Дуьшоббот, 26-муьн август, Сернуьш Хьуькуьм эн Республикей Догъисту А.Абдулмуслимов гировунди корлуье гуьрдлеме э кабинет министргьоревоз.
Суьфде гуфдире оморебу э товун плангьо эри орине. Вожиблуьи эзугьо – хьозуьр биреи эки Руз дананигьо ве вокурдеи тозе соводие объектгьоре.
Э план гуьре денишире оморени ки гировунде миев социальни-мэгlнолуье коргьо: келе межлуьслуье мероприятиегьо э Табасарански район, гуьзет сохде оморигьо э Сал кифлет, 29-муьн август сер гуьрде оморени Гьеммеуруссиетие фестиваль «Сес Евразие-2024», хьозуьр бире оморени эки вокурдеи тозе промышленни корхонере э Сулейман-Стальски район.
Пуьруьш сохде оморебу хьозуьрлуьгъи ЖКХ эки зимисду, кем сохдеи гъэрхундире ве зиед сохдеи диремореи гъэзенжгьоре э бюджет, параменд сохдеи буруние алварлуье ологъигьоре, социальни гъувот дореи жейлее жирегьой корсохгьой медицински идорегьоре, экологие, гъуьчсохи рэхьгьоре ве веровундеи бюджете.
Жигегиргьой премьер ихдилот сохдет э товун овхьолет э элетрорасундеиревоз, кор сохдеи э хокоруревоз, гъувот дореи кифлетгьой эн бэхшвегиргьой жирелуье гъовхолуье операциере ве э товун бюджет. А.Абдулмуслимов эз хьуькуьм гуфди, ки гереки бэхш вегуьрде э федеральни программегьо ве гьемчуьн гуфди э товун вожиблуьи финансови муьхькемлуьире ве зиед сохдеи гъэзенжгьоре.
Вице-премьер Р.Алиев э доклад хуьшде мэгlлуьм сохди э товун хьозуьрлуьгъи федеральни бюджете ве гьемчуьн э товун пулдореи мероприятиегьой республикере. А.Абдулмуслимов гъуллугъ дори дураз кешире хьозуьр сохдеи руйбиреигьоре эри бэхш вегуьрдеи э федеральни программегьо те 1-муьн октябрь.
Рэхьбер эн Комитет онгурчигьи Ш.Керимханов ихдилот сохди э товун вечиреи онгуре, пушобер комики Дербентски райони. Э Дербентски район гьер сал вечире оморени те 35% онгур эз жэгlмие онгур эн гьеммей республике. Пушокие фикир сохде оморени, ки имисал вечире миев 282,8 гьозор тон онгур. Премьере воисдени хуьшдени ю рафде э онгур вечире оморенигьо жигегьо.
Э эхир гуьрдлеме А.Абдулмуслимов мэгlлуьм сохди э товун бэхш дореи Т.Беляеве эри кор эну э жтгей министр жунсогьи дошдеи. Гьемчуьн эз Т.Беляеве согьбоши гуфди сервор эн Республикей Догъисту С.Меликов. Премьер-министр э ер овурди кор энуре э вэхд пандемие ве гъувот дореи бэхшвегиргьой жирелуье гьовхолуье операциере. Эз Т.Беляеве гьемчуьн согьбоши гуфдиребируьт гьемкоркигьой эну. Т.Беляеве уш согьбоши гуфдиребу эз рэхьбергьо ве эз гьемкоркигьо эри еклуье корисохи. Я.Глазове шинох сохде оморебу чуьн веровундегор гъэрхундигьой эн министр жунсогьи дошдеи. Премьер ихдилот сохди э товун синогъи эну ве эри эну хосди бараси э кор. Вэгlэдо э жигей веровундегор гъэрхундигьой министре – бирмунде минкингьой хуьшдере, бэгъдовой эну сервор республике гъобул мисоху эхире гъэрорноме
