«27-муьн январь 1944-муьн сал – буьзуьрге руз ве сал эри гьеммейки зигьисдегоргьо вилеет иму. Гье и руз эри гьеммишелуьги дарафди э торих Ватан чуь Руз Ленинградски Бараси.
Бофде оморигьо эз миллион инсоние гъисметгьо рэхь э ки бараси бу дураз ве гурунд. Муьдиисуьзи зигьисдегоргьо ведабурра оморе шегьере, эн угьо гlэжелсуьзе игиди э гьемме вэгlэдогьо бисдо нишон вегирлуьи, серхьэдсуьзеветовусдеи ве муьгьбет эки Ватан. Мэгlэсилуье э гуьнжоовурдегор хилоси сохдеи Ленинграде эз дуьшмени чапар гуьрде маршал Совети Союз Леонид Александрович Говоров нуьвуьсди: «Э сер иму вери жугьобдорлуьи э песой Ленинград, ве иму нисе доре уре дуьшмене, чуьнки барасире бердени у, ки бовор сохде э бараси хуьшде».
Гlэжоиблуьи гъовхо э песой Ленинград гьисди гье у, чуьки у бу довгlо дорунисуьз. Э беезере цехгьо завудгьо ве фабрикгьо жигегьой рафде э довгlо мердгьоре дегиш сохди огьиле мердгьо, зенгьо ве гlэилгьо. Риз гlэтош гирошди гьемме те гьемме э е ченд километр эз завудгьо, комигьоки гьеле э е рузиш нисе поюнди кор хуьшдере. Э нисе бирение зулумлуье овхьолет гиснеи, хиники, гьеммишеине туп гlэжели зереи, ерэгъ шендеи шегьер зигьисди ве гъовхо берде. Кор сохди школегьо ве гlэили богъчегьо, китобхонегьо ве архивгьо, софхонегьо, медицини идорегьо ве театргьо. Дошде ведировунде омори музеи коллекциегьо, диеш кор не поюнде жофо кешири гlилмие корсохгьо. Гьовой гье у игидие ве дуьлдэгъэине рузгьо, тижсохе дивэгl жун гъэлхэндчигьо шегьере эз дорун гирошдени риз нуьвуьсдеигьо мэгlлуьмлуье шекуьлкеширеигьо ведешенде мол. Эз ведабурра иловлере Ленинград сес омори эз дорун гирошдение «Хьофдимуьн симфоние» Шостаковиче, дестонгьо Ольге Берггольц ве, гьелбетте, жирей сэгlэт чуь нишон нисе торик биреи зиндегунире.
Ки гирошди эз чапар гуьрдеи, эри гьеммишеи дошди эхуьшде ёргири, коминире минкинсуьзи нисд сохде. Эн гьеммейки у бешгъэи, оммо дегиш нисе бирени мунди дивэгlжун текебури эз ветовусдеини зигьисдегоргьой шегьере-игиде. Эри иму гофсохи дуь э екиревоз э зигьисдегоргьой э республике чапар гуьрдеи дебиригьо Сорокине Елене Ивановне, Бессалове Марине Владимировне, Гаджиеве Галине Ивановне, Сухомлинове Ирине Владимировне, Стукалюк Галине Михайловне, Шихсаидове Рэей Сергеевне э гьэгъигъэтлуь гъиметсуьзи.
Вожиблуьи дошде ёргири э товун чапар гуьрдеи Ленинграде эри биёвгьо эрхэгьо, эзу товун ки гье у гьисди неки нуьвуьсдеигьо деврон торих, оммо ёргири э товун, чуь берде инсонете дуьшмей миллетгьоиге, э товун гьэгъилуье гьиметлуьигьо ве ниет эки зиндегуни э лап гурунде овхьолетгьо.
Сар серзереи гьеммейкире, ки зуьнде мунди э бигlэдотие, терслуье рузгьой чапар гуьрдеи, ки жофо кешири э гlэтошлуье черх, ки гъэлхэнди поисди ведабурра оморе шегьере э ерэгъэвоз э десгьо ве барасире берди. Иму гьеммише мибошим ёрбиёр э товун миллион одомигьо, зиндегуни хуьшдере доригьо э хотур хилоси шегьере э Неве. Бигьил гьич вэхд небу вогогьруши гье у бигlэдотие, терслуье салгьо!» — гуфдире омори э руйбиреи рэхьбере республике».