Сервор Догъисту Сергей Меликов вохурде э Суьфдеи жигегир министра вокурдеи ве ЖКХ РФ Александр Ломакин.

Эзуш бэгъэй жэгIмие пуьрсуьшгьо парменди вокурдеи отрасль э регион бире пуьруьшсохи гешдеи вокурдеи согъэ жерге мэгIэнолуье эри Догъисту объектгьо, вокурде комики э жиге овурде э эхир механизмгьо инфраструктурни нуботноме.

Эзуш бэгъэй еккейге э вэхд ю герек гьисдигьо гъосут, тигъэти бире э ихдиери доре гъэрорноме четинигьо инфраструктурни гъэдерлуье терг.

Э хотур чуьки кумеки федеральни органгьо веровундеи хьуькуьме, гьевел гьемме, жигегир сернуьш хьуькуьм РФ Марат Хуснуллин, Минстроя, Минэкономразвития РФ иму дануьсде вегуьрде инфраструктурни бюджетни гъэрд, комики гьишде имуре сер гуьрде планомерни ве системни коргьо э векендеи инфраструктурни гъэдерлуье терг, комики э Догъисту гьисди дуразовуне гировундеи омборе сал», гIуьзет сохде сервор эн регион.

Кор, э гуфдирей эну берде э чор рэхь.

Суьфдеи – гье у гIовдореи келе шегьергьо, гьемчуьн доре темизе гIов э районлуье бине ве дигьбоне зигьисдеи.

Дуьимуьн – э гуьнжо овурде системей гIовведебердеи э келе шегьергьо тозе сохдеи гьисдигьо ве вокурдеи тозе темизсохдение вокурдеи. Гье у вожиби эри экологически,- риз кешире С.Меликов.

Сеимуьн – гье у э гуьнжо овурде муьхькемлуье системе ЖКХ.

«Имбуруз иму зиёд сохде эну реформере. Гье у гьишде э гуьнжо овурде э зигьисдение жиге лап хуб игърол эри параменди зиндегуние комплекс ве гъэрорноме четиние пуьрсуьшгьо зиндегуние вокурдеи эри хуьшде. Гьееки э уревоз векенде иефраструктурни гъэдерлуье терг мибу гьишде чуьтам вокурдеи хуне эри могълугъ, э гунжо овурде хубе игърол, гьечи ве мибу бине эри параменди еккейггьо отрасли экономики, э у гъэдер промышлени корхонегьо, АПК сафари»,-гуфдире сервор республике.

Александр Ломакин ихдилот сохде э товун зевербиреи инфраструктурни гъэрд вегирде.

Гьемме эрзо, мэгIлуьм сохде у, э у гъэдер, комики доре Догъисту, бире хуб фегьм сохде ве эхдермиш сохде э хьисобсохи вогоррдундеи.

«Вожиби гIуьзет сохде, чуьки социально-экономические ве вечиреи гъэзенж, вегуьрдеи э бараси э жиге овурдеи проектгьо инфраструктурных бюджетни гъэрд, омборте зевер бире процентни нореи, э комики доре и гъэрде. Э сер е гъэдер вэхд гъэрд 15 сал ве салине процентни нореи 3% ведешендеи зиёдие гъэдер пул когъозире э вэхд ю хуб кем сохде корисохи и процентни нореи. Унегуьре зевербиреи э жиге овурдеи и механизме лап хуби.

Э хотур чуьки э жиге овурдеи инфраструктурных пректгьо э хьисоб ИБК ве СКК э 2022-2023-муьн салгьо э гьемме вилеет бири деберде э кор 17 млн кв.м. хунегьо, э гуьнжо овурде эки 100 гьозор корсохие жиге, э вокурдеиотрасль э хуьшде вогосунде 1,8 трлн монет внебюджетни омонети»,-гуфди Ломакин.

Эри чендгъэдери барасилуьи э Догъисту э жиге овурдеи нишонлуье проект э гуьнжолуьи э гуьнжо овурде Еклуье оператор э гIовдореи ве гIовведебердеи ве э товун тозе дегишигьо э модернизации коммунальни тургьо, ве зевербиреи риз гъэдерлуьи гъуллугъ ихдилот сохди Манвел Мажонц.

У гIуьзет сохде, чуьки э 2023-муьн сал оператор э Догъисту те эхир бегьем сохде келе барасигьо. Э гъэд бэхшвегиргьо нишонлуье проект э Федеральни риз гъэдерлуье Догъисту гьисди суьфдеи э веровундеи вегуьрдеи э хуьшде ёгъине гъэрхунди. «Оператор кор сохде э шегьер Каспийск, Дагогни, Избербаш, Кизилюрт. Э гьер эз и шегьергьо гьисди дегишгьо. Э и сал э Каспийск бири дегиш сохде 25 километри тов гIовгировунде.

Э бинелуье мескен шегьер бегьем те эхир гъичи доре гIове э сэгIэтине. Э шегьер Дагогни суьфде э и сал дарафде э зимисдуине вэхд хьозуьр. Гье у пуьрсуьш гъэрорномесуьз омборе сал. Э шегьер Дагогни бегьем модернизирована системе гермиовурдеи. Э Избербаш пуьрсуьш лап четини, оммо гъэдер гIов, комики оморе э шегьер бире зиёдте э 30-40%», гуфдире суьфдеи вице-премьер. И сал, гъэдэгъэ зере Мажонц, гене омбор плангьо. Эз 1-муьн январь еклуье оператор вегуьрде э рэхьбери сетигьо гIовдореи, гIовведебердеи ве герми дореи Махачкале.

«Энжэгъ э Махачкеле иму норе кор дегиш сохде 57 километри рэхь гIовгировундеи, модернизировать 54 гIовебердее жиге, гъуьч сохде 30 километри гермие тургьо ве дегиш 114 гермлуье оборудование. Доруние гъэдер коргьо, комики энжэгъэ и сал норе коргьо сохде, э песини 30-40 сал бигIэдотлуье.

Э зигьисдеи еклуье операторе э системе ЖКХ овуьрде келе бараси, гье у гьисд сохде еккейгьо ресурсоснабжающие идоре. Ве Уруссиети, ве Газпром буланмиши кешире, чуьки корхонегьо ЖКХ пуле не доре э норе овгъот. ГьейсэгIэт еклуье операторе нисди гъэрд э пулдореи, электроэнергии ве э газ.

Э нуботлуье сал зеверте екиним миллиарде монет нории э план пулдореи эри газ ве электричество эз лой еклуье оператор э Махачкеле. Гье у мэгIэнолуь бире, чуьки идоре вегуьрде гене овгъотгьо, комики дануьсде дешенде э хуб биреи тургьо эн хуьшде. Ве иму хьисоб сохде, чуьки гье у лап вожиблуье программе, герекие эри Догъисту»,- гуфдири суьфдеи вице-премьер.

«Э имбурузине руз гьисди хубе синогъи еккейгьо регионгьо. Гьелбетте, иму ниданим негреи сохдеи уре. Оммо эри чуь иму имбуруз дануьсде бараси параменди программе комплексни параменди е гъэдер мескен э Догъисту, имуре гереки фикир сохде э товун доре гъуллугъ эри одомигьо эн иму э хуне вокурдеи»,- гуфдири Сергей Меликов.

У согъбоши гуфдире Минстрой Уруссиет э кумеки э жиге овурдеи везифе ве варасире четинигьо.

Э гъэдер корсохие омореи э республике Александр Ломакин винири мейдун биёвгьо вокурдеи канализационни темизсохдеи вокурде дуруьжде жире Махачкалинской агломирацие э гъувотлуьи 150 гьозор кубически метро э шеви-рузи. Вэхд вокурдеи и объекте те 2024-2027 салгьо. Э имбурузине руз эри э кор венгесде проектной документации уже дори, э мейдун берде коргьо э инжинерни гешдеи гIилми.

Дуьимуьн нуьгде эри винире Александром Ломакиным бире Бинелуье насосни станцие №6 Махачкале, эже мибу гировунде тозе вокурдеи э зевербире жэгIмие гъэдер мол ведешендеи те 240 гьозор куб. м. э шеви-рузи. Проекте объекте бегьем сохде. Корисохи гировуьнде э сер кумеки дореи Фонде параменди е гъэдер мескен.

Шинох бире федеральни рэхьбер э коргьо вокурдеирево магистральни гIовбердеи Чиркей-Махачкала-Каспийск.