Пуьрсуьш дешендеи дегишигьоре э ФЗ «Э товун хьуькуьмлуье ве муниципальни еклуье корхонегьо» ве ФЗ «Э товун гъэлхэнди хьовуети» пуьруьш сохде оморебу 18-муьн июль, э г1эрей гуьрдлемей Хьуькуьм РД. Гуьрдлемере гировундебу Сернуьш Хьуькуьм эн Республикей Догъисту Абдулмуслим Абдулмуслимов. Сер гуьрденки гуьрдлемере, премьер-министр республике э ёр овурди, ки э регион, чуьтам э гьемме вилеет, дегиш сохде оморенуи хьуькуьметлуье ве муниципальни унитарни корхонегьо. Гъосут эну гьисди кемсохи бедел бэхшвегири хьуькуьм ве муниципалитегьоре э экономике.
«Э фикир Федеральни гъэрушуймонопольни гъуллугъи, корисохи эн унитарни корхонегьо зобу кори сохдени э хьовуети, омбаргьо эзугьо хэйр нисе овурденуьт.омборте. Эзу товун гъобул сохде омори гъэрорноме э товун кем сохдеи хьисоб угьоре э жирей нисдсохи енебуге тозе дегиши. Э федеральни риз нори тог1ин сохде омори вэхд нисд сохдеи корхонегьоре эз ЕГРЮЛ – те сентябрь 2024-муьн сал»,- мэг1луьм сохди А.Абдулмуслимов.
Э тог1ин сохде оморигьо э регион план-график ГУП ве МУП дешенде омори 318 корхонегьо. Э план гуьре денишире оморени чор жирей дегиш сохдеи унитарни корхонегьоре: э г1эрей жерге кор пулсуьзи – 22, нисдсохи – 206, дегишсохи – 83, ве гьмчуьн дошдеи – 7.
Гереки гуфдире, ки гьер жирей дегиш сохдеи хьуькуьметлуье ве муниципальни унитарни корхонегьой республикере доре омори планови вэг1эдо эри э кор венгесде гереклуе коргьоре ве вихде омори назардуье жигегьо. Оммо, э овхьолет э 1-муьн июль, э план гуьре денишире оморени ки фегьм сохде миев 1156 жигегьо, оммо веровунде омори 322 (веровунде э 9 республике гуьнжуьнди 27,8%).
Абдулмуслим Абдулмуслимов э рэхьбергьой органгьой хьуькуьм э ер овурди, ки Сервор Республикей Догъисту Сергей Меликов е ченд гиле гуфдиребу, ки гереки э вэг1эдо ю бегьем сохде э пушо норе оморигьо коргьоре.
Э товун эну чуьтам веровунде оморени талабигьо э гуьрдлеме ихдилот сохди жигегир Сернуьш Хьуькуьм – министр э товун хорие ве девлетлуье гъэножогъигьо эн Республикей Догъисту Заур Эминов. У гьемчуьн эз бэхшвегиргьо гуфди э товун мэг1энолуьи ве вожиблуьи эни пуьрсуьш ве риз кешири, ки и пуьрсуьш пуьрсуьш дери э гъиметдии барасилуьи серворе Уруссиети Федерацие.
«Э гьонине вэхд Министерствой девлет РД э органгьой веровунденигьо хьуькум фуьрсори проект гъэрорномере э товун нисд сохдеи 206 корхонегьоре. РД фуьрсори э разисохдеи э органгьо веровундеи хьуькуьмевоз проект гъэрорноме Хьуькуьме Догъистуре э товун нисдсохи 206 нушудоре оморе корхонегьо.
Э товун эни корхонегьо сернуьшгьой нисд сохде оморенигьо корхонегьоре гереки бегьем сохде нуьвуьсдеи овгъотгьо ве сэхд сохде гьисдигьо гъэрхунди пули ве э бегьем сохдеи нушу доре нисд сохдигьо овгъотгьоре э налогови орган эри ведешендеи эз ЕГРЮЛ»,- ихдилот сохди вице-премьер.
Еки эз бинелуье себеб дураз кеширеи нисд сохденигьо коргьоре Заур Эминов нум дори бейбофо монети овхьолет ве минкинсуьзи гировундеи нисдсохи э етарафлуье нубот э войне, гьисдигьо э песой корхоне гъэрхунди пули, э у хьисоб э товун налоггьо ве вечиреигьо.
«Э овхьол минкинсуьзи нисдсохи гъэрхундире э дивуни нубот, чуьтам имидсуьзе эки фикирнушудии, гереки пушоки дире дануьсде екиге овгъотгьо э республикански бюджет эри нисдсохи гъэрхундире э гъосут бегьем сохдеи нисдсохире. Гереки гуфдире, ки э унжо, эже нушудорегоргьой эн Министерствой девлет Догъисту, гьисди сернуьшгьо нисд сохденигьо фегьмсохи иму нисе виниренис себеб не веровундеире»,- гуфдири жигегир сернуьш.
Гьечуь, э хьисоб корхонегьо, комигьореки гереки нисд сохде э товун комигьоки нисд сохде оморенигьо коргьо бегьем сохде не омори. Эри эни коргьо норе омори отраслевой органгьой веровунденигьо хьуькуьм республике э унжо дешенде омр ГУП «Дирекция ФЦП «Дорум Уруссиет» э РД, КП РД «Спецбытстройсервис» ве КП РД «Дирекция государственного заказчика-застройщика, ве гьемчуьн КП РД «Объединение котельного хозяйства объектгьов здравоохранения и КП РД «Дирекция э товун инвестиционнн программегьо капитальни вокурдеи ве гъучсохи объектгьой жунсогъидошдеире».
Э гуьрдлеме э докладевоз гьемчуьн гоф гуфдиребируьт министр дошдеи жунсогъи эн Догъисту Т. Беляеве ве жигегир эн министр вокурдеи, архитектури ве ЖКХ РД Салам Гасайниев.
Э эхир гуьрдлеме Абдулмуслим Абдулмуслимов гъуллугъ дори нушу дори э пуре тегьеревоз ихдилот сохде э товун веровундеи план-график дегиш сохдеи муниципальни унитарни корхонегьой Догъистуре э нуботлуье гуьрдлеме эн Хьуькуьм РД.
