э Кизляре. У ниет сохди э 800 хундегоргьо ве гъобул сохди э гье у гъэдер омборте 80 суьфдеклассникгьоре.

Сергей Меликов омборекбу сохди зтгьисдегоргьоре Кизляре э и гъозиеревоз, вице-премьер Абдурахман Махмудов, комики бэхшвегири сохди э корисохигьо, ихдилот сохди э товун нушу дореи эн хуьшде э серворевоз регионе:

«Школе гIэжоиби дори э рачи хуьшдерево. Ме ижире гьелемиш нисе винирем. Боворини, чуьки эри гIэилгьо мибу инжо лап хуби».

Э Хасавюртовски улке дергьой эн хуьшдере вокурди чор тозе школгьо.

Эри гIэилгьо эз дигь Советское вокурдеи тозе хундение идоре бири омборедениширее ве дуьлшорлуье гъозиеревоз. Хундегоргьо согъбоши гуфдиреи серворе регионе э песой минкини хунде э хубе ве фирегьуние классгьо.

Сергей Меликов эз лой эн хуьшде нушу до: «Эри иму гье у гьем келе мигIиди, эзу товун ки гье у жэгIмие бараси имуни. Ме согъбоши гуфдиреи э песой гье у хьуькуьме вилеете, ве гьеммере, ки жофо кешири э сер э гуьнжолуьи гьеймогьоинегьо иловлегьо».

Ишуьгъ дореие сифет эн гIэилгьо веди бири ве э вокурдеи школе э дигь Герга Каякентски улке.

Гьевел гергински хундегоргьо данани вегуьрде э се жигегьо вокурдеигьо гирошдигьо девре, э гъэд комикигьо хуней серхьэдчигьо 1037-имуьн сале. Гьеймогьоине школе дануьсдеи нореи э песини гофевоз технике.

Куьгьне школе э дигь Параул Карабудахкентски улке бири вокурде 100 сал песово. Тозе гьеймогьоине хуне, комики хьисоб сохди э 200 хундегоргьо,– бугьолуье бэхши эри параульцегьо.

«Эки гъимиши, Э Догъисту гене гьисди куьгьне школгьо. Имуре гереки хэрекети сохде угьоре тозе сохдеи.

Ижире программ имуре гьисди ве иму эсер эну рафденим. Эгенер гьемме муниципалитетгьо желди мисоху коргьоре, вокурде ве гъуьч сохдеи школгьоре иму миданим э вэхд ю»,- риз кеши С.Меликов.

у хубе гофгьо гуфдиреи гьеммере ки э гуьнжо овурди тозе гьеймогьоине соводие идорегьоре.

«Бигьил э гье у сечсохдение школгьо ве бохчей гIэилигьо гьеммише сес сохде гIэилие хэнде, бире иловлее рэхьми, варасиреи ве хушхьоли, гуьнжуьнде оморе чигьо ве дуь э еки кумек сохдеи.

Омборекбу сохденум гьеммере э гье у вожиблуье рузевоз! Пушово эки тозе вокурдеигьо, эки барасигьо ве хубе коргьо!»,-  войге сохд сервор Догъисту.

НесигIэт доре омори эри омборте 500 гьозор хундегоргьо, э у гъэдер 48 гьэдер суьфдеклассникгьо.