Сернуьш Хьуькуьм РД Абдулмуслим Абдулмуслимов андуьрмиш сохде фуьрсореи Серворе РФ Владимира Путина Федеральному Гуьрдлеме РФ, комики бире 29-муьн февраль.

Чуьтам Сернуьш Хьуькуьм республике, эри ме лап вожиби, чуьки сер гуьрде эз нуботлуье сал, мибу э кор венгесде гене пенж миллетлуье проектгьо: «Кифлет», «Жовонгьо Уруссиет», «Дуразкешие ве желдлуье зиндегуни», «Одомигьо», «Экономика бире гъозие». Боворини, чуьки э эхир веровундеи и программе мибу омборе барасигьо эри могьлугъ эн иму республике, ве гьемме Уруссиети Федерации.

Эри ме чуьтам хоригъуллугъсохие, лап дулхоши, чуьки Сервор Уруссиет согъбоши гуфдиреи э гьемме хоригъуллугъсохие вилеет э и барасигьо, комики угьо рафде расире э песини салгьо. Расди, хоригъуллугъсохие бедел экономики имбуруз гьисди бердегор эн республике эн иму.

Догъисту хоригъллугъсохие республике, э кимигьо коргьо эн отрасль иму дарафде э се енебуге э пенж хубтее э гъэд субъектгьо вилеет, э кими коргьо вегуьрде суьфдеи жиге. Гье у согъбоши гуфдире гофгьо Владимир Владимировичем гъэножогъи эки хоригъллугъсохие эн иму.

Гуфдире э товун везифгьо, комики поисде э пушой эн хоригъуллугъсохие, суьфдеи бо гьисди э ихдиёри доре хуреклуье хэтосуьзи. Имбуруз Уруссиети хьуькуьм эн иму бегьем те эхир дануьсдеи пуле расунде эри дошде гьемме герекие хурекгьо. Гье у гьемме рафде расире гьемме э песини 3-5 сал, кейки иму сер гуьрде хуьшдени мол ведешенде, хуьшдени зиёд коре сохдеи ве хуьшде доре моле. Э Догъисту, меселен, корхоне хоригъллуъгъсохие мол уже зевер бире ве жирей корисохи не поисде. Иму бирмундеи тигъэте э дошде, зиёд кор сохдеи ве логистике.

Куьнде вэхд э республике мибу э кор венгесде жерге бегьерехьэвуьжиедошдеи,экуьнди дуь сал мибу э кор венгесде гъувотлуьи зеверте э 100 гьозор тонн. Гереклуьи диеш омборте, оммо э и кор зиёд сохде.

Лап дузи гуфдире сервор хьуькуьм э товун жогъиле уруссиетгьо, комики гьисди э СВО. Имбуруз и гIэилгьо рафде э гIэжел угьо бэгъдовой бараси, бэгъдовой бегъем сохде СВО мидану жофо офде, мибу э хуьшде вогосунде э коргьо хьуькуьмлуье гъуллугъ, Владимир Владимирович Путин риз кешире, чуьки коргьо угьоре белки э кор венгесде ве гъобул сохде гъэрорноме э сер нореи министров, рэхьбергьо.

Жейлее гъэйгъу сохде Сервор э пуьрсуьш соводи. Соводи эн иму вероморе эрхэ – гье у биёв, гьо эн иму уруссиети хьуькуьм, чуьтам иму дануьсде тербие дореи биёвгьо эрхэ эз и мибу межбур биреи лап омбор. Владимир Владимирович гуфдире ве э товун гъуьчсохи ве вокурдеи школе, гуфдери чендгъэдер школе мибу вокурде э 6 сал э мескен Уруссиет Федерации.

Иму э рэхьбери Сергея Алимовича ёгъин гьелбетте э кор венгесде войге корисохи, эри э гьемме федеральни проектгьо Республика Догъисту гъобул сохде бэхшвегири.

Гьелбетте, омбор гуфдире э товун параменди регионгьо. Сервор хьуькуьм эн иму гуфдире: «Гъувотлуье регионгьо-гъувотлуье Уруссиет», иму гуфдире «Гъувотлуье муниципалитетгьо-гъувотлуье Догъисту».

Имуре гьисди вес бире синогъи бэхшвегири э ижире хьуькуьмлуье программе. Э гьонине вэхд иму экор венгесде проектно-сметные документгьо, песде угьоре миду э Минсельхоз Федерации.

Э Республике Догъисту э песини 25-30 сал омборе четингьо гьисди э хуне-гъуллугъсохие коргьо. Иму уже дуьимун сал э кор венгесде кор инфраструктурни нуботноме, э товун комики Владимир Владимирович гуфдире э Фуьрсореи. Иму э кор венгесде еки эз веди – бюджетни гъэрхунди. Э гье у рэхь иму гировунде гIовобердеи э шегьер Махачкале ве гIововедебердеи махачкалинско-каспийской агломирации. Владимир Владимирович гуфдире ве э товун овгъотгьо, э процент ве гъэрхунди, комики иму, чуьтам регионгьо, биё бу вогордунде. Имогьой э эхири программе инфраструктурни бюджетни гъэрхунди эри регионгьо вогордундее гъэрхунди э пушо норе гене дешенде э параменди э и регионгьо. Гье у гьисди вожиблуьи эри иму.

Сервор Уруссиети Федераци гуфдире э товун мэгIэнолуье гърорноме эри гьемме Уруссиетие хьуькуьм ведешендеи эз жерге 2/3 бюджетни гъэрхундигьо, комики гьисди э омборе регионгьо РФ. Гьечи миллиардгьо монет мирав э параменди и регионгьо. Гьелбетте, лап омбор гуфдире омори ве э товун соводи ве хьозуьр сохде корсохгьо. Корсохгьо биё бу лап хуб хьозуьр сохде ве бире э вэхд ю герек гьисдигьо э тозе технологигьо.

Гуфдире ве э товун студентчески шегьергьо, зевер биреи пулгьо корсохгьо ве э гуьнжо овурде хубе игърол эри корсохгьо тербиедорогор, кумеки доре студентгьо ве волонтергьо.

Жейле гуфдире э товун параменди академически гIилм, эзу товун ки, эгенер не бире параменди академически гIилм, имуре не бире гIилмие технологи. Меселен, барасигьо гIилмие э кор венгесдеи ве технологи, комики имбуруз Уруссиете Федераци э кор венгесде э сер гировундеи Жейлее лешгерие корисохи э у гъэдер э ихдиёри доре барасигьо эри лешгеригьо эн иму э пушолуье.

Владимир Владимирович бирмундеи тигъэте э гIилмие э кор венгесде. Угьо мибу омбор кумеки доре, пулдореи гировунде гIилмие э кор вегесдеи э хьуькуьмлуье гъэрхунди гереки бире э ихдиёри доре, эри чуь песини и э кор венгесдеи гьисди гъэгъигъэтлуье э кор венгесдеи э коргьо.

Меселен, эгенер иму миданим э кор венгесде зевербарасилуье ве зевербегьерлуье жинсгьо тэхуьли, умогьои э ек сал иму миданим зевер сохде бегьерлуьи эз 1 центра те 12-15 центнеров гектара. Имуре э республике э хозяйствой дигьбони, чуьтам ве э битмишидори, молгъэредори гировунде келе коргьо э Гьеммеуруссиети институт битмишидори э нум И.И Вавилова, вокурде омори микроклональни лабаратория. Эзуш бэгъэй, гировунде коргьо э хубте биреи барасилуье ве тухумлуье верзуьшлуьи сергьой молгъэре.

Лап омбор гуфдире Сервор э товун социальни политике, э товун кифлетгьо, э товун вероморе эрхэ, э товун несигIэтдори.

Фуьрсореи Серворе Уруссиети Федераци Владимира Владимировича Путина – программни зиреклуье когъоз, комики доре песдеине параменди вилеет эн иму те 2030-муьн сал ве э песдеине вэхд.

Ве э республике эн иму у мибу бинелуье зиреклуье когъоз, гуьре комики иму миданим э вэхд ю герек гьисдигьо ве деберде дегиши э гъобул сохдеи зуте гъэножогъи параменди Республики Догъисту. Э хьисобсохи гьемме гуфдирегьо Серворе фуьрсореи иму миданим деберде кимигьо дуз сохдеи ве параменди республику песде.