23-муьн январь э Москов бегьмини Гьемме уруссиет кифлетлуьи форум «Гъовумлуье – Муьгьбетлуье», коминики гирошди эз 19-муьн январь э гъэд рамке гIэрейшегьерие бирмундеи-форума «Уруссиет» э гъирогъи руз форуме мибу доре межлуьслуье сергири Сал кифлет э Уруссиет, коминики гировундени э буйругъ Президенте Владимира Путина.

Эри зуьндегье гофсохи э екиревоз, дегиши синогъире, дин-гIэдотире, верзуьшире э гъэд шогьнишон оморе расири эз 250 кифлет зиёдте, нушудорегоргьо 89 регионгьо вилеет ве сенигIэткорлуье гъумолетгьо эз жуьр-бе-жуьрелуье корхоне. Э гуьрдлеме гьемчуьн бу нушудоре барасигьо корхоне ве компании, кумексохденигьо дошде ве параменд сохде кифлетгьоре, кифлетлуье дин-гIэдот ве верзуьши.

Гуьрд сохде гуьрдлеме Федеральни агенство э коргьой жовонгьо, Министерстви жофогьо ве социальни гъэлхэнди, Уруссиетлуье жэгIмет «Данани», «Жуьмуьсдеи суьфденигьо» ве бешгъэ структургьо.

«Бэхшвегиргьо специальни програмгьо гуьрдлеме «Гъовумгьо – Севгилгьо» мибу зиёдте е гьозор одоми. Гье у кифлетлуье гъумолет эз гъэд гьер регион вилеет, сенигIэткорлуье

гъумолет идоре ве корхоне, вокурдеигьо, эн ки, бирмунде бири э бирмундеи-гуьрдлеме «Уруссиет», омборгIэилгьо, жогьиле ве вегуьрде оморе кифлетгьо, хэлефгьо мэгIлуьмлуье уруссие суьфдевокурдегоргьо, кифлетгьой Игидгьо Уруссиет ве ветерангьо СВО, гьемиге кифлетгьо желдирегор «Жуьмуьсдеи суьфдеине». Гьемме серкеширегор бирмундеи «Уруссиет» гьемчуьн мидану ек бире э гуьрдлеме гьем гъобул сохде бэхшвегири э гъэд эну межлуьс»,- ихдилот сохди вице-премьер Татьяна Голикова.

Вегирлуье плангьо Сал кифлет э гъэд жейлее фегьмсохи сессии гуьрдлеме «Гъовумгьо – Севгилгьо» 22-муьн январь нушу дори сервор оргкомитет Сал кифлет, жигегир Сернуьше Хьуькуьме Татьяна Голикова ве рэхьбергьо сенигIэтигьо министерство ве идорегьо.

«Э Сал кифлет жирелуье тигъэти мибу доре хьозуьрлугьи е ченд тегьергьо документ э сер демографически ве кифлетлуье политике те 2030-муьн салгьо. Э гъэд план деберди гуьрдлеме, коминики очугъ сохде, верзуьши ве ловсохдеи хубтеи корсохо комики кумеки доре кифлетгьоре э гIэилгьоревоз э кор межлуьслуьие сектор, ве гъозие-гъэдер, коминики руьхсет доре эри еклуьг бире эз гъэд кифлет жире-бе-жире гIуьмуьрлугъире»,- андуьрмиш сохди сервор Минкори Антон Котяков.

Рэхьбер Федеральни агенстве э товун корсохи жовонгьо Ксене Разуваева ихдилот сохди, чуьки э ки жэгIмет «Гъовумгьо – Севгилгьо» ек бири эз 200 гьозор кифлет зиёдте. Гье у кифлетгьо, э гъэд коминики деде-бебе кумекии доре гIэилгьой хуьшдере ве хьозуьрлуь параменд бире э угьорегьо э гьееки.

Эз Догьисту э сер гуьрдлеме огол зере омори омборегIэили кифлет бэхшвегир СВО Алибег Казанбиев, комики бири бердегор Гьеммеуруссиети бэхьс берде «Кифлет 2023-муьн сале» э нум «ОмборегIэили кифлет». Э пушой рафдеи кифлете э Москов Казанбиеви, гьово гуьрде эри гIэилгьо миллетие партал эри бэхшвегири э гъэд межлуьслуье гуьрдлеме, кумеки сохдейм э восдореи авиобилетгьо ве гъэрорноме пуьрсуьшгьо, э товун эже гIэмел миёв зигьисде.

Э гъосуьтевоз Сал кифлет э ёр овурде гьемчуьн хэбер, коминики Сервор Догъисту Сергей Меликов э хэлгъ фирегь мэгIлуьм сохди э эн хуьшде ТГ-ерх. «Гьеле не биреки э Догъисту, омборе серкеширегоргьо бирмундеи «Уруссиет» муьгьбетлуь бире э республикей эн иму. Меселен, омборе ве дусдлуье кифлет Солодовникови эз Краснодарски улке (э сирот). Елена, Владимир ве 11 гIэилгьо угьоре войгеи оморе э Догъисту.

Герме сирот эн угьоре, эжеки угьо гьеммееки сирот зере э ён стенд э гъэд сечсохдение нумверие партал,не гьишди мере бигIор.

Иму гьер вэхд шориним эз гъуногъ, оммо эз ён зере гирошде ижире овхьол э Сал кифлет гьич нибу дануьсде. Солодовникови, чуьтам ве еккейгегьо омборегIэилигьо догъистони кифлетгьо, – меселен гье у, чуьки динлуье верзуьшигьо буллуьи сохде зиндегунире жирелуье фикирлуьи. Угьо не терсиренуьт гурундире, фегьм сохде шори э дуь э еки кумеки сохдеи ве муьгьбетти. Э гъэд гье у кифлет гьисди архитектор, гьово зерегьор, бошугу хундегор ве футболистгьо.

Гьемме угьо зигьисденуьт буллуье, мерэгълуье, зиндегуние, кор сохдени. Мерэгълуь бире спорт ве э сафар рафде. Гьэгъигъэтэи э ижире фирегьунедуьли уруссиетигьо,терссуьзе, кондуьллуье ватанхогь, гъувот эн келе вилеет эн иму!

Хьуьрметлуье Елена ве Владимир! Хьэйронуьм эз сечсохдение кифлет ишму! Эз нум догъистонигьо оголзереи ишмуре сер кешире республикей иму э гьер вэхд кейки ишму воисдени! Боворинуьм, ишму дорундуьли хосди зиёдгуьзелие регион имуре, ве гене воисде миёв оморе э песой тозе нушу доре!»- нуьвуьсди рэхьбер Догъисту.