18 февраль сервор Догъисту Сергей Меликов гъобул сохди бэхшвегири э пленарни сессии «Гофсохдеи э товун вожиби:гьосуьт данани». У гирошди э нушу доре-форуме «Уруссиет» э рамке тематическигьо руз «Данани». Рэхьбергьо гуьрдлеме бирмундеи бири вице–премьер Уруссиет Татьяна Голикова ве министр соводи дореи вилеет Сергей Меликов.

Гофсохдеи гирошди э товун бараси, рафде расире э гьосуьт данани э гирошдигьо е ченд сал, гьемиге э пушо норе везифе э биёвгьо вэхд. Хуб бирмундигьо кор хуьшдере э вокурдеи ве гьейвэхдине тозе вокурдеи соводуье объектгьо регионгьоре бири доре э гIуьзет овхьолет бэхш.

Догъисту бу нушу доре э дуь лой жире. Угьоре сервор регион эз жирелуье мэгIэнолуье бараси дори э гIуьзете овхьолет Татьяне Голикове, риз кеширеи, чуьки данани – гье у очор э биёвгьо вэхд. У согъбоши гуфдири э регион э сереботи сохде кор ве сеч сохди, чуьки бегьем сохде диеттеш зиёд бараси гIэмел миёв энжэгъ еклуьг бире э корисохи.

Чуьтам гIуьзет сохди Сергей Кравцов, и, чуь сохде бири э гирошдигьо се сал э кумекии президенте вилеете ёгъин дегиш сохди соводлуье тегьер – хубте бири инфраструктуре ве качество данани. Эри дузе параменди гIэилгьо зиёде тигъэти доре э тербие доре. Э гофгьо профильни федеральнигьо министре, эз 2019-муьн сал вокурде омори 1676 гIэилигьо богъче, 1552 гьейвэхдине школегьо, 4,5 гьозор школегьо бинеденлуьи гъуьч сохди. Гьемме регионгьо, риз кешири Сергей Кравцов, гировунде омори лап дуьруьжде кор. Оммо гьисди э гъэд эн угьо бердегоргьо, комигьоки деберди мэгIэнолуье кор э гъэд гьисдигьо бараси.

«Бэшгъэ мере воисде гуфдире э товун Догъисту – келе омборемиллетлуье республике. Не денишире э гьемме четини, регион бегьем сохди те эхир гьемме ёгъине гъэрхунди хьушде ве э вокурдеи гIэилигьо богъче, ве э вокурдеи школегьо. Гье у лап дуьруьжде кори! Ишмуре, Сергей Алимович, лап омборе гофгьо Худо разии»,- руйбиреи э сервор республике министр соводи дореи Уруссиет.

Имбуруз Догъисту – регион-бердегоргьо э товун гъэдер вокурде оморе ве бинеденлуьи гъуьчсохи школегьо ве гIэилигьо богъче э гъэд вэхдгирошдеи эз 2019-муьн те 2023-муьн салгьо. Э гье у вэгIэдо э республике вокурде бири 84 школегьо зиёдте эз 31 гьозор жиге хундегоргьо ве 84 гIэилигьо богъче экуьнди э 12,5 гьозор жиге. Э гъэд вэхдгирошдеи эз 2022-муьн-2023-муьн салгьо гировунди бинеденлуье гъуьчсохи 342 школегьо ве 61 гIэилигьо богъче.

Эзуш бэгъэй, Догъисту нушу доре дипломе э нум «Пушорафдеи 2023-муьн сали» э товун барасилуье веровундеи коре э четине овхьолет э рэхь эз гурунди гирошдеи. Э гирошдигьо сал э гъэд республике сергуьрди корисохи 37 школегьо э 15126 хундегоргьо жиге, 11 гIэилигьо богъче э 1100 жиге, вокурде оморигьо э рамке веровундеи федеральни ве республикигьо программ.

Сергей Меликов, нушу дореи э сессии, гьевел гьемиге гIуьзет сохди бараси тербиедорегоргьоре ве вомухундегоргьоре э гирошдигьо сал ве согъбоши гуфдири э угьо э товун дебердеи э гъэд лап вожиблуье кор.

«Э гьер салевоз Догъисту поисде жигере гуьрде гьемме зиёдте э хуьшде вогосунде сафарчигьоре, веди бире тозе мейдонгьо,- гуфдири рэхьбер субъекте.- Э и товун гуьре э Махачкале еки эз лап омбар сер кешире жиге эри сафарчи мундени дерьёгьче Ак-гель, ве тигъэти инжо э хуьшде вогосунде сенгъ ёровурди Урусси тербиедорегор.У лап вожиби эри Догъисту: ве э те довгIоинее вэхд, э 40-50-муьн салгьо лап дуьруьждлуье гъэдер тербиедорегоргьо бири эзжой оморегор э республике. Э у товун неки э шегьергьо, оммо ве э гъэд дурине догъи дигьбон. Тербиедоре эзжой оморигьо тербиедорегоргьо э республике бири омборе бараси неки э кор тербиедорени уруссии зугьун, оммо ве несигIэтдоре э омборемиллетлуье республике жэгIмиеуруссиети тойлуье ухшеши.

Иму фегьм сохденим, чуьтам тербие дореи ватанхогьи ишуьгъ доре э ижире асантсуьзе эри вилеет эн иму вэхд. Имбуруз омборе гъэдер эн иму э ишмуревоз гьемватанигьо поисди э гъэлхэнди вилеет э мержлугъ СВО. Ве у дивэгI жун ватанхогьи, жугьобдорлуьи ве сенигIэткори, э коминики угьо веровундени гъовхоине везифе, э зомин норе бири э гъэд школе ве гьелбетте э гъэд кифлетгьо,- гуфдири сервор Догъисту.

Э гъэд бэхшвегиргьо буллуье программе Руз данани бири нушудорегоргьо гьемме регионгьо Уруссиет, муьдибирегоргьо идоре минсоводи ве тематическигьо хьрмэхь кори.

Барасигьо хуьшдере э гъэд у гьосуьт нушу дор иве Догъисту. Республике нушу дори се жирелуье мейдонгьо.

Еки эз угьо,- «Хьэрфноме Шекуьл Республике Догъисту» — э гуьнжо овурди бинелуье мескен параменди мэгIрифетгьо «Альтаир», ДРОО «Тербиедорегор сал» ве махачкалегьи гимназии №35. Э гье у мейдон гьер воисдегор бири бэхшвегир мэгIрифет усдо-классе э декоративни-прикладни мэгIрифет, гьемиге возисохи сершуьлхьоние вози «Хьэрфноме Шекуьл Республике Догъисту».

Бешгъэ мейдон бири гIуьзетсохи проекте «Эн ме Догъисту. Улке э комики ме зигьисде». Инжо э гъуногъ руйбиреи сернуьш ГIилм-данани союзе «Гъовум гоф», еки эз Совети эки Президент РФ э уруссии зугьун, еки эз Хьуькуьмлуье комиссие э уруссии зугьун Константин Деревянко, хундегоргьо школе гировунди мэгIрифети усдо-класси.

Э вэхд ю герек гьисдигьо рэхь – сафари ве гьосуьт гъуллугъ – регион дорени жирелуье тигъэти. Э рамке кор тематическигьо мейдон гирошди нушудореи биёвгьо э кор венгесдеи данани ве сенигIэтгьо гье у отрасль. Гьемиге гъуногъгьоре бири доре интержелдлуье вози-квиз «Рэхьгьо вилеет догъи».