Э Догъисту зиёд сохде желдлуье параменди коргьой соводире, э у гъэдер вокурдеи тозе ве гъуьчсохи гьисдигьо соводие идорегьоре. Э товун веровундеи миллетлуье проектгьо «Соводи» ве «Хэлгъемогьлугъ», э войгей Серворевоз Уруссиете Владимире Путиневоз, э республике вокурде оморе тозе соводие идорегьо.
Э и сал э Руз данани э Догъисту бири межлуьслуье вокурдеи 21 соводие объектгьо: 20 школегьо э 7122 жиге ве богъчей гlэили.
Вокурдеи гирошди э жирей марафоне эки Руз данани э бэхшвегири Сернуьше Хьуькуьме Догъисту Абдулмуслиме Абдулмуслимове, вице-премьергьо, рэхьбергьо корсохгьо веровундение хьуькуьм республике ве депутатгьо Хэлгъие Гуьрдлеме РД. Марафоне бирмунде э дузе эфир э телеканал «РГВК Догъисту» ве телеграмм-канале Хьуькуьм РД.
Сервор Догъисту Сергей Меликов бирмунде: «20 тозе школегьо ве богьчей гlэили эри омборте 7 гьозор жовоние догъистунигьо! Хьисоб сохде гье у верзуьшлуье сер гуьрдеи хундение сале!»
Гьэгъэтиш, нуботноме шегьергьо ве районгьо, эже э суьфдеи хундение руз вокурде дергьоре эри гlэилгьо тозе соводие идорегьо, лап омбори.
Догъисту зиёд сохде суьфде биреи э вокурдеи тозе соводие объектгьо. Вожиблуьи нисе гъэдер эн угьоре, гереки хубе коргьо. Тозе школегьо пур сохде те эхир гъуллуъсохие е гъэдер мескенгьо, хубе ве товушлуье классгьо, келе хьэвуьзгьоревоз, келе актови дуьруьжде утогъгьоревоз ве хубе хурекхонегьоревоз.
Сернуьш Хьуькуьм РД Абдулмуслим Абдулмуслимов эрзо нуьвуьсде, чуьки э республике зиёд сохде вокурдеи гене 17 школегьо. Э гирошденигьо сал вокурде 9 тозе гlэилие богьчегьо э 1180 жиге. Эз 17 вокурдение школегьо 7 везифе норе вокурде э нуботлуье сал.
Э гъэд марафон вокурдеи соводие идорегьо Сернуьш Хьуькуьм Догъисту Абдулмуслим Абдулмуслимов ихдилот сохди э товун бинелуье дегиши э соводие коргьо республике э песой песини е ченд сал.
Вокурдеи тозе школегьо. Э суьфдеи хундение руз э веди видеоконференцсвязи вокурде омори 20 тозе школегьо ве 1 гlэилие богьче. Гье у гьишде гъэрор норе четини седегишие хундеи э школегьо, комики э 2021-2022-муьн хундение сал е гъэдер 33 школегьо э хьофдгьозорие хундегоргьоревоз.
Омборте ек гьозор школегьо гирошди э пенжрузине хундение орине, гьишде вэхд эри бурунедерсе корисохи ве дорун дарафдение хундеи дерсгьоре. Гье у корисохи бирмунде барасигьо эн хуьшдере, чуьки веди бирени эз барасигьо хьуькуьмлуье арте фегьмсохи:
. зевер биреи миглее балле ЕГЭ э гьемме дерсгьо
. кемсохи тербиевегуьрдегоргьо, комики нисе дануьсде гирошде фегьмсохире
. зиёдсохи гъэдере 100-баллее экзаменационни коргьо э 63%
. омборте 700 коргьо вечире 90 баллгьо ве зеверте
Зофру сохде гъэдере хэребеие школегьоре.
Э се бо зофру бири гъэдер хэребеие школегьо, комики имбуруз гуьнжуьнде эки 7% эз гьемме гъэдер. Артлуье гъэрорноме четинигьо э хэребеие школегьоревоз э куьндлуье салгьо гьисди еклуье эз бинелуье вожиблуьи хьуькуьм республике.
Дуьруьжде гъуьчсохи школегьоре. Дуьруьжде гъуьч сохдеи, пур сохдеи те эхир тозе гьеймогьоине оборудовании ве дуьрлуьггьо омборте 370 школегьо. Эз 2025-муьн сал программе дуьруьжде гъуьчсохи мибу гьемчуьн э богьчей гlэили ве колледжгьо.
Герме хурекхури эри хундегоргьо. Гьемме хундегоргьо чуькле классгьо, гье у омборте дивисд гьозор одоми, доре герме хурекхури е гиле э руз ю. Зевер биреи хуби школеи хурекхури гьисди еклуьи эз бинелуье рэхь э коргьо хьуькуьм республике.
Параменди эзуш бэгъэй соводигьо. Веди бире минкини веровунде программе эзуш бэгъэй соводи э симовзени ве гlовие жирегьой спорте эри хундегоргьой школе. Омбор зиёд фирегьсохи игърол эри хундеи физически культуре: футбольни, волейбольни ве баскетбольни зимигьо, мейдунгьо эри возиреи.
Вокурдеи тозе соводие объектгьо гьисди вожиблуье пойнореи э параменди коргьой соводи Догъисту. Угьо доре хубе игърол эри хундеи ве несигlэтдори вероморе эрхэре. Э песини се сал э Догъисту вокурде омори 143 соводие идорегьо, э у гъэдер 19 школегьо ве 26 богьчей гlэили э 2023-муьн сал. Эзуш бэгъэй, дуьруьжде гъуьчсохи сохде 363 школегьо ве 61 богьчей гlэили.
Э гофгьой Серворе Республике Догъисту Сергее Меликове, ижире коргьо бирмунде бэхшгьоревоз э федеральни риз гъэдерлуьи. Республике дарафди э гъэд суьфдеи э гъэдер вокурде школегьо ве богьчей гlэили э вэхд эз 2019 те 2023-муьн салгьо.
Сергей Меликов хубе гофгьо гуфдиреи федеральни органгьо хьуькуьм э песой кумекии дореи, республикански ве муниципальни хьуькуьмгьо – э песой гуж зереие коргьо ве гъэйгъу эки гlэилгьо.
Жейлее хубе гофгьо гуфдиреи у фуьрсоре вокурдегоргьоре э песой дешендеи эн угьо э биевгьо республике.
Сервор Догъисту риз кешире вожиблуьи вокурдеи тозе соводие минкини эри гьемме гlэилгьой республике. У бирмунде, чуьки вокурдеи тозе ве гъуьчсохи гьисдигьо соводие идорегьо мибу зиёд сохде эри хубе игърол хундеи гьер жовоние догъистунигьо.
