Сервор Догъисту Сергей Меликов гировунди гуьрдлеме Рэхьберисохие вохурдеире, комики гIуьзет сохде омори пуьрсуьшгьоре ихдиёрие гуьнжолуьире э республике. Э корисохи вохурдеи пуьруьш сохде омори е ченд бинелуье гъосуьтгьо.
Суьфдеи беделевоз везифере бири веровундеи программере эсер э войгей хуьшде гуьре дореи гъонунсуьзе дошдеие ерэгъе, зиёдие гъэдер ерэгъгьо ве партленмиши бирение молгьо. Гье у войге фуьрсоре оморе э хубте биреи жэгIмие секонеисуьзи ве э гуьнжо овурде э пуллуье бине. Бэхшвегиргьо гуьрдлемере гьемчуьн фегьм сохди минкини дуразкеши программере те 2030-муьн сал.
Нуботлуье пуьрсуьшевоз бири дешендеи гене гъэдергьоре эсер гъэлхэнди дорундарафдеи э гъэд одомигьо, комикигьо гьисди э дуз сохдение идорегьо. Пуьруьш сохде омори рэхьгьо веди сохдеи ве песшендеи войнере гье у гъозиере, гьемчуьн вожиблуьи барасилуье кори сохдеи дуь э екиревоз гьеммей мерэгълуьие идорегьоре.
Сеимуьн бедел пуьруьшсохире – гъэдер эсер э гуьнжо овурдеи ихдиёригуьнжолуьире ве секонеисуьзире э е гъэдер мескен жирелуье экономически жиге гьеммесоюзие сафарие- дуьлхошие гуьрдноме «Каспийски экуьнди гъирогъ десде», комики вокурде оморе э е гъэдер мескен Дербендски районе э гъэд федеральни проекте «Пенж дерьёгь ве дерьёгьче Байкал».
Э имбурузине руз, э везифе параменди сафарие-дуьлхошие жейлее чапарлуье мескене э дурази гъирогъ Каспийски дерьёгь офде омори бирмунушигьо ве е гъэдер вэгIдо еклуье коре. Э гъэд суьфдеи е гъэдер вэгIэдо везифе норе омори э гуьнжо овурде гьеммежофокеши э вэхд гуьрее сафарие-дуьлхошие гуьрдномере ве гьеммеуруссиетие гIэлие бинере э Дербндски районе. Уже тогIин сохде омори проектгьо э десдин дебиреи ве нореи сэрхьэде е гъэдер мескен десдере, гIэрелуье жейлее чапарлуье мескене, жигегьоре э зир вокурдеи темиз сохдение дуьруьжде вокурдеигьоре ве ГIэилие бинере жэгIмие муьлкевоз 410 га.
Дуьимуьн е гъэдер вэгIэдо везифе норе омори э гуьнжо овурдеи шегьере-курорте «Каякент» э Каякентски районе.
«Иму бежид кура биреним э жиге Минэкономпараменди эри екбиреи коре э и проекте. Гьемме зигьисдегоргьо, комикигьо мибу параменд сохде курорте, комикигьо нуьвуьсде омори э Дербенд ве мибу пуле дорегоргьо эри регион. Гье у неки сафарие проектгьо, оммо ве вожиблуье экономически жейлее чапарлуье мескен эри Догъисту»,- риз кешири сервор регионе.
У зиёд сохди, чуьки гереки э гуьнжо овурде везифе дореи секонеисузире ве ихдиёриегуьнжолуьире э вэхд вокурдеи сафарие десдере, дешенде пуьрсуьшгьоре хорие-девлетлуье жире. «Воистени ми, эри чуь серворгьо муниципалитетгьоре варасире вожиблуьи дореи секонеисуьзи пуледореие проектгьоре, гьечи чуьтам проектгьо параменди иму везифе нореним ве веровунденим э омбортее енебуге кемтее гъэдер ве э е гъэдер мескен екейгегьо муниципальни соводигьо»,- бирмунди Меликов.
Э гофгьой энуревоз, э гьонине вэхд пуьрсуьшгьо секонеисуьзи э Догъисту вегуьрде омори э сереботи кимигьо терсдии. Оммо четинигьо, комикигьо бесде омори э экономически секонеисуьзиревоз ве э гуьнжо овурдеиревоз хорие гъэножогъигьо, дошде оморе ве мидану зобуне корисохи сохде э пуледореие э хуьшде вогосундеи регионе.
