Сернуьш Хьуькуьме Догъисту Абдулмуслим Абдулмуслимов гъобул сохди бэхшвегири э гуьрдлеме э тегьер видеоконференцсвязи э зир рэхьберисохиревоз министре транспорте РФ Андрее Никитине э пуьрсуьш веровундеи нуботноме гъэдэгъэгьоре Серворе Уруссиетие Федераци, комикигьо доре омори э артевоз гуьрдлемере э сер параменди беспилотни авиационни жирей корисохигьо.
Эки бэхшвегири э гуьрдлеме, комики гирошди э жиге Росавиаци, э тегьер видеоконференцсвязи ек биреи нушудорегоргьо субъектгьо вилеете.
Регион э сервори э премьер-министревоз гьемчуьн нушу дори рэхьбергьо республикански Минтрасе, Минпромторге, МЧС, Комитете э сер вишелуье сэхьиблугъи ве екейгегьо.
Сервор Минтрасе РФ Андрей Никитин э ёр овурди, чуьки кор э сер асанти э кор венгесдеи беспилотникгьоре ве вокурдеи эри эн угьо асмуре берде оморе э гьеммей Уруссиет э гъэдэгъэиревоз Серворе РФ Владимире Путине. Гуфдире э товун вожиблуьи зиёдсохи э кор венгесдеи беспилотни авиационни жирей корисохи э субъектгьо, Андрей Никитин бирмунди вожиблуьи овурдеи региональни гъэдерлуье-ихдиёрие гъонунгьоре, комикигьо кем сохде гъэдере э кор венгесдеи беспилотникгьоре, гуьре э кумекие тэгIрифномеревоз Минтрассе Уруссиете. Э гофгьой министре, гье у гьишде зофру сохде гъэдере гъэдерлуье терггьоре ве миду минкини сенигIэткорлуье бэхшвегиргьоре веровунде учмиш биреигьоре э мерэгъ экономике субъектгьоре, эри гьеммей мундегьо – сохде вегуьрдеи руьхсете ежирелуьи.
Эз лой эн хуьшде Минтрас Уруссиете э кор венгесде гене овхьоле эри параменди жэгIметие беспилотни авиацие. Гьечи, э вилеет нори тозе жире эвирлуье жигегьо эри беспилотникгьо – «Н», комики э гуьнжо овурде омори эри учмишигьо беспилотни эвирлуье гемигьо.
Гереки бирмунде, чуьки э войгей параменди ватание беспилотникгьоре э догъистунигьо жиге Хьуькуьме Республике Догъисту тогIин сохде омори республикански программе «Параменди беспилотни авиационни жирей корисохи э Республике Догъисту э вэхд те 2030-муьн сале». Э гъэд проекте пушоки дире дануьсдеи бэхшвегири э боржберие вихдеи э вегуьрдеи пуллуье овгъотгьоре э гуьнжо овурдеи э регионе гIилмие-мол ведешендение бинере синемишигьоре ве дананигьо э бедел параменди технологи беспилотни авиационни жирей корисохигьо.
Комитет эсер вишелуье сэхьиблугъи РД эз 2024-муьн сале бэхшвегири сохде э корисохигьо федеральни проекте «Себебе э хьэвес вегесдеие пуьрсуьшдореи ватание беспилотни авиационни жирей корисохигьо», жэгIмие гъимет комики гуьнжуьнде 18 млн монет эз овгъотгьо федеральни бюджете. Э гьевелие сал те Комитете бири овурде 16,5 млн монет эри восдореи 11 тек БАС. Эз угьо 4 тек доре омори э ГАУ «Догъистуние вишесухдеие бине» эри веровундеи фегьмгери вишеие сухдеигьоре, 7 тек доре омори э ГКУ «Вишедори» эри гировундеи корисохигьоре э сер зуте мэгIлуьм сохдеи гъонунсуьзлуье венжиреи вишеие битмишигьоре.
Мибирмуним, чуьки э март2025-муьн сале Комитетевоз гьемчуьн бири бесде хьуькуьмлуье контракт э АО «Хьуькуьмлуье транспортни киролуье компани» э овурдеи 1тек БАС, овурдеи моле везифе нори э 3-имуьн бэхш 2025-муьн сале.
