Сернуьш Хьуькуьм Догъисту Абдулмуслим Абдулмуслимов 12 январь гъобул сохди бэхшвегири э межлуьслуье бирмундеи, гIуьзетсохие мигIидлуье Руз уруссиетие дофусзеренигьо, гирошдигьо э бине Миллетлуье библиотик э нум Р.Гамзатов э Махачкеле.
Э пушой сергуьрдеи бирмундеи э вокурдеи библиотик бири мигIидлуье гьовой хори: возире гьовой музыкеи, кор сохде бирмундеи книг, геймишие гъуногъгьо гуьрде оморе жиге э дуьруьжде утогь библиотик. Бэгъдовой фегьмсохи бирмундеи ве межлуьс вокурдеи книги тукуне Дофусхоне «Догъисту» А.Абдулмуслимов вохурде э нушудорегоргьо медиаиндустрии.
Э бирмундеи эн хуьшде премьер-министр эз нум Сервор Республики Догъисту Сергей Меликов эз хуьшде омборокбу сохде корсохгьой дофузи Догъистуре э сенигIэткорлуье мигIидегьо.
«Руз Уруссиети дофусзеренигьо у мигIид гьисди эн корсохгьо дофусхоне ве хундегоргьо эн гозит. МигIид гуьрд сохде ки э гуьнжуьнде коргьо сохде еки хэбер дореи. Имбуруз хэбер дореи шинох сохде республикански ве улкее гозитгьо, телевидение, гофсохдеи радио, дофусхонегьо, интернет-СМИ у гIошире ве жуьр бе жуьрелуье вихдеигьо, ве гьемме овгьотгьо жэгIмиетгьерие хэбер дореи офде эн хуьшде хундегоргьо, томошесохдегоргьо, гуш дошдегоргьо. Э Догъисту корисохдеи зеверте 245-муьн дофуссохденигьо ве электрони СМИ, дофус зереи 140-муьн гозит э 13 миллетлуье зугьун.
Э песини вэхд зевер бире мэгIлуьмлуьи социальни сетьгьо, ве синогьсуьзе э кор венгесдегор бирени гъувотсуьзе, дуь э еки офдоре э журе-бе-жуьрелуье хэбергьо, имидсуьзе, дургуни гуфдире, дарафде э бидузе фикири. Э и гъоз жирелуье гъэдур вегуьрде имидие чешме расдие хэбер, бимихьтожи эз идоре угьоре корисохи. ГIуьзет сохде, чуьки имбуруз овгъотгьо жегIмитегьерие хэбер Республике Догъисту, не денишире э гьемме гурундигьо, данусде дошде ведировунде сенигIэткори ве ихьдибори хундегоргьо»,- гуфдири э шолуми гуфдиреи Абдулмуслим Абдулмуслимов.
У бэхшгъэ согъбоши гуфдире журналистгьоре э товун гуфдире гъосуьт СВО ве руз хьэсуьл омореи шогьир Расула Гамзатова. Э гуфдире Сернуьш Хьуькуьм РД, э гирошдие сал лап бугьолуье бири бэхшвегири СМИ э ихдилот сохдеи омборе нушудореи, комики, бири э мигIиде 100-муьн сале эз руз хьэсуьл омореи хэлгъие шогьир Догъисту Расул Гамзатов.
«ГьейсэгIэт вилеет хинжолети бегьеми гурунде торихие гъозие, э пушой журналистгьо, одомигьо, комики сенигIэткор сохдени э хэбергьо, везифе дегиш сохде. Гье у ве э гъэршуй кори сохдеи фейко, ве ихдилетгьо э товун чуьтам зиндегуни кифлетгьо лешгергьо, чуьтам гъуллугъ сохде гъемватанигьо эн иму. Гье у омборе жугьобдорлуье кори хэтолуье эри зиндегуни.
Гереки гуфдире э товун ки бири э СВО – Умай Ибрагимов, Гусейн Гусейнов, Фарид Муслимов, Гянджеви Гаджибалаев, Низами Гаджибалаев, Фериде Алипулатова, Камила Гамзатова, Мурад Магомедов ве еккейгегьо. ГьейсэгIэт журналистгьо телеканал НТВ Омар Магомедов ве Рабадан Багомедов гьисдие тозе жиге. Согъбоши ишмуре э мердьети ве бофо эн сенигIэткори»,- гуфдире Абдулмуслимов.
Абдулмуслим Абдулмуслимов э бирмундеи согъбоши э гьемме СМИ Догъисту э гировундеи коре.
Эз руй журналистгьо омборекбу сохде Сернуьш эн Комитет Гуьрдлемей Хэлгъи Республике Догъисту э миллетлуье политике, пуьрсуьшгьо жэгIмиет ве месеблуье гьеммейекие ве гIэрейпарламенти бесдеи Фирудин Раджабов. У жирелуье гIуьзет сохде овгъотгьо жегIмитегьерие хэбер ве дошдеи гъовумлуье зугьунгьо.
Рэхьбер Агенстве хэбер ве муьгьуьре РД Абдуразак Джамалутдинов омборекбу сохде журналисторе э оморе расире вэхд Руз Уруссиетие дофуссохденигьо.
Песде бири межлуьс доре э гIуьзете овхьолет хьуькуьмлуье бэхшгьо. Абдулмуслим Абдулмуслимов доре э гIуьзете овхьолет ГIуьзетлуье когьоз ве Согьбоши гуфдире Хьуькуьм эн регионгьо 43-м нушудорегоргьо медиаиндустрии. Э гъэд бэхшвегиргьо-корреспондентгьо, операторгьо, журналистгьо муьгьуьре дофусзереи, редакторгьо региональни ве федеральни СМИ.
Корсох ГТРК «Догъисту» Патимат Сулейманова эз нум гьемкорсохгьо согь боши гуфдире премьер министра улке эри бэхшгьо.
Корсох гозит «Сес эн степи» э ногайски зуьгун Эльмира Кожаева согъ боши гуфдире э А.Абдулмуслимов э хьуькуьмлуье бэхш.
У согъбоши гуфдире э рэхьбер Догъисту э гъэрорноме э товун тозе дегишигьо э отраслегьо, комики сер гуьрде э биреи Этномедиаголдинг ве гуьрд сохде э идоре миллетлуье гозит э еки идоре. Журналист огол зере жовонигьо эри кор сохде э миллетлуье дофусгьо.
