Э гирошдигьо орине, э гъэд веровундеи хьуькуьмлуье программе эсер муьхькем сохдеи ихдиёрие гуьнжолуьире ве зевербиреи барасилуье гъэдергьо эсер те биреи нисд сохдеи зулумие тегьер боворинире хэржи сохде хьуькуьмевоз э гъэд хьуькуьм гъуллугъсохгьо Сервор Республике Догъисту Сергей Меликов гировунди гуьрдлеме Несиете эсер э гъэршуй кори сохдеи рушвохурире.

Гуьрдлеме сер гуьрди эз нушудореи жигегире сернуьше несиете, комики шинох сохди мэгIлуьмети э товун сохде оморе коре э песой пушотеине вэхд. Бири бурмунде омборе зофру биреи гъэдере нуьвуьсде оморе гъонунепузмишигьоре рушвохурие жире э хотур чуьки э кор венгесдеи гьеймогьоинее технологие пуьрсуьшдореи ве фегьмсохдеи пуллуе омборе гъэдере.

Э товун зуте мэгIлуьм сохдеи ве вокурде очугь сохдеи рушвохурие гъонунепузмишигьоре э сер вегуьрдеи бюджетни овгъотгьоре ихдилот сохди жигегир серворе МВД Догъистуре Леонид Можеровцев.

Э песой суьфдеи нимесали и сале, э гофгьой энуревоз, ихдиёридошдеие идорегьо веди сохди 467 рушвохурие гъонунепузмишигьо, эз комики 327 хьисоб бире чуьтам гурунде ве жейлее гурунде. ЖэгIмие моллуье бедхэржи э артлуье э гуьнжо овурдеи гъонунепузмишие коргьоре гуьнжуьнде 154 млн монет, омбортее бедел комикире бири вогордунде.

Жейлее тигъэти доре боржберире э рушвохуриревоз – э гирошденигьо сал нуьвуьсде омори 269 гъозие-гъэдер дореи енебуге вегуьрдеи рушвогьоре, дешенде 65 бедел э дуьруьжде ве лап дуьруьжде гъэдергьо.

С.Меликов согъбоши гуфдиреи МВД э РД э песой веровундеие кор. У боворини дори, чуьки фегьмсохи гьеммей бире гъозиегьо рушвохури мибу гировунде э гъэд ихдиёрие корисохи. Гьемме восдоре оморе чигьо э песини салгьо э гуьнжо овурде омори эз боржберие корисохигьо.

Екбиреи восдореигьоре – гье у нисе асенте эдеб экономике бюджетни овгъотгьо.

Зевербиреи инжо гьелбетте: э гуьнжо овурдеи хэржилугъигьоре э рэхьбери восдреие корисохигьоре, еклуье нишоне ве фегьмсохи имидие восдоре оморе молгьоре. Ижире восдореигьо гьишде вихде фурухдегоргьоре ве те биреи нисд сохдеи фурмундеигьоре овурде молгьоре, чуьки жейле вожиблуьи э медицине,- риз кешири Сервор регионе.

Бинелуье гъосуьтгьо пуьруьшсохи дешенди:

Зуте мэгIлуьм сохдеи ве офде оморе рушвохирие гъонунепузмишигьо э сер вегуьрдеи бюджетни овгъотгьоре, э у гъэдер э гъэд веровундеи миллетлуье проектгьоре;

Э гуьнжо овурдеи коре э сер э гъэршуй кори сохдеи рушвохури э Минтрасе РД, э у гъэдер э сер восдореи молгьоре, коргьоре, гъуллугъигьо эри дореи хьуькуьмлуье михьтожигьоре;

Веровундеи Минсельхозпродовоз РД гъэдергьоре эсер э гъэршуй кори сохдеи рушвохури э коргьой дореи хьуькуьм кумекии хоригуъуллугъсохие корсохгьоре.

Бихэйрлуье енебуге бидузие хэржи сохдеи корисохи неки э социально-экономически параменди республике, оммо зофру сохде хуби хьуькуьмлуье гъуллугъгьо, вечаруьнде ихьдибори эки хьуькуьм, корисохи э пулдореие э хуьшде вогосундеие республикере,- бирмунди Сергей Меликов.

Оголзереие сенигIэткоргьо бирмунди вожиблуьи желдие гьемкоркии э гIэрей идорегьо веровундение хьуькуьме, ихдиёридошдеие идорегьоревоз ве жэгIметие идорегьоревоз эри рафде расиреи келе барасигьо э боржбери э рушвохуриревоз.

Э барасии пуьруьшсохи корсохгьо Несиете сохде омори вожиблуье ведебердеи ве э гуьнжо овурди кумекие тэгIрифномегьо, э гъэд комикигьо:

Зевербиреи очугъэтегьери: зиёд гъувотдии фегьмсохи э песой гъэзенжгьоревоз ве девлетевоз хьуькуьмлуье гъуллугъсохгьо, зиёд фирегьсохи мэгIлуьмети э товун барасигьо корсохигьо эн хуьшде.

Хубте биреи э гъонун гуьре бинере: хьозуьрлугъи гъонунпроекте, фуьрсоре оморе э зиёд гъувотдии дивуние жугьобдорлуьи э песой рушвохурие корисохигьо.

Параменди жэгIметие фегьмсохире:э хуьшде вогосундеи бимихьтожие сенигIэткоргьоре ве жэгIмете эки бэхшвегири э пуьрсуьшдореи корисохире хьуькуьмлуье идорегьоре.

Э барасигьо пуьруьшсохи несиет гъобул сохди гъэрорноме кумекие тэгIрифире д,ре Хьуькуьме Республике гъобул сохди гене гъэдергьоре э сер зиёд гъувотдии жугьобдорлуье э песой гъонунепузмиши гъонунгьоре ве гировунде андуьрмишие коргьо э гъэд могьлугъгьо э товун эзуновлейге бире гъозие бэхшвегири э рушвохурие коргьо.

Комиссие гьемчуьн гъобул сохди фикире э кор венгесде гъонунепроекте, комики пушоки дире дануьсдеи гуьнжолуьи жейлее идорере э зеверсер э песой дошдеи гъэдере ихдиёри хьуькуьмлуье гъуллугъсохгьоревоз. Гье у идоре биё бу бимихьтожие идореревоз, комики дануьсде бежид жугьоб доре э гьер гъозие-гъэдер гъонунупузмишигьо.

Гъэдуьре гировунде оморе корисохире четини гъимете дегиш сохде. У шогьоди доре э товун вожиблуьи везифе рэхьбергьой регионе муьхькем сохдеи ихдиёрие бинере рэхьбери республикеревоз ве э гуьнжо овурде овхьолет иловлеире эри гъоимгъувотлуье параменди жэгIмете. Веровундеи гъобул сохдеи гъэрорномегьоре гьишде лап зевер сохде ихьдиборире одомигьоре эки идорегьо хьуькуьм ве доре барасилуье жирей корисохи хьуькуьмлуье институтгьоре, хубте биреи имидлуьи доре оморе могьлугъе жэгIметие гъуллугъгьоре ве гуьнжолуьи овхьоле эри барасилуье веровундеи миллетлуье проектгьоре ве везифегьо параменди регионе.