Э 6 шегьергьо ве 19 районгьо Догъисту э кор венгесде сафарчие пуле вечиреи

Пуле вечиреи кумекии доре зевер сохде гъэзенж гьемшегьери бюджетгьоре

Э гуьрдлеме хьуькуьме, гlуьзетсохи э кор венгесдеи сафарчие пуле вечиреи э е гъэдер мескен республике эз 2025-муьн сал, э рэхьберисохи Абдулмуслиме Абдулмуслимове пуьруьш сохде, чуьтам пуле вечиреи кумекии доре хубте сохде сафарчие инфраструктурере ве зевер сохде хьуькуьмлуье пулгьо омореи э жиге бюджетгьо. Гьейсэгlэт сафарчие пуле вечиреи корисохдеи э е ченд шегьергьо ве районгьо, ижире чуьтам Махачкале, Дербенд ве Каспийск. Премьер риз кешире, чуьки пуле вечиреи гьисди жигее ве корсохгьо жигее хуьшден рэхьберисохи мидану гъэрор норе, дешенде уре енебуге нэгl. Вожиблуьи, эри чуь вечире овгъотгьо фуьрсоре оморе э хубте биреи шегьерие инфраструктуре, дешенде бохчегьоре, пейдегешдение жигегьо ве еккейгегьо объектгьо, комики мибу берекетлуье чуьтам эри сафарчигьо, гьечи ве эри гьемшегьери зигьисдегоргьо. Гьемчуьн бире фегьмсохи пуьрсуьшгьо э товун пуле вечиреи, пуллуье гъэзенжгьо ве ихдиёри эри кимигьо десдегьой одомигьо. Министерстве сафари ве жиге корсохьо хьуькуьм зиёд сохде коре эсер дешенде пуле дореире, гьемчуьн э кори сохдеи дуь э екиревоз э пуле дорение корсохгьоревоз эри фегьмсохи оморение пулгьоре.