12-муьн январь, бэгъдовой бегьем сохдеи тозесаллуье мигIидгьоре, Сервор Дербендски районе Эльман Аллахвердиев гировунди зиёд фирегьсохие гуьрдлемере, гъэрхунди норе везифе э барасилуье коре э пушо дерие сал.
Э корисохи гъобул сохди бэхшвегири сернуьш Гуьрдлеме депутатгьоре, жигегиргьо серворе, сернуьшгьо ЖэгIмие ве Фегьмсохи-хьисобсохие несиете, рэхьбергьо структурни беделгьо, гьемчуьн серворгьо дигьбоние ве шегьерие жигегьо.
Вокурде гуьрдлемере, Сервор мунипалитете омборекбу сохди гьеммей э жиге бирегоргьоре э оморе расиреие 2026-муьн салевоз. Эльман Аллахвердиев хосди сэхде жунсогъире ве, чуь жирее вожиблуь, барасилуье коре э хушхьоли зигьисдегоргьоре Дербендски районе.
Гье у омборекбуи бири оголзереиревоз эки гьеммейеки зиёдгъувотлуьигьо ве вегуьрдеи вожиблуье барасигьоре.
Гирошде эки корисохие беделе, Сервор районе гуш дошди мэгIлуьмети рэхьбере ЕДДС э товун коре э вэхд тозесаллуье мигIидгьо. Эльман Аллахвердиев риз кешири вожиблуьи пуьрсуьшгьоре, комикигьо винире овурде расунде эри могьлугъ электро-, газе- ве гIоведореиревоз, бирмунде, чуьки и бирмунушигьо гьисди бине хубе зиндегуни одомигьо.
Еки эз бинелуье пуьрсуьшгьо бири э гуьнжо овурдеи санитарни гьунжолуьире. Серворгьоре могьлугълуье жигегьо Джемикент, Великент, Кала, Мамедкала, Сабнова, Падар, Нижний Джалгане ве Хазаре доре омори ёгъинлуье гъэдэгъэгьо эсер руфдеи е гъэдер мескене э дурази федеральни илчи ве э дарафдение жейлее чапарлуье мескенгьо. Гье у коре мибу гировунде э куьнде кори сохдеи дуь э екиревоз э беделевоз архитектуре ве хориие гъэножогъиревоз.
Жейлее гъэдэгъэигьо доре омори хьуькуьмлуье комиссире эсер пуьрсуьшгьо ведебердеие фурухдеигьо. Сервор регионе бирмунди четиние жигегьоре, комикигьо талаб сохде зурие тегьер тигъэтире, ве гъэдэгъэ зери рафде э жиге гье бирден бэгъдовой гуьрдлеме эри гъобул сохде герекие гъэдергьоре.
Э везифегьоревоз э гуьнжо овурдеи еклуье ве хубе э хуьшде вогосундеие ведини районе, рэхьберисохгьо серворе дуь эекиревоз э юридическиревоз беделевоз ве беделевоз архитектуре гъэдэгъэ зере омори э кор венгесде еклуье веди буруние рекламе э жигегьо фурухдеи. Эри бирмунуши э пушо нре омори хунде дануьсде пушолуье синогъире ве гьеймогьоине гъэрорномегьоре, комикигьо э кор венгесде э шегьергьо Бинелуье Уруссиете.
Э гуьрдлеме бири пуьруьшсохде пуьрсуьшгьо налогови ве налоговисуьзе омореигьоре, комикигьо гьисди бине гьеммишеине параменди районе. Вожиблуьи бири пуьруьшсохи коре э оголзереи э Ерэгъленмишие гъувотгьо РФ ве эсер контрактни гъуллугъсохи, комики риз кешире жугьобдорлуьи муниципалитете э песой ватанхогьие тербие дореи ве кумекии дореи гъэлхэндие божеренемэгIрифет вилеете.
Э бегьем сохдеи гуьрдлемере Эльман Аллахвердиев бирмундеи тигъэте э вожиблуьи жофоие гуьнжолуьире. У огол зери гьеммеекире эки дусдлуье коре, норе дуьлтижие вэхде веровундеи гъэдэгъэгьоре – те эхир гирошденигьо корисохие орине.
