Еки эз гъувот дореи хубе параменди экономике республике гьисди зевер биреи хэржисохи энергоовгъотгьо. Э песой суьфдеи вэхд 2024-муьн сал Догъисту зиёд сохде хэржисохи тебиетие газе э 7%. «Зеверсохи пуьрсиреи бесде э сохде коргьо программе газе гировундеи ве те газе гировундеи»,- андуьрмиш сохде э компани «Газпром гIэрейрегионгаз Махачкале», ёгьинире дануьсдеи, чуьки гье у бесде э дешендеи тозе коммерчески объектгьо.
Э товун, чуьки программе те газе гировундеи мибу зиёд сохде ве гирошденигьо сал, гуфдире э гуьрдлеме федеральни штабе э газе гировундеи. «Э мигле марта уже дори омборте 1,6 млн эрзо нуьвуьсдеи э газе гировундеи, бесде игърол 1,19 млн игърол, дешенде эки газ омборте 534 гьозор сэхьибхуне. Минкини эри дешендеи эки газ гьисди 1,2 млн хуне, те эхир сал биё бу бире 1,5 млн сэхьибхуне»,- гIуьзет сохде вице-премьер РФ Александр Новак, вокурде гуьрдлеме штабе.
Чуьки э гъэножогьи Догъисту, э имбурузине руз зигьисдегоргьо регионе доре зеверте 9600 эрзо э бэхшвегири э программе. Минкини дешенде эки газови тургьо гьисди 5400 эрзо, гье у миникини вегуьрде-газе те серхьэд хории муьлк гировунде пулсуьз.
Кимигьо эз эрзодорегор дануьсде доре гъэдер хержи, комики сохде э востореи ве нореи газови оборудовании, гировунде газопроводе э гъэд хорие мульк. Овгъотгьо э гье у уже вегуьрди 573 зигьисдегоргьо Догъисту э у гъэдер ветерангьо гьовхолуье коргьо ве кифлетгьо угьоре; бэхшвегиргьо ве шуькесте Келе довгIой Ватани, биезен угьоре; корсохгьо эн доруни; омборегIэиле кифлетгьо ве косибе кифлетгьо э гIэилоревоз; э гIэилгьорево; шуькестгьо 1 ве 2 десде ве кифлетгьо э гIэилгьо-шуькестгьо; кор нисе сохдение пенсионергьо келете 70-муьн сал.
Гъобули эрзо э бэхшвегири э программе зиёд сохде э 39 корсохдение газови гъуллугъгьо, 43 муьлкгьо МФЦ, э серкоригьо шегьергьо ве районгьо республике ве э сайте Еклуье операторе газе гировундеи.
Вице-премьер гъэдэгъэ зере э корсохгьо «Газпроме» желди кор сохде э эрзо одомигьо эри тегазегировундеи, бирмундеи тигъэте э герекии дошдеи вэгIэдо дешендеи э сетевой газ, риз кешире социальни герекии гье у прграмме.
Чуьки э товун экономически коргьо отрасли э виниреи тозе, сохдеи эну, коммерчески бине, э Догъисту веди бире желди ве дегиши. Э веровундеи плангьоре эсер гуьрдноме газови тургьо. Э Догъисту э 2024-муьн сал везифе норе гировунде гуьрдноме эки 3 гьозор км. газови тургьо. Гьемме э хэбер Сернуьш Хьуькуьм Догъисту Абдулмуслима Абдулмуслимова, гуьрдноме везифе норе эхир гьеммере 308 объектгьо газедореи.
«Вокурдеи гзобэхшсохдеи тургьо омборе салгьо иму сохде э хьисоб республикански бюджет. Не денишире э кеме минкини, гешде ве гьер сал дешенде э РИП те 500 млн монет, э и войге», гуфдире Абдулмуслимов, э песини 3 сал э хьисоб овгъотгьо республикански бюджете бегьем сохде вокурдеи 30 объектгьо газе гировундеи дурази 360 км э гъимет 1,5 млрд монет.
Эз гофгьо Сернуьш Хьуькуьм Догъисту, э эхир 2023-муьн сал вогогьруши бири мэгIлуьмети доре аукцион э фурухдеи 282 объектгьо газебэхшсохдеи мэгIлуьм не сохде гъимете, э 2024-муьн сал гье у кор биё гирошде э еккейге риз гъэдерлуьи.
Бараси эри экономике догъие ве пушой догъие районгьо эз газе гировундеи гурунди гъимете дегиш сохде. Ужуьзлуье сухундение молгьо – гье у энжэгъ нисе герми э хуней догъистенигьо, оммо ве миникини параменди коргьо АПК, зиёд кор сохдеи хоригъуллугъсохие молгьо. Барасигьо гъэзенжлуье гермие сэхьиблугъи э мейдузие гъэдер ве Догъисту имогъой мидану хьэвес ве предпринимателбгьоре догъие районгьо дошде ведировунде хьэвуьжгьо ве емишгьо э вэхд гьемме луьвэхье сал.
