Сернуьш Хьуькуьме Республике Догъисту Абдулмуслим Абдулмуслимов гировунди гуьрдлеме эсер пуьрсуьш параменди сэхьиблугъи онгурдошдеи ве э жиге овурдет региональни хьуькуьмлуье фегьмсохи э сэхьиблугъи э е гъэдер мескен Республике Догъисту.
Э пуьруьшсохи гъобул сохди бэхшвегири вице-премьер Нариман Абдулмуталибов рэхьбергьо сенигIэткорлуье идорегьо хьуькуьме хоригъуллугъсохие беделе.
Премьер-министр риз кешири, чуьки Догъисту гьисди еки эз бинелуье шоробсохдение регионгьо вилеете, чуьки э у гъэдер ведини э барасигьо ве зевербиреи риз гъэдерлуьи онгурдошдеи-шоробсохдеи сэхьиблугъи республике э песой песини вэхд.
Гьеймогьой зиёд сохде оморе жэгIмитегьерие вечиреи онгуре бегьере гирошденигьо сале ве э овхьол э 19-муьн сентябрь 2025-муьн сале гьеммей ю вечиреи онгуре э е гъэдер Республике Догъисту гуьнжуьнде 103 гьозор 450 тонн э сер миглее бегьерлуьи 128,9 ц/га. Эз вечире оморе бегьере онгуре э дегиши фуьрсоре омори 97 гьозор 818 тонн огуре.
Э корисохи гуьрдлемере бэшгъэ бири пуьруьш сохде пурсуьш дореи бегьерлуье эрзо онгурие сэхьиблугъигьоревоз республике. Э гофгьой А.Абдулмуслимове, эки дузе э гуьнжо овурдеи бегьерлуье эрзогьоре ве расдие руй-бе-руи, комики ведини э угьо, гьисди омборе пуьрсуьшгьо.
Премьер бирмундеи тигъэте э минкинсуьзе корисохигьо, комикигьо бесде оморе э гъонунепузмишигьоревоз гуьнжолуьиревоз корхонегьоре ве э кор венгесдеи этилови спирте, мол ичкуие ве спирте э гъэд ю деригьо молгьоре.
Биней гьеммей корисохигьо – гье у федеральни гъонунгьо «Э товун онгуредошдеи ве шоробесохдеи э Уруссиетие Федерацие» ве «Э товун хьуькуьмлуье рэхьбери корхонегьоре ве э кор венгесдеи этилови спирте, мол ичкуире ве спирте э гъэд ю деригьо молгьоре», гьемчуьн герекие э зир гъонуние игъролгьо.
Премьер-министр Догъисту риз кешири, чуьки корисохигьо, комики бесде омори э гъонунепузмишигьоревоз гуьнжолуьи хьисобсохи доруние гъэдере корхонере, э кор венгесдеи этилови спирте,енебуге нисе веди сохде хэбере э ЕГАИС, бичореи.
Э артиревоз гуьрдлемере доре омори протокольни гъэдэгъэгьо жугьобдорлуье идорегьоре эсер зиёд гъувотдии коре э гуфдире оморе рэхьгьо.
