Э Дербендски районе бири гьероринеине аппаратни гуьрдлеме э зир сернуьширевоз Серворе муниципалитете Эльмане Аллахвердиеве.

Э вохурдеи бири бодо доре артгьо коре э песой гирошдигьо орине ве норе омори вожиблуье везифегьо э куьндие вэхд.

Э гъэд везифегьо рузе, бэхшвегиргьо гуьрдлеме гуш дошди мэгIлуьмети э товун веровундеи протокольни гъэдэгъэгьо, комикире дори э пушотеине гуьрдлемегьо. Жирелуье тигъэти доре омори пуьрсуьшгьоре гуьнжолуьире е гъэдер мескен районе. Пуьруьш сохде омори зиёд сохдеи коргьоре э овурдеи гуьнжолуьире э дурази федеральни рэхье, гьемчуьн тозеден сохде гировундеи субботникгьоре э пуш-пушокие мигIидлуьи Руз Бараси 9-муьн мая. Эзуш бэгъэй, бири гуш дошдеи мэгIлуьмети э товун веровунде оморе коре э инвентаризацие коммерчески объектгьоре э могьлугълуье жиге, дигьбоне Белиджи. Гьемчуьн гуфдире омори э товун э вэхд ю герек гьисдигьо пуьрсуьшгьо, бесде омореие э парамендиревоз сафарие минкини районе ве э гуьнжолуьиревоз герекие инфраструктуре.

Э бегьем сохдеи гуьрдлемере, Эльман Аллахвердиев дори жергей тозе гъэдэгъэгьо. Эри гьер эз норе везифегьо бири норе очугъэтегьер вэхде веровундеи, комики гуьнжуьнде е орине.