Суфдеи кни кник, дофусзереи э жуьгьури: тержуьмесохи «Сионизма» Иосифа Сапира (Матлаб сиюнихо», Вильна,1908-муьн сал) ве тефило «Кол тфилла» (Вильна, 1909-муьн сал; э иврите). Тержуьмесохи гье у книг Асаф Ютамович Пинхасов. Сфдеи гозит жуьгьургьо догьи «Себэхьлуье астара», («Товуш Сабахи «Айелет hа-шахар» а ведироморе 28 октября 1919-муьн сал (4 Хешвана 5680-муьн сал) ве э декабре 1919-муьн сал (кислев 5680-муьн сал) э Баку сер гуьрде дофусзере дуьимун гозит «Эхо догьи»
Э1919-муьн сал э Баку, ведироморе гозит э жуьгьури «Тобуши сабохи» идоре Кавказского улке сионистского идоре. Э 1927-муьн сал бинелуе мескен жуьгьури гирошде э Догьисту, эже эз 1928-муьн сал дофусзереи гозит «ватан» э зугьун жуьгьургьо догьи зиедте ю хуьшдени нуьвустегор у сало нувусде э жуьгьури,э десгуьрде жирей гофсохдеи эн Дербенда.
Э эхир сталинской девронгьо жуьгьури эз дерд-дулести гирошде пишсохи э 1953-муьн сал бисдо дофус зере книгэ жуьгьури догьи, э комики э1956-муьн сал зиед сохде книг «Ватан Советиму» 80 велк. Жуугьуро догьи Азербайджана, нуьшбиреи азербайджанский хьэрфноме эбине кириллицы э кор венгесде эри нуьвуьсдеи зиед сохде дуь хьрф э гьевелине хьэрфноме, комики вегуьрде лэгьэм «партизански», э 1975-муьн сал тозеден сохде гозит «Захметкеш», сер гуьрде гофсохдеи радио э жуьгьури. Э 1991-муьн сал ведиреморе Татско-Уруси иллюстрированный гофноме эри гIэилгьо И.И Ифраимова э 1995-муьн сал – «Гофноме татски згуьун э бигIигьо эри тербиевегуьрдегоргьо серсуфдеи школе» Э.Б. Изгияевой, э у сал – «Орфографический гофноме татски зуьгун» Б.Г.Гаврилова ве Э.Б. Изгияевой. Э 1997-муьн сал ведиреморе «Татско- Уруси гофноме» Я.М. Агарунова ве М.Я. Агарунова, э бине комики бири губински жирей гофсохде. Э 2006-муьн сал ведиреморе э зугьун жирей гофсохдеи дербендие «Уруси-татский (жуьгьури-догьи) гофроме М.Б.Дадашева. Э 2009-муьн сал Ф.Б.Юсуфова бири дофус зереи дуь гофноме «Золотые россыпи» Андуьрмиш гофноме зуьгьун жуьгьури догьи (Гофнумэй вихте оморе эз йор вадарафди по гофной упури) ве гофноме-зугьун джуури догьи сесгьо э еки гуьнжуьсдеи э зугьун иврит. Э 2010-муьн сал М.Я. Агарунов дофус зере э Баку «Келе гофноме зугьун джуури: Джуури-уруси гофноме. Уруси-джуури гофноме» Э 2016-муьн сал ведиреморе Джуури гофноме уруси, ю хуьшдени нуьвуьсдегор комики Мардахай Нафталиев, тербиедорогор эз Красной слободы, э 2018-муьн сал ведиреморе тозе книг джуури. Кор эн хуьшдере э дошдеи зугьуне деберде э гуьнжо овурдегор ве бэхшвегир чата «Зугьун Дедеи», жовони гьеймогьоине онлайн – проекта, Э гьосуьт хундеи данусдеи ве дошдеи зугьун жугьуьри догьи иму гуфдире нехэбереки нисе. 15-муьн сал веровундеи чор сал мэгIлуммлуьи чату «Зугьун Дедеи».
Чор сал пушо эри дошдеи зугьун хэлгь эн хуьшдере, жуьгьур догьи нуьвуьсдегоргьо эз Исроил, художница Фрида Юсуфова, э еки э художником Чинаром Ханукаевым, э гуьнжо овурде онлайн проект э мессенджере, гIуьзетсохи хундеи дануьсдеи зугьун жуьгьурой догьи «Зугьун Дедеи». И салгьо э омборе софо (гьовуьмлуье зугьун) хундеи данусдеи ве дошдеи гьовум луье зугьун хундеи эки сад одоми. Бэхшвегиргьо эн чад – одомией, комики хосдени кор эн хуьшдере ве хьэрекети веноре хундеи данусдеи ве дошдеи зугьун келетегьо эн хушдере. Имбуруз э гурунде вэхд эри Исроил ве эри гьемме хэлгь жуьгьури, дерс ебош нисе поюндеи, гировунде дере э руз екшоббот. Э сер эз гьерло ерэгь шенде тербиедорегор гировунде дерсгьо э мимадах.
Уре гуфдире бэхшвегир чат – тербиедорегор гIэили, нуьвуьсдегор эз Исроил Хума Абрамова-Нахшунова, э и межлуьелуье руз омборекбу сохде гьемкорсохгьоре э онлайн-группе: «Дерсгьо э чат гировунде оморени гьер екшоббот, угьоре гировунде тербиедорегоргьо э иму, Фрида Юсуфова ве Роза Мордехаева, шогьир, тержуьмесох, нуьвуьсдегор Исроил».
Э и сал веди бире омборе тозе бэхшвегиргьо, иму ведешенде тозе книг. Э гунжо овурде клипы, мультфильмы, дестонгьо, притчи, ихдилотгьо э зугьун жуьгьури. Э гунжо овурде э зугьун иму сэхьиблууье книг. Серворгьо ве бэхшвегиргьо эн кор гировунде келе кор э соводи ве дошдеи джуури»,- гуфдире у. Ими сал Хума Абрамова бирмунде чоримуьн фильм э сохде кор э чат «Зугьун Дедеи». Ими сал хозуьр бире э чорсали концерт. Э мигIид сес сохдени мэгIни, достонгьо, клипы э зугьун жуьгьури Эз клип эн ме гIэмел миев дануьсде барасигьо чатовцев эн иму э гирошдигьо сал.
И пушогьо фонд СТМЭГИ гировунде гIэрейхэлгьие фестиваль, гIуьзетсохи эри дошде зугьун жуьгьури. Э гьеу бири бэхшвегир чатовцы эн иму. Э чат гьейсэгIэт дерсгьо хьозур сохдеи одомигьо эз России, США, Европы, Исроил. Э и чор сал чат «Зугьун Дедеи» гуьрд сохде э идоре гьемме бэхшвегиргьо.
