Э библиотеке республикей Догъисту эри кургьо не хэраб дирегоргьо э Махачкала гирошди презентацие китоб эн мэгlлуьмлуье жугьуре шогьире не прозаике Хизгил Авшалумов «Хитроумный Шими Дербенди», дофус зере омори э рельефно-точечный шрифт Брайль не э аудиоформат.
Гьемкоркигьой библиотека ихдилот сохдет эз зиндегуни не ератмиши эн шогьир. Шими Дербенди – шекуьлуье офдеомореи эн Хизгил Авшалумов. Э тегьер гиро у бирмунди гьевелигьо не гьонине вэхд жегьмет жугьуроре, нушу дори хэлгълуье дениширеи э гьисдигьо четинигьой гьейсэгlэти жэгIмет. Гьемиге гуфдире омори, чуьтам ератмиши эн шогьир дировунди келе омонети э омбормиллетлуье литературей Догъисту, эже э зугьун офде омори шон зиндегуни эн хэлгъ э деврон келе, офуьреи не драматический синемиши гирошдигьо девр.
Э гъэд гlуьзетлуье гъуногъо бу: Аминат Абдурашидова, шогьир Догъисти, сернуьш гуьрдномей творческий не гlилмлуье интеллигенцие «Билогъ»; Виктор Михайлов, серворлуье редактор «Ватан»; Геннадий Сосунов, эхдеруьшчи эн гъозие нэ культурей жугьургьо; Борис Ханукаев, верзуьшлуье тербиедорегор РД не угьониге.
Гьеммишеине хундегор эн библиотека эри кургьо, Зумрият Яралиева, вегуьрдегьо екимуьни жиге э конкурс «Тифлохундегор», комики гирошди 21-ум ноябрь 2023 сал, хунди е кесег эз брайлевский китоб, эри кимики беледи бу презентация.
И бу ихдилот «Гусбенд эри кобоб»: «Нум келе неве Шими бу эн бебей келедедей, у хотурурэ омбор хостембру нэ нумьуре гуьрдъемръу хьуьрмети нэ назуьшменди: «Бебелейме». Евош-евош э кифлет не хьэёт эдембрут гьечи огол зоре, гуйге гъэгъигъэте нуму бу эз дедей бире. Оммо эз хуьшдере бирмундеи Бебеле екиреш хош нисе оморембру, эз келедедей бэгъдэ. Хундембру хэреб, духдерорэ гъэр дорембру. Э гоф эн бебедедей нэ тербиедорегоро нисе дениширембру. Эз пэхьники нединжи сохдембру э томбокурово…»- сер гуьрде у.
Эеки э библиотекерово э гуьрд сохдей межлуьс е бэхшвегир бири бинелуье мескен динлуье культурэй хэлгъ Уруссиет Хуней культурэ Гьеммеуруссиетие жэгIмет кургьой эн Махачкала.
Электронный библиотекей Фонд СТМЭГИ сэхьиб эн фирегьутегьерлуье коллекцией аудиозаписгьо шогьирой жугьури бири э гъэгъигъэти не тержуьми, эде молъэ э пушой эн воесохдегор норе эри лов сохдей литературе не зугьун жугьурире.
