«Бердегор довгIо нигьисди полководци, гьисди ишколеи тербиедорегор». Гье у гофгьо Отто Фон Бисмарке вогогьруши сохди Сервор Догъисту Сергей Меликов э гуьрдлеме Совети эки Сервор РД э сер гIилми ве соводи. У гирошди э Каспийск э Республикански бинелуье мескен данани.
Чуьтам мэгIлуьм сохди пресс-гъуллугъ рэхьбере регионе, э гъэд гуьрдлеме гъобул сохди бэхшвегири министргьо, депутатгьо, тербиедорегоргьо, рэхьбергьо данание идоре, гIилмлуье корсох, сервор шегьери ве дигьбони рэхберигьо данани, деде-бебе школьникгьо, жэгIмиети корсох.
Э гъэд гуьрдлеме бири сохде эхирлуьи фикир Сал тербиедорегор гьем вомухундегор э Догъисту, фегьм сохди бинелуье рэхь овурдеи параменди системи данание, тапшуьрмишие везифе вомухундегор э тербие дореи ве сенигIэткорлуе хуьшдендануьсдение гIэилгьо ве жовонгьо.
Те сергуьрдеи гуьрдлеме Сервор республике фегьм сохди бирмундеи хьозуьр сохдигьо школьникгьо ве хундегоргьо колледжгьо эз шегьергьо ве дигьбонигьо Догъисту. Бири нушу доре барасигьо данани доренигьо идорегьо республике ве жовонлуье идорегьо, вердуши студентгьо э сер холинчебофдегор, робототехнике, шекуьлкеши э сер дор, заргерлуьи усдоети ве бешгъэ рэхь кори.
Сергей Меликов сергуьрди гуьрдлеме Совете э сереботи гIилм ве данани эз разилуьи хуьшдере нушу дореи тербиедорегоргьоре гьем вомухундегоргьоре э товун гъиметсуьзе кор э данани ве тербие дореи гIэилгьоре. Эз гофгьой эну деде-бебе ве тербиедорегоргьо – гье у дуь гъувотлуьи гъувот, тапшуьрмишие везифе коминикигьо э жирей корисохи жиге хуьшдере гуьрде гьер одомире минкинсуьзи гъимети дегиш сохде.
«Пуьрсуьш вомухундегор согъэтегьерлуье, инжо э тенге еклуьги биё корсохте тербиедорегор, хундегор, вомухундегор ве деде-бебе. Вожиблуье везифе гьейвэхдине данани – вомухунде эрхэ хуьшденкордание дилбоше ве герекие одомигьо жэгIмет»,- гуфдири С.Меликов. У гьемиге гIуьзет сохди, эри веровунде зеверте нушу дорегьо везифе минкинсуьзи би хубтее тербиедоре ве вомухундегьи школьнике. Э и товун гуьре, диеш гуфдири рэхьбер регион, гъэгъигъэт тербиедорегор гьисди вожиби мэгIдон хубтее дананидореи, параменди ве вомухундеи школьнике.
Эз гофгьой Сервор республике, вожиблуье суьфдеи кор мундени дануьсдеи расунде тен-бе-тение верасирение тегьер данани, гьемчуьнгеш ве те школеи, гуьнжолуьи хушхьоле игъролноме эри параменди мэгIрифетгьо, кумекии доре тербиедорегоргьоре, зевербиреи хубте сохдеи данани. С.Меликов гьемиге гIуьзет сохди, чуьки веровунде зеверте нушу дорегьо везифе минкинсуьзи би хубтее тербиедоре гьем вомухундегьи хундегоре.
«Бердегор довгIо нисди полководци, гьисди ишколеи тербиедорегор»- гье у гофгьо Отто фон Бисмарк Владимир Путин гуфдири дузини э вэхд дим-дуз гирошденигьо гуьрдлеме. Ме чуьтам гьисди лешгери одоми боворени доре э у гофгьо 100%. Одоми оморени гъэлхэнди сохде Ватане э дивэгI жун ватанхогьи гьем текебури. Гье у дешенде оморени э гъэд кифлет ве параменд бире тербиедорегор, э угьоревоз ишколеи тербиедорегоргьо, э товун комигьоки гуфдири президент. У буьлуьнде мэгIэнолуье э гуьнжо овурде э данани дивэгI жун варасиреи, хьуьрметлуьеи э ки ёргири гъэлхэндчигьо Ватане ве игидьети Игидгьо Ватане, гъонуне ве ихдиёриоводунеи, эн одоми жофои ве келете эрхэ, хьуьрметлуьи дуь э екирегьо, селигъэлуье гъэножогъи э ки культурни мироси ве дин-гIэдотигьо омборемиллетлуье хэлгъе Уруссиет Федерации»,- гуфдири Сервор республике.
Сергей Меликов риз кешири, чуьки имбуруз рэхьберисохи виллет э гуьнжо овурде гьемме игъролноме, эри чуьки гIэилгьо келе бу э гьовой герми, гъэйгъукеши ве хушхьоли, эри мозоллуье бире деде ве бебе. «Эз мозол гьер ёгъинлуье кифлет дечире оморе гуьлишолуьи хьуькуьм эн иму, чуь чендгъэдерие риз кешири Владимир Владимирович Путин»,- гIуьзет сохди у.
Э тозе книг торихи Уруссиет нушу дори игидьети суьфдеи игиде Уруссиет э сер СВО Нурмагомеде Гаджимагомедови. «Гьелбетте, гье у гъоимлуье текебури эри Догъисту. Имбуруз иму гуфдиреним э товун нуьгьи гьемватанигьо иму, комигьоки бисдо Игидгьой Уруссиет. Ижире бараси э ён еки регион нисди эз сергуьрдеи спецоперацие. Гьэгъигъэт угьо – лешгерчигьо, офицери, э войгей хуьшде гуьре, оголзере биригьо – дорени хубтее меселен гIэилгьо имуре,- гIуьзет сохди С.Меликов.
Э ёр овурденим, э гъэд гирошденигьо хундение сал келете хундегоргьо хунде дануьсдеи торих Уруссиет э тозе еклуье книг, э гъэд комики зиёд бири бедел э товун СВО.
Э гъэд гировундеи гуьрдлеме С.Меликов тигъэти дори серворгьо мунипалитетгьо э гереклуьи дануьсдеи расунде омборжире программ гIэили диеш зиёд сохи соводи.
«Гуфдиреки э товун вомухундеи жовонгьо эрхэ, иму биё э хьисоб дешенде вожиби э у плане диеш зиёд сохи соводи. У гуьнжуьсдени э гъэд хуьшде тапшуьрмишие везифе вомухундеи, данание, социализаци, кумекии доре ве параменди мэгIрифетлуье ве Худо доре хосиетлуье гIэилгьоре. Эри хьуькуьм вожиби гьер одоми, бешгъэлуье э жовони гIуьмуьрлугъи эну, себеб бире э хубтее данани, бараси чуьтам сэхьиблуьи, гьечуь ве жэгIмет мэгIэнолуье войге. Карасди э барасии гье у войге миё бу бегьем веровунде программе диеш зиёд соводи. Э и товун гуьре, гьелбетте гереки ежирелуьи хуби параменд сохде гIилме, мэгIрифет ве спорт»,- гуфдири Сергей Меликов.
ГIуьзет сохде, э апрель гирошдигьо сал э гъэд гуьрдлеме Совети фегьм сохде омори четини парамендии системе зиёд сохи соводи. Э гьисдигьо арт бири доре жерге гуъллугъ, гьемиге о товун э гуьнжо овурде игъролноме эри зиёдсохи те арт гIэилгьо диеш зиёд соводи.
Министр данани ве гIилми РД Яхья Бучаев гуфдири о товун четини э дануьсдеи расунде эри хундегоргьо книг ве ихдилот сохди э товун, чуьтам гье у пуьрсуьш гъэрор норе э федеральни ве республикански гъэдерлуьи.
Рэхьбер идоре ихдилот сохди э товун арти Сал тербиедорегор ве вомухундегор э Догъисту, мэгIлуьм сохди э товун бинелуье рэхь параменди системи данани республике.
