Э Догъисту э буйругъ Сервор республике Сергей Меликов гирошди рузгьой эн ёс. Терслуье гъозие гирошди э республике э гирошдигьо екшобот, гьишди лугъонде ера э дуьлгьо догъистунигьо. Э и рузгьой эн ёс фушенде омори хьуькуьмлуье бейдогъ, дебе сохде дуьлхошие коргьо.

Э куьнди эн 18 сэгIэт 23-муьн июнь мэгIлуьмсуьзе э сиегь парталгьорево эз гьерло ерэгъ шенде нимазе ве килисере э Дербенд, э Махачкале бири гьовкендеи э килисе, нимаз ве жиге ДПС. Э кент Сергокала эз гьерло ерэгъ шенде э мошин човучеровоз. Телеф бири гьемчуьн чор зигьисдегоргьо. Гъэчэгъгьо куьшде гъуллугъчи дин-догIот хочперези килисе 66-муьн сале э Дербенд ве гъэреул сохдегоре э килисе Махачкале. Эки 23-муьн сэгIэт бегьем сохде желдлуье кор ихдиёрсуьзе-бедкорлуье операции. Гъэчэгъгьо куьшде омори.

Э гъэд гьовкендегоргьо човучгьо шинохди гъовумлуье сервор Сергокалински улке Магомед Омаров. Угьоре поюндеки э бараси телеф бире 15 човучгьо. Човучгьо хьэрекети веноре поюнде гъэчэгъгьоре ве гъэлхэнди поисде одомигьоре э гъимет зиндегуни эн хуьшде.

МВД дори нуботноме телеф бирегоргьоре човучгьоре. Телеф бири игидлуье келеи човуч ОВО УФСНГ РФ э РД.Рамазан Атциев, рэхьбер ОМВД Уруссиет э шегьер Догъистуние ГIэтош подполковник Мавлудин Хидирнабиев, човуч ППСП УМВД Уруссиет э шегьер Махачкале Султан Джаруллаев, инспектор ДПС ГИБДД МВД э РД Магомед Магомедов, капитан човучи э шегьер Дербенд Сейфелмелук Гаджиалиев, жигегир рэхьбер десде ОБ ППСП ОМВД Уруссиет э шегьер Дербенд келеи лейтенант човучи Эйнар Исмаилов, чуьклеи лейтенант ОД ОМВД Уруссиет э шегьер Дербенд Тамерлан Гасанбеков, корсох ДПС ГИБДД МВД Магомедрасул Мамаев, корсох ДПС ГИБДД МВД э РД човуч Хабиб Алиев, корсох ДПС ГИБДД МВД э РД Ахмед Казимагомедов, корсох ДПС ГИБДД МВД э РД Мугудин Бутаев, жигегир рэхьбер десде ППС УМВД Уруссиет э шегьер Махачкале келеи лейтенант човучгьо Тамирлан Ибрагимов, човуч СР ОБ ППСП ОМВД Уруссиет э шегьер Дербенд келеи сержант Марат Алиев, човучие-бердегор десде ППС УМВД Уруссиет э шегьер Махачкале Джалил Гебеков, сэнигIэткор ВОГ МВД РФ э РФ э РД (УМВД Уруссиет э Тюменски улке) човуч Виталий Мезенцев.

Э Дербенд ве Махачкале мэгIлуьмсуьзе одомигьо хьэрекети веноре чарундеи жэгIмиетие овхьолет. Э рэхь энугьо поисди догъистуние човучгьо.

Гьемме гъуллугъ сохигьо кор сохде э буйругъи. МэгIлуьмети доре «Зафт сохде». Э гьунжо овурди оперативни штабе, гьемме герекие гъэрорноме бири гъобул сохде бежид э мерэгъ секонеисуьзи зигьисдегоргьо республике.

ТеретэгIдие видов-видови ве терсгье у дуьшменгьо имид э суьфдеи нубот. Гье у угьо эз догъистунигьо не дениширени! Огол зери гьеммере дошде динжи»,- нуьвуьсде сервор республике, бэгъдовой терслуье гъозие.

Себэхьмунде 24-муьн июнь э Дербенд Сергей Меликов сер кешире нимазе ве килисере, комики гьовкенди гъэчэгъгьо.

Бежид жугьоб доре э гъозие Сернуьш Гуьрдлемей Хэлгъи РД Заур Аскендеров, Сернуьш Хьуькуьм Абдулмуслим Абдулмуслимов, муфтий Догъисту Ахмад-Афанди Абдулаев ве еккейгегьо одомигьо.

«Гье у хубе везифе норе кори, э песой комики поисди эз серхьэд эулое гъувот, комики хьэрекети веноре э гуьнжо овурде чарундеи э гъэд вилеет эн иму. Догъистуние хэлгъ, кукгьо комики бирмунде игиди, гъовхо берде э песой азади эн иму э СВО, гьисди гъувотлуье ихдиёри э ижире коргьо.

Депутатгьо Хэлгъие Гурдлеме гьемме дивун бурра нэгъифеи. Эз нум депутатгьо ве эз хуьшде овурде хьэйфбери гьовумгьо ве куьндигьо телеф бирегоргьоре. Гьемме гъэчэгъгьо мибу офде ве миберу вихьтеи»,- нуьвуьсди корсох республикански хьуькуьм.

«Гье у терслуье коргьо э Дербенд ве Махачкале – хьэрекети буш сохде жэгIмиете э е гъэдер мескен омборемиллетлуье Догъисту. Гъэчегъгьо хьэрекети веноре женг сохде э гIэрей одомигьо жире-бе-жирее дин, оммо угьо вегурде эз гъувотие гъуллугъи эн иму. Гьемме хьуькуьмлуье корсохгьо эн Догъисту э гъуллугъи Сервор республике Сергее Алимовиче Меликове кучмиш сохде, рэхьбергьо гьер министерстве ве идорегьо дори буйругъи.

Одомисуьзе, коргьо огол зере зулуми ве гъэгьрегуни догъистунигьоре, угьо миберу жозе кешире. Иму нидим хуьшдере терс доре!»- гьечи гуфдири Абдулмуслимов ве гуфдири хьэйфбери э гьовумгьо ве куьндигьо телеф бирегоргьо.

Гъэчэгъгьоре воисде сухунде гIэреймиллетлуье гъэножогъи. Иму дошде дин шолумире гьеммише ве нибу эри чуь мисирму гьовкенде э нушудорегоргьо еккейгьо дингьо.

Имам шейх Шамиль вокурди килисе эри уруссиетие лешгерчигьо, оммо килисе ве нимазе у не сухунди.

Вилеет эн иму гьисди э гьово СВО, ве гьер ижире кор – гье у войге дуьшменгьо эн иму сохде довгIо. Иму дошде шолуми э Уруссиет, э Кавказ э гьемме минкиниревоз.

Хьуьрметлуье догъистунигьо, бироргьо ве хэгьергьо! Дошде динжи»,- нуьвуьсде муфтий эн Догъисту.

Омбор омори телеграммгьо э хьэйфбери хэлгъгьо Догъисту эз рэхьбергьо вилеет, Сервор вилеет Владимире Путине, Сернуьш Несиете Федираци Валентине Матвиенке, Сернуьш Хьуькуьмлуье Думе Вечеславе Володине, депутатгьо, федеральни министргьо, гьемме корсохгьо. Догъистунигьо боворини, чуьки иму гьисдим бедел келе вилеет ве нисе мунде ек э беди эн хуьшдеровоз.

Руз 23-муьн июнь гуьзет сохде терслуье гъозие ве э еккейгегьо жиге вилеет. Руз телеф бири э Севастополе, гене 5 гIэилгьо гьисди э реанимаци гуфдири сервор шегьер Михаил Развожаев.

«ГьейсэгIэт 124 ералуье, эз угьо сесе телеф бире гIэилгьо ве дуь телеф бире келете»,- гуфдири Развожаев.

Сервор Несиет Хьуькуьмдуме э гIэрейхэлгъие коргьо, рэхьбер ЛДПР Леонид Слуцкий гуфдири боворини, чуьки терактгьо э Севастополе ве Догъисту сохди, эри чуь эз еки жейле сохде уруссиетие хэлгъе.

Гье у вэхд э догъистуние гьозие э абхазско-уруссиетие серхьэд бири гунилешени, гьисди телеф бирегоргьо, гуфдире министр доруние коргьо республике Роберт Киут.

Имуре гьеммеекире гереки дошде динжи ве ихьдибори сохде энжэгъ фегьм сохде хэбере.

Сервор Догъисту Сергей Меликов гировунди гуьрдлеме оперативни бине, комики э гуьнжо овурде э терслуье гьозиерево 23-муьн июнь. Бэгъдовой гуьрдлеме у жугьоб дори э пуьрсуьшгьо журналистгьо СМИ.

Э сер гуьрдеи рэхьбер республике гене гуфдири хьэйфбери э гьовумгьо телеф биригьо. У мэгIлуьм сохде, чуьнки коргьо операции сохде бегьем. Гировунде силиссохи дивуние коргьо. Гъэчэгъгьо бири одомигьо эз Сергокалински улке. Гъэдер телеф бирегор бири 20 одоми. Э гъэд пуч бирегор дуь урусгьи, еккейгегьо мисирму. Эз угьо омборте човучгьо.

Жейле Сервор РД ихдилот сохде э товун телеф биреи протоиерее Николае. Гье у бири хьохомлуье. У те песини нефескеши гъэлхэнд поисде эри оморегоргьо ве телеф бири э кор.

— МэгIлуьм бири ки поисди э песой эн теракте?

Гье у гьисди коргьо эн дуьшменгьо эн иму. Э Догъисту 14 миллет зигьисде э дусди ве разименди.