Э бинелуье тигъэти СМИ бири торих 73-муьн сали зигьисдегор Догъисту Ахмеда Омарова, коминики фуьрсори чуьклеи кук хуьшдере э гъуллугъсохи э жейлее мескен гировундение жирелуье довгlои операцие (СВО). «Мисохи кумеки э бироргьо, э хунелуье коргьоревоз ме хуьшдени ме мидануьм гъэрор норе», -гуфдири у, нушу дореи хьохомлуьи ве гъэйгъукеши э товун кифлет хуьшде.
Депутат Хьуькуьмлуье Думе Уруссиети Федерацие эз партие «Еклуье Уруссиет» Джамаладин Гасанов, дануьсдеки э товун кифлет Омарове эз хуьшдени вихденигьо округ э Буйнакски район, вегуьрди э хуьшде жугьобдорлуьи э гъэрорноме четини ве тевэгъэ гье у кифлете. 5 кукгьой Ахмеда Омарова рафди э гъуллугъсохи э контратевоз э жейлее мескен жирелуье довгlои операцие, ве ме хьисоб сохдем хуьшдере гъэрхунд кумеки сохде э гье и игидгьо»,- гlуьзет сохди депутат.
Кифлет Омаровгьо динлуь гьерчуь бисдо сохдеи хоригъуллугъсохие ве дошде веровундеи молгъэредореи. Не денишире э салгьо хуьшде, Ахмед Омаров диеш кор сохде э у рэхь кори. Эз гофгьой эну, уре воисдени зиёдте фирегь сохде хунелуье хозяйство, эри чуьки э вогошдеки кукгьо мидануь гьееки э угьоревоз жофо кешире э кифлетие кор. Эри гье и кор у руйбири э товун грантови кумекии эки Министерство хозяйствой дигьбони Республике Догъисту ве пуьруьш сохди хуьшдени хьэрекети э серворевоз Буйнакски районе.
Гасанов желдлуье кумек бисдо э и пуьрсуьш ве бирмунди боворини э у, чуьки мидануь офде варасиреи э органгьо хьуькуьм чуьтам э региональни, гьечуь ве э федеральни риз гъэдерлуьи. «Кумеки сохдегоргьо эн ме вохурде омори э жигегир министре хозяйствой дигьбони ве мэхьсуьлет Республике Догъисту Зураб Гусейнович Кучаев, ве иму э пушо нореи гьемме е гъэдер вэгlэдо гъэрорноме э товун гьисдигьо четинигьо»,- диеш гуфдири депутат.
Вожиблуье бедел желдлуьи Гасанове бисдо ве гъэйгъукеши э товун кифлет Омарове. Эну кумеки сохдегоргьо – Ольга Портнягина ве Наби Юсупов – сер кешири кифлете хьозуьр сохди бэхшгьо эри невегьо Ахмеда Омарова э пушой сергуьрдеи хундение сал – школеи ранцигьо э канцелярскигьо герекие чигьо ве шириние хурекгьо. «Вожиблуье везифе иму – гъэйгъукеши э товун кифлетгьой бэхшвегиргьо жирелуье довгlои операцие. Чуьнки, кейки гьемме келете мердгьо эн и кифлет поисди э гъэлхэнди вилеет эн иму – иму гьемме гъэрхундлуьи кумеки сохде э Омаров Ахмед Омарович, э духдер эну ве эну омборе гъэдерие невегьо»,- риз кешири Джамалдин Гасанов.
Ижире овхьолевоз, торих кифлет Омаровигьо бирени меселен кумекии ве еклуьи жэгlмет э четине вэхдгьо, риз кеширеи вегири кумекии э угьо, ки поисди э гъэлхэнди ватан ве угьо куьндлуьигьо
