Сергей Меликов нори везифегьо идорегьоре хьуькуьме э апрель. Э вожиблуьи мунди нисдсохи зиёдгъэдерие ворушгьоре э Догъисту. Мибу зиёд сохдеи коре э сер дореи кумекиире буланмиши вегуьрдегоргьоре ве дозеден э хуьшде дировундеи пучи биреие инфраструктурере. Гьемме пуьрсуьшгьо гьисди э фегьмсохи серворе регионе, доре омори гъэдэгъэгьо рэхьбергьоре идорегьой хьуькуьме.
Э и мегь зиёд сохдеи веровундеире бинелуье инфраструктурни проектгьоре, э у гъэдер гIовебердеи «Чиркей-Махачкале-Каспийск».
Э суьфдеи ниме апрель мибу дуь эекиревоз гуьрдлеме оргкомитетгьоре «Бараси» ве э гировундеи Сале еклуьги.
Сергей Меликов мигировуну динлуье вохурдеигьо э гъовумгьоревоз лешгеригьоре, пуьруьш мисоху э идорегьоревоз хьуькуьме э вэхд ю герек гьисдигьо эри регионе пуьрсуьшгьоре.
Жирелуье тигъэти – гьемметарафлуье парамендире е гъэдер мескенгьоре. Э апрель мибу шинох сохде е ченд дуьруьжде проетгьо КРТ. Бэшгъэе гъосуьтовоз мибу биёвгьо хубте биреи е гъэдер мескене э иловле дерьёгьче Ак-Гель ве жиге вокурдеи «Школере -21».
Э апрель пуьруьш мисоху э пушо дерие э кор венгесдеи хокоруре бэхш сохдеие гуьрдномегьоре ве дореи объектгьоре ТКО жофоие овгъотгьоре.
Э махачкале э бэхшвегириревоз федеральни идорегьо мигирору везифегьо вохурдеи, комики гIуьзет сохде оморе веровундеире э регионе муниципальни тегьере хориие фегьмсохире ве миллетлуье тегьере фирегьерлуье хэберегьоре.
Э бинелуье тигъэти мибу пуьрсуьшгьо хэберлуье секонеисуьзире, параменди энергетике ве промышленности.
Э Дербендски районе везифе норе омори э кор венгесдеи дуьруьжде проекте – офтолуье электростанцие.
Э эхир мегь мибу вокурдеи тозе ризе проекте «Салаватстекло Каспий».
Зиёд сохдеи коре эсер ватанхогьие несиете: пуьруьш мисоху параменди хундение-тегьерие бинегьоре «Авангард»ве «Юнармия», овурде расундеи школеие классгьоре эри гировундеи дерсгьоре эсер бинегьо сэконеисуьзи ве гъэлхэнди Ватане.
Э эхир мегь – бинелуье гъозие: десдей республике гъобул мисоху бэхшвегири э Кавказски пуледореие гуьрдлеме.
Э жейлее гуьрдлемегьо пуьруьш мисоху вокурдеире реабилитационни бинере эри лешгеригьо, оголзереие кампани, хьозуьрлугъи эки майски мигIидгьо, гьемчуьн э гуьнжо овурдеи коре э сер корсохгьо эри экономике регионе.
