4-муьн август шегьер Дербенд, комики мэг1луьмлуни э гъошире торих ве базургенде миросиревоз, бири шогьод эн вожиблуье гъозие э сферей соводи – вокурдеи суьфдеи сэхьиблуье школере «Happy Land». И проект лап вожиблуьни эри регион, комики хэрекети сохдени хубте сохде системей соводире ве деде-бебегьоре ве г1эилгьоре минкин дорени вихде э сферей соводие гъуллугъгьо.
«Школе «Happy Land» э гуьнжо овурде омори э везифей дореи буьлуьнде риз соводире. Иму тигъэт имуре фурсореним э параменд сохдеи неки г1илмие дананигьоре, оммо гьемчуьн божеренемэг1рифетгьой г1эилгьоре. Везифей «Happy Land» – э гуьнжо овурде хунденигьо гьоворе, кумеки сохденигьо э гуьнжо овурде мэг1рифетлуье фикирсохире, биг1эдотлуье ве социальни жугьобдорлуьире»- гуфди э гуьнжоовурдегор школе Суварова Камила Зауровне. Уре гьисди синогъи э кор венгесдеи соводие проектгьоре, биренки э гуьнжоовурдегор сэхьиблуье богъчей г1эилире.
Э школе, комики хьозуьри гъобул сохде 100 г1эилгьоре, кор мисоху жир-бе жире программегьо э комигьоки дешенде омори хунденигьо дерсгьо, шекуьлуье ве идмонлуье желдлуьи. Гьемчуьн жирелуье тигъэт доре оморени параменд сохдеи аглийски ве арабски зугьунгьоре, эзу товун ки дедегьо-бебегьо варасиренуьт вожиблуьи энугьоре эри биевгьой г1эилгьой хуьшде.
Э школе «Happy Land» дери гьеймогьине хунденигьо классгьо, жирелуье кабинетгьо ве жигегьо эри мэг1рифетлуье дерсгьо. Э школе э г1эилгьоревоз кор мисохут логопедгьо ве психологгьо, гьемчуьн э программе дешенде омори шахматгьо.
Соводие кор вокурде омори э биней гьеймогьине тегьергьо, комигьоки э хуьшде дешенденуьт жир-бе-жире интерактивни тегьергьой хундеи. Тербиедорегоргьой школе – и синогълуье сениг1эткоргьои. Везифей энугьо – хуте ссохде г1эилгьоре хосде дананире ве параменд сохде хуьшдере.
Вокурдеи «Happy Land» э гуьнжо овурдени тозе минкингьо неки эри хундегоргьо, оммо гьемчуьн эри гьеммей регион. Гьемчуьн э биевгьо э школе гировунде миев жир-бе-жире усдое-классгьо, семинаргьо ве базургенде мероприятиегьо, комигьоки г1эилгьоре ве дедегьо-бебегьоре минкин миду шинох бире э гъосуьтгьоревоз вожиблуь гьисдигьо гьонине вэг1эдо ве офде тозе мерэгъгьо.
Эзуш бэгъэй, сэхьиблуье школе мибу жигей омореи эри сенигйэткоргьо э сферей соводи, чуь э нубот хуьшде хуб кори мисоху э риз сениг1этлуьи эн тербиедорегьо э Дербенд.
Вокурдеи суьфдеи сэхьиблуье школере «Happy Landбенд – и лап вожиблуье пойнореини эки гьеймоьине соводи, комики бирмундени хэрекети шегьере параменд бире ве хуте бире эки тозе овхьолет. И хьэвес деде-бебегьоре дорени минкин вихде хубтеире эри г1эилгьой хуьшде ве э гуьнжо овурдени овхьолет эри гьемметарафлуье параменд биреи г1эилгьо. «Happy Land» – и неки школеи, у гьемчуьн жигеи эри зевер биреи, хундеи ве мэг1рифет, комики, егъин, кумеки мисоху хубте сохде соводире э Дербенд.
